ಬೀದರ್‌ನಲ್ಲಿ ಬಿ. ಸಿ. ಪಾಟೀಲರಿಂದ ʼರೈತರೊಂದಿಗೆ ಒಂದು ದಿನʼ ಕಾರ್ಯಕ್ರಮ

ಬೀದರ್:‌ ರಾಜ್ಯದ ಕೃಷಿ ಸಚಿವರ ವಿನೂತನ ಕಾರ್ಯಕ್ರಮ ʼರೈತರೊಂದಿಗೆ ಒಂದು ದಿನʼ ಬೀದರ್‌ನಲ್ಲಿ ನಡೆಯಿತು.

ಸಚಿವ ಬಿ. ಸಿ. ಪಾಟೀಲ್‌ ಅವರು ಜಿಲ್ಲೆಯ ಧನ್ನೂರಿನ ಬಸವೇಶ್ವರ ದೇವಸ್ಥಾನದಲ್ಲಿ ಪೂಜೆ ಸಲ್ಲಿಸುವ ಮೂಲಕ ಈ ಕಾರ್ಯಕ್ರಮಕ್ಕೆ ಚಾಲನೆ ನೀಡಿದರು. ಬಳಿಕ ಕಬ್ಬಿನ ಬೆಳೆಯ SSI ಮಾದರಿಯ ನಾಟಿ, ಹನಿ ನೀರಾವರಿ ಘಟಕ ಅಳವಡಿಕೆ, ಕಬ್ಬಿನ ಬೆಳೆಗೆ ನೀರಿನಲ್ಲಿ ಕರುಗುವ 19:19:19 ರಸಗೊಬ್ಬರ ಸಿಂಪರಣೆ, ಜೋಳದ ಹೊಲದಲ್ಲಿ ಧ್ವನಿವರ್ಧಕ ಹಾಗೂ ಹೊಳೆಯುವ ರಿಬ್ಬನ್ ಕಟ್ಟುವ ಮುಖಾಂತರ ಹಕ್ಕಿ ಓಡಿಸುವ ನೂತನ ಮಾದರಿ ಕಾರ್ಯಕ್ರಮವನ್ನು ವೀಕ್ಷಿಸಲಾಯಿತು.

ಅನಂತರ ಕಬ್ಬಿನ ಬೆಳೆಗೆ ಜಿಪ್ಸಂ ಮತ್ತು ಸಾವಯುವ ಗೊಬ್ಬರ ಹಾಕುವುದು, ಎಳ್ಳು ಬೆಳೆಗೆ ಲಘು ಪೋಷಕಾಂಶ ಸಿಂಪಡಣೆ, ಕಡಲೆ ಬೆಳೆಯಲ್ಲಿ ಪಲ್ಸ್ ಮಾಜಿಕ ಸಿಂಪಡಣೆ, ಸೆಣಬು ಬೀಜ ಬಿತ್ತನೆ ಹಾಗೂ ಇತರೆ ಕೃಷಿ ಚಟುವಟಿಕೆಗಳಲ್ಲಿ ರೈತರೊಂದಿಗೆ ಭಾಗಿಯಾಗಿ, ಅವರ ಸಮಸ್ಯೆಗಳನ್ನು ಆಲಿಸಲಾಯಿತು.

ಕಾರ್ಯಕ್ರಮದಲ್ಲಿ ಸಚಿವ ಪ್ರಭು ಚೌಹಾಣ್‌ ಸೇರಿದಂತೆ ಇನ್ನೂ ಹಲವು ಗಣ್ಯರು ಉಪಸ್ಥಿತರಿದ್ದರು.