ಪ್ರಧಾನಿ ನರೇಂದ್ರ ಮೋದಿ ಅವರ ಆತ್ಮನಿರ್ಭರ್ ಭಾರತ್ ಕರೆಯಂತೆ ದೇಶದಲ್ಲಿ ಜನತೆ ಸ್ವದೇಶಿ ಉತ್ಪನ್ನ ಹಾಗೂ ಆ್ಯಪ್ಗಳ ಮೊರೆ ಹೋಗುತ್ತಿದ್ದಾರೆ. ಇದಕ್ಕೆ ಪೂರಕವಾಗಿ ನಮ್ಮ ಬೆಂಗಳೂರಿನ ಅಪ್ರಮೇಯ ರಾಧಾಕೃಷ್ಣ ಅವರ ತಂಡ ‘ಕೂ’ ಎಂಬ ಟ್ವಿಟರ್ಗೆ ಸಮಾನಾಂತರವಾಗಿ ಮೈಕ್ರೋಬ್ಲಾಗಿಂಗ್ ಆ್ಯಪ್ ಪರಿಚಯಿಸಿದ್ದು ಸುಮಾರು 5 ಲಕ್ಷಕ್ಕೂ ಅಧಿಕ ಜನರು ಗೂಗಲ್ ಪ್ಲೇ ಸ್ಟೋರ್ ಮೂಲಕ ಡೌನ್‌ಲೋಡ್ ಮಾಡಿಕೊಂಡಿದ್ದಾರೆ. ಅಪ್ರಮೇಯ ರಾಧಕೃಷ್ಣರು ‘ಕೂ’ ಆ್ಯಪ್‌ನ ಕೋ ಫೌಂಡರ್ ಮತ್ತು ಸಿಇಒ ಕೂಡ ಆಗಿದ್ದಾರೆ. ಸುದರ್ಶನ್ ಹಾರ್ನಳ್ಳಿ ಕಾರ್ಯನಿರ್ವಾಹಕರಾಗಿ ಕನ್ನಡದ ‘ಕೂ’ ತಂಡ ಮುನ್ನಡೆಸುತ್ತಿದ್ದಾರೆ.
ಲಭ್ಯವಿರುವ ಆಯ್ಕೆಗಳು
ಟ್ವಿಟರ್ ಮಾದರಿಯಲ್ಲೇ ಸುಧಾರಿತ ಆಯ್ಕೆಗಳಿವೆ. ಇಲ್ಲಿ ಪೋಸ್ಟ್, ವಿಡಿಯೋ, ಆಡಿಯೋ, ಪೋಟೋ ಕೂ ಮಾಡಬಹುದು. ಟ್ವಿಟರ್ನಲ್ಲಿ 2 ನಿಮಿಷಗಳ ವಿಡಿಯೋ ಹಾಕಬಹುದಾದರೆ ಇಲ್ಲಿ ಇದರ ಗರಿಷ್ಟ ಮಿತಿ 10 ನಿಮಿಷವಿದೆ. ಅಕ್ಷರಗಳ ಗರಿಷ್ಟ ಮಿತಿ ಟ್ವಿಟರ್ನಲ್ಲಿ 280 ಇದ್ದರೆ ಇಲ್ಲಿ ಗರಿಷ್ಠ ಮಿತಿ 400 ಇದೆ.
ಮನಸ್ಸಿನ ಭಾವನೆಗಳನ್ನು ಹಂಚಿಕೊಳ್ಳುವ ವೇದಿಕೆ
ಟ್ವಿಟರ್ ಇಂಗ್ಲೀಷ್ ಭಾಷೆಯನ್ನು ಹೆಚ್ಚಾಗಿ ಪ್ರೋತ್ಸಾಹಿಸುತಿದ್ದು ಜನಸಾಮಾನ್ಯರಿಗೆ ತಮ್ಮ ಮನಸ್ಸಿನ ಭಾವನೆಗಳನ್ನು ಹಂಚಿಕೊಳ್ಳಲು ಸಾಧ್ಯವಾಗುತ್ತಿಲ್ಲ. ತಮ್ಮ ಮಾತೃಭಾಷೆಯಲ್ಲಿ ಭಾವನೆಯನ್ನು ವ್ಯಕ್ತಪಡಿಸಲು ಕೂ ಆ್ಯಪ್ ಅತ್ಯುತ್ತಮ ವೇದಿಕೆಯಾಗಿದೆ. ತಮ್ಮ ಯೋಚನೆಗಳು, ನವೀನ ಚಿಂತನೆಗಳು, ಕವನ, ಚುಟುಕು, ಸಣ್ಣ ಕಥೆಗಳನ್ನು ಇಲ್ಲಿ ಹಂಚಿಕೊಳ್ಳಬಹುದು. ಪ್ರಸ್ತುತ ಕೂ ಕನ್ನಡ, ಹಿಂದಿ ಮತ್ತು ತಮಿಳು ಭಾಷೆಯಲ್ಲಿ ಲಭ್ಯವಿದೆ. ಮುಂದಿನ ದಿನಗಳಲ್ಲಿ ದೇಶದ ಇತರ ಭಾಷೆಯಲ್ಲೂ ಲಭ್ಯವಾಗಲಿದ್ದು ಭವಿಷ್ಯದಲ್ಲಿ ಟ್ವಿಟರ್ಗೆ ಪರ್ಯಾಯ ಧ್ವನಿಯಾಗಲಿದೆ.
ಕ್ರಿಕೆಟಿಗ ಜಾವಗಾಲ್ ಶ್ರೀನಾಥ್, ಅನಿಲ್‌ಕುಂಬ್ಳೆ, ಸ್ಯಾಂಡಲ್‌ವುಡ್ ನಟ-ನಟಿಯರು, ರಾಜಕಾರಣಿಗಳು, ವಿವಿಧ ರಂಗದ ಪ್ರಮುಖರು ಇನ್ಸ್ಟಾಲ್ ಮಾಡಿಕೊಂಡು ಬಳಕೆ ಮಾಡುತ್ತಿದ್ದಾರೆ.
ಪ್ರಸ್ತುತ ಕೂ ಆ್ಯಪ್ ಗೂಗಲ್ ಪ್ಲೇ ಸ್ಟೋರ್ನಲ್ಲಿ ಲಭ್ಯವಿದ್ದು ಇನ್ಸ್ಟಾಲ್ ಮಾಡಿಕೊಂಡು ಸದಾ ಕೂ ಮಾಡುತ್ತಿರಿ ನಿಮ್ಮ ಕೂಗು ಕರ್ನಾಟಕದಾದ್ಯಂತ ಹಬ್ಬಲಿ.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
