ಕೊರೋನಾ ಬಂದ ಬಳಿಕ ಇಡೀ ವಿಶ್ವದ ಆರ್ಥಿಕ ವ್ಯವಸ್ಥೆ ಬುಡಮೇಲಾಗಿದೆ. ಇದಕ್ಕೆ ಭಾರತವೂ ಹೊರತಾಗಿಲ್ಲ. ಆದರೆ ಪ್ರಧಾನಿ ಮೋದಿ ಅವರಂತಹ ಸಮರ್ಥ ನಾಯಕತ್ವದಿಂದಾಗಿ ಈ ಸವಾಲನ್ನು ಅನುಕೂಲವಾಗಿ ಪರಿವರ್ತನೆ ಮಾಡಲು, ಭಾರತೀಯರಿಗೆ ಈ ಸಂದರ್ಭವನ್ನು ಸದುಪಯೋಗವಾಗಿ ಬಳಸಿಕೊಂಡು ಸ್ವಾವಲಂಬಿಗಳಾಗಲು ಅವಕಾಶದ ಹೊಳಹನ್ನು ನೀಡಿದೆ. ಕೇಂದ್ರ ಸರ್ಕಾರದ ಈ ಯೋಚನೆಗೆ News 13 ತಂಡದಿಂದಲೂ ಅಳಿಲು ಸೇವೆ ಮಾಡುವ ಪುಟ್ಟ ಪ್ರಯತ್ನ. ಅದೇ VocalForLocal.
ಸಮಾಜಕ್ಕೆ ಸದಾ ಪಾಸಿಟಿವ್ ಸುದ್ದಿಯನ್ನು ನೀಡುತ್ತಾ ಬಂದಿರುವ News13 ತಂಡವು ಆಗಸ್ಟ್ 15 ರಂದು Local ಜಾಲತಾಣವನ್ನು ನಮ್ಮವರಿಗಾಗಿ ಕೊಡುಗೆಯಾಗಿ ನೀಡಿದೆ. ಆ ಮೂಲಕ ಸ್ವಾವಲಂಬನೆಯ ಬದುಕು ಕಟ್ಟಿಕೊಳ್ಳು ಆಶಯದ ಜೊತೆಗೆ ಸ್ವ ಉದ್ಯಮ ನಡೆಸುವ ಸ್ಥಳೀಯರಿಗೆ ಕೈಲಾದ ಮಟ್ಟಿಗೆ ವೇದಿಕೆ ಕಲ್ಪಿಸುವ ನಿಟ್ಟಿನಲ್ಲಿ ಈ ಯೋಜನೆಗೆ ರೂಪುರೇಶೆ ನೀಡಿ, ಸಾರ್ವಜನಿಕರಿಗೆ ಅಂದರೆ ಸಣ್ಣ ಉದ್ಯಮಿಗಳು, ವಸ್ತುಗಳು ಮತ್ತು ಗ್ರಾಹಕರ ನಡುವೆ ಸಂಪರ್ಕ ಕಲ್ಪಿಸುವ ವೇದಿಕೆಯಾಗಿ ಕೆಲಸ ಮಾಡಲಾರಂಭಿಸಿದೆ News13.
ಸ್ಥಳೀಯ ಉತ್ಪನ್ನಗಳಿಗೆ ಮಾರುಕಟ್ಟೆ ಒದಗಿಸುವ ಮೂಲಕ ಸ್ವದೇಶಿ ಉತ್ಪನ್ನಗಳನ್ನು ಪ್ರಚಾರ ಮಾಡುವ ಧ್ಯೇಯೋದ್ದೇಶವನ್ನು ಹೊಂದಿದೆ. ಅಂದ ಹಾಗೆ ಜಾಲತಾಣದ ಟ್ಯಾಗ್ ಲೈನ್ ಸಹ ನಮ್ಮವರಿಂದ ನಮ್ಮವರಿಗಾಗಿ. ಹೌದು ನಮ್ಮವರಿಂದ ನಮ್ಮವರಿಗಾಗಿಯೇ ಈ ವೇದಿಕೆ. ನಮ್ಮ ಸ್ಥಳೀಯರಿಂದ ತಯಾರಾಗುವ ಉತ್ಪನ್ನಗಳನ್ನು ಜನಮಾನಸಕ್ಕೆ ತಲುಪಿಸುವ ಕಾರ್ಯಕ್ಕೆ ತಂಡ ಕಂಕಣಬದ್ಧವಾಗಿದೆ. ಇದಕ್ಕೆ ಸಹಕಾರ ಸಮಾಜದಿಂದಲೇ ದೊರೆಯಬೇಕಿದೆ. ಈಗಾಗಲೇ ಜನರೂ ಇತ್ತ ಆಕರ್ಷಿತರಾಗಿದ್ದಾರೆ. ಬಿಡುಗಡೆಯಾದ ಮೂರು ವಾರದಲ್ಲಿ 150 ಕ್ಕೂ ಅಧಿಕ ಉತ್ಪನ್ನಗಳು, ಸೇವೆಗಳು ಈ ಜಾಲತಾಣದಲ್ಲಿ ಸೇರ್ಪಡೆ ಹೊಂದಿದ್ದು, ಗ್ರಾಹಕರು ಈಗ ಯಾವುದೇ ಮಧ್ಯವರ್ತಿಗಳಿಲ್ಲದೇ ನೇರವಾಗಿ ಉತ್ಪಾದಕರನ್ನು ಸಂಪರ್ಕಿಸಲು ಸಾಧ್ಯವಾಗುತ್ತಿದೆ. ಸಂಪೂರ್ಣ ವ್ಯವಹಾರ ಗ್ರಾಹಕ-ತಯಾರಕರ ನಡುವೆಯೇ ನಡೆಯಲು ಪೂರಕ ವ್ಯವಸ್ಥೆ ಈ ವೇದಿಕೆಯಿಂದಾಗುತ್ತಿದೆ.
ಇಲ್ಲಿ ಏನೆಲ್ಲಾ ಇದೆ?
ಹಾಗಾದರೆ ಇಲ್ಲಿ ನಮಗೆ ಏನೇನೆಲ್ಲಾ ದೊರೆಯುತ್ತದೆ ಎಂದು ಯೋಚಿಸುತ್ತಿರುವಿರಾ. ಎಲ್ಲವೂ ಇದೆ. ಮನೆಯಲ್ಲಿಯೇ ತಯಾರಿಸಿದ ವಿವಿಧ ಬಗೆಯ ಉತ್ಪನ್ನಗಳು, ಬಗೆ ಬಗೆಯ ತಿಂಡಿ ತಿನಿಸುಗಳು, ವನೋತ್ಪತ್ತಿಗಳು, ಸಾವಯವ ಉತ್ಪನ್ನಗಳು, ಕರಕುಶಲ ವಸ್ತುಗಳು, ಅಲಂಕಾರಿಕ ವಸ್ತುಗಳು, ಕೃಷಿ ಚಟುವಟಿಕೆಗೆ ಪೂರಕವಾದ ವಸ್ತುಗಳು, ಗಾರ್ಮೆಂಟ್ಸ್, ಪುಸ್ತಕಗಳು ಹಾಗೂ ಸೇವೆಗಳು ಲಭ್ಯವಿದೆ. ಇವೆಲ್ಲವೂ ಲೋಕಲ್ ಫಾರ್ ವೋಕಲ್ ಎಂಬ ಪರಿಕಲ್ಪನೆಯ ಸುತ್ತಲೇ ನಡೆಯುತ್ತಿದೆ ಎಂಬುದು ಈ ವೇದಿಕೆಯ ಮತ್ತೊಂದು ವಿಶೇಷತೆ.
ಇದು ಕೇವಲ ಗ್ರಾಹಕರಿಗಾಗಿ ಮಾತ್ರವೇ ಅಲ್ಲ. ನೀವೇ ತಯಾರಿಸಿದ ಯಾವುದೇ ಉತ್ಪನ್ನವನ್ನೂ ಈ ವೇದಿಕೆಯ ಮೂಲಕ ಜನರತ್ತ ತಲುಪಿಸಲು, ಆ ಮೂಲಕ ಸಂಪಾದನೆ ಮಾಡಲು, ಸ್ವಾವಲಂಬಿ ಬದುಕು ನಡೆಸಲು ಇಲ್ಲಿ ಸಂಪೂರ್ಣ ಅವಕಾಶವಿದೆ. ನಮ್ಮವರ, ನಮ್ಮ ಸುತ್ತಮುತ್ತಲಿನವರ ಸಬಲೀಕರಣದಿಂದ ಆತ್ಮನಿರ್ಭರ ಭಾರತ ಸಾಧ್ಯವಾಗುವುದು. ಸ್ಥಳೀಯ ಉತ್ಪನ್ನಗಳಿಗೆ ಮಾರುಕಟ್ಟೆ ಒದಗಿಸುವ ಕೆಲಸ ನಮ್ಮಿಂದಾಗಲಿ. ಸ್ಥಳೀಯ ಉತ್ಪಾದಕರಿದ್ದರೆ ಈ ಜಾಲತಾಣದಲ್ಲಿ ಅವರ ಉತ್ಪನ್ನಗಳ ಕುರಿತು ಮಾಹಿತಿ ನೀಡಿ, ಅವರಿಗೆ ಬೆಂಬಲ ನೀಡುವ ಪ್ರಯತ್ನ ನಮ್ಮಿಂದಾಗಲಿ. ಈ ನಿಟ್ಟಿನಲ್ಲಿ News13 ಇಟ್ಟಿರುವ ಹೆಜ್ಜೆಗೆ ನೀವೂ ಹೆಜ್ಜೆ ಜೋಡಿಸಿ. ನಮ್ಮನ್ನು, ನಮ್ಮವರನ್ನು ಸಬಲಗೊಳಿಸುವ ಮೂಲಕ ನಮ್ಮ ದೇಶವನ್ನು ಸಬಲಗೊಳಿಸೋಣ.
ಇಂದೇ ಈ ಜಾಲತಾಣಕ್ಕೆ ಭೇಟಿ ನೀಡಿ, ಸ್ಥಳೀಯ ಉತ್ಪನ್ನಗಳಿಗೆ ಪ್ರೋತ್ಸಾಹ ನೀಡಿ. ಸ್ಥಳೀಯ ಉತ್ಪನ್ನಗಳನ್ನು ಖರೀದಿಸುವ ಮೂಲಕ ಆತ್ಮನಿರ್ಭರ ಭಾರತಕ್ಕೆ ಅಳಿಲು ಸೇವೆ ನೀಡೋಣ.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
