ಬೆಂಗಳೂರು: ನಗರದ ವಿಮಾನ ತರಬೇತಿ ವಲಯಕ್ಕೆ ನೂತನ ಹನ್ಸಾ-ಎನ್‌ ಜಿ ಹೆಸರಿನ ತರಬೇತಿ ವಿಮಾನ ಸೇರ್ಪಡೆಯಾಗಿದೆ.
ಸಿಎಸ್‌ಐಆರ್‌ನ ನ್ಯಾಷನಲ್‌ ಏರೋಸ್ಪೇಸ್‌ ಲ್ಯಾಬೋರೇಟರೀಸ್‌ ಸಂಸ್ಥೆ ಈ ವಿಮಾನವನ್ನು ಬೇಲೂರು ಕ್ಯಾಂಪಸ್‌ನಲ್ಲಿರುವ ವಿಮಾನ ತರಬೇತಿ ಕೇಂದ್ರಕ್ಕೆ ತಂದಿಳಿಸಿದೆ. ಈ ತರಬೇತಿ ವಿಮಾನದ ಎಲ್ಲಾ ಸಂಯೋಜಿತ ಭಾಗಗಳು ಜೆಎಆರ್‌-ವಿಎಲ್‌ಎ ವಿಭಾಗದಡಿಯಲ್ಲಿ ಡಿಜಿಸಿಎ 2000 ರಲ್ಲಿ ಪ್ರಮಾಣೀಕರಣ ಮಾಡಿದ್ದಾಗಿವೆ. ಈ ಸುಧಾರಿತ ಸ್ವದೇಶೀ ತರಬೇತಿ ವಿಮಾನಗಳ ಅಗತ್ಯತೆಗಳನ್ನು ಪೂರೈಕೆ ಮಾಡುವ ನಿಟ್ಟಿನಲ್ಲಿ ಕೇಂದ್ರ ಸರ್ಕಾರ 2018 ನೇ ವರ್ಷದಲ್ಲಿಯೇ ಅನುಮೋದನೆಯನ್ನೂ ನೀಡಿತ್ತು.
ಈ ತರಬೇತಿ ವಿಮಾನವು ಸ್ಮಾರ್ಟ್‌ ಮಲ್ಟಿ ಫಂಕ್ಷನಲ್‌ ಡಿಸ್ಪ್ಲೇ, ಗ್ಲಾಸ್‌ ಕಾಕ್‌ಪಿಟ್‌, ಬಬಲ್‌ ಮೇಲ್ಚಾವಣಿ ವಿನ್ಯಾಸದ ಜೊತೆಗೆ ಐಎಫ್‌ಆರ್‌ – ಕಂಪ್ಲೈಂಟ್‌ ಏವಿಯಾನಿಕ್ಸ್‌ ಅನ್ನು ಒಳಗೊಂಡಿದೆ. ಈ ವಿಮಾನದ ಶ್ರೇಣಿ ಮತ್ತು ಸಾಮರ್ಥ್ಯವನ್ನು ಡಿಜಿಟಲ್‌ ನಿಯಂತ್ರಿತ ರೋಟಾಕ್ಸ್‌ 912 ಐಎಸ್ಸಿ ಎಂಜಿನ್‌ನ ಆಯ್ಕೆಯು ಹೆಚ್ಚಿಸಿದೆ. ಈ ವಿಮಾನವನ್ನು ತರಬೇತಿಗೆ ಬಳಕೆ ಮಾಡಿಕೊಳ್ಳುವ ಸಲುವಾಗಿ ಡಿಜಿಸಿಎಯಿಂದ ಅನುಮತಿ ಪಡೆದುಕೊಳ್ಳಲಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. 2020 ರಲ್ಲಿಯೇ ೀ ವಿಮಾನ ತಯಾರಿಕೆ ಆರಂಭ ಮಾಡಲಾಗಿತ್ತು.
News13
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
