208 ಮಾವಿನ ಪ್ರಭೇದಗಳನ್ನು ಸಂರಕ್ಷಿಸಿ ‘ಹೆರಿಟೇಜ್’ ಟ್ಯಾಗ್ ಪಡೆಯಿತು ಈ ಗ್ರಾಮ

ಕೇರಳದ ಅತ್ಯಂತ ವಿಶಿಷ್ಟ ಗ್ರಾಮವೊಂದು 208 ವಿಧದ ಮಾವಿನ ತಳಿಗಳನ್ನು ಪೋಷಣೆ ಮಾಡಿ ‘ಹೆರಿಟೇಜ್’ ಸ್ಥಾನಮಾನವನ್ನು ಪಡೆದುಕೊಂಡಿದೆ. ಕಣ್ಣಪುರಂ ಗ್ರಾಮ ಈ ಹೆಗ್ಗಳಿಕೆಗೆ ಪಾತ್ರವಾಗಿರುವ ಗ್ರಾಮ. ನಟ್ಟುಮಾಂಜೊಟ್ಟಿಲ್ ಎಂಬ ಮಾವಿನಹಣ್ಣು ಪ್ರಿಯರ ತಂಡವೊಂದು ಈ ಗ್ರಾಮಕ್ಕೆ ವಿಶಿಷ್ಟ ಹೆಗ್ಗಳಿಕೆ ಬರುವಂತೆ ಮಾಡಿದೆ.

ಹಲವು ವರ್ಷಗಳ ಹಿಂದೆ ಭೂ ಮಾಲೀಕನೊಬ್ಬ 200 ವರ್ಷ ಹಳೆಯ ವೆಲ್ಲಥಾನ್ ಮರವನ್ನು ಕಡಿದು ಹಾಕಿದ್ದ. ವೆಲ್ಲಥಾನ್ ಮಾವಿನ ಹಣ್ಣು ಅತ್ಯಂತ ಸಿಹಿ ಮತ್ತು ಗ್ರಾಮಸ್ಥರ ಹೃದಯದಲ್ಲಿ ಒಂದು ವಿಶೇಷ ಸ್ಥಾನವನ್ನು ಪಡೆದುಕೊಂಡಿತ್ತು. ಹೀಗಾಗಿ ನೆಲಕ್ಕೆ ಬಿದ್ದ ಮರಕ್ಕೆ ಪರ್ಯಾಯವಾಗಿ ಮತ್ತೊಂದು ಮರವನ್ನು ನೆಟ್ಟು ಬೆಳೆಸಬೇಕು ಎಂದು ನಟ್ಟುಮಾಂಜೊಟ್ಟಿಲ್ ತಂಡ ದೃಢನಿಶ್ಚಯ ಮಾಡಿತ್ತು.

ಮಕ್ಕಳಿಂದ ಹಿಡಿದು ದೊಡ್ಡವರವರೆಗೆ ಎಲ್ಲರೂ ನೆಲಕ್ಕೆ ಬಿದ್ದ ಮರದ ಕೊಂಬೆಗಳನ್ನು ಎತ್ತಿಕೊಂಡು ಹೋಗಿ ಕಸಿ ಮಾಡಿದರು ಮತ್ತು ಅವುಗಳನ್ನು  ಪೋಷಿಸಲು ಆರಂಭಿಸಿದರು. ಹೀಗೆ ಈ ಗ್ರಾಮಸ್ಥರ ಮಾವಿನ ಪ್ರೀತಿ ಆರಂಭವಾಯಿತು. ಗ್ರಾಮದ ಮೂಲೆ ಮೂಲೆಯಲ್ಲಿದ್ದ ವಿಭಿನ್ನ ಬಗೆಯ ಮಾವಿನ ತಳಿಗಳನ್ನು ಇವರು ಕಸಿ ಮಾಡಲು ಆರಂಭಿಸಿದ್ದಾರೆ. ಈಗ ಈ ಗ್ರಾಮದಲ್ಲಿ 208 ತಳಿಯ ಮಾವಿನ ಹಣ್ಣುಗಳು ಇವೆ. ಹತ್ತಿರ ಹತ್ತಿರ 500 ಮರಗಳಿವೆ.

ನಟ್ಟುಮಾಂಜೊಟ್ಟಿಲ್ ಎಂಬ ಹೆಸರಿನಲ್ಲಿ ಫೇಸ್ಬುಕ್ ಪೇಜ್ ಅನ್ನು ಕೂಡ ತೆರೆಯಲಾಗಿದೆ. ಇಲ್ಲಿ ಮ್ಯಾಂಗೋ ಪ್ರಿಯರು ಒಟ್ಟುಗೂಡಿ ಚರ್ಚೆ ನಡೆಸುತ್ತಾರೆ. ಮಾವಿನ ಹಣ್ಣಿನ ರುಚಿ, ಆಕೃತಿ ಹೀಗೆ ಎಲ್ಲವೂಗಳ ಬಗ್ಗೆಯೂ ಇಲ್ಲಿ ಜನರು.

ಈ ಗ್ರಾಮದ ಕೆಲವೇ ಭೂ ಪ್ರದೇಶದಲ್ಲಿ ಸುಮಾರು 208ಕ್ಕೂ ಅಧಿಕ ವಿಧದ ನೂರಾರು ಮಾವಿನ ಮರಗಳು ಕಾಣಲು ಸಿಗುತ್ತದೆ.

2020ರ ಜುಲೈ 22ರಂದು ರಾಷ್ಟ್ರೀಯ ಮಾವು ದಿನದಂದು ಕೇರಳ ಜೀವವೈವಿಧ್ಯ ಮಂಡಳಿ ಕಣ್ಣಪುರಂ ಗ್ರಾಮಕ್ಕೆ “ದೇಶಿಯ ಮಾವು ಪಾರಂಪರಿಕ ಪ್ರದೇಶ” ಎಂಬದ ಗುರುತನ್ನು ನೀಡಿದೆ. ಈ ಗುರುತು ಗ್ರಾಮಕ್ಕೆ ಒಂದು ವಿಶಿಷ್ಟತೆಯನ್ನು ತಂದು ಕೊಟ್ಟಿದೆ. ಈ ಗ್ರಾಮದ ಜನರ ಮಾವಿನ ಪ್ರೀತಿ ಈಗ ಎಲ್ಲರ ಮನೆ ಮಾತಾಗಿದೆ.