ನವದೆಹಲಿ: ಭಾರತ ಮತ್ತು ಜಪಾನ್ ರಾಷ್ಟ್ರಗಳ ಯುದ್ಧನೌಕೆಗಳು ಹಿಂದೂ ಮಹಾಸಾಗರದಲ್ಲಿ ಸಮರಾಭ್ಯಾಸವನ್ನು ನಡೆಸುವ ಮೂಲಕ ಚೀನಾಕ್ಕೆ ಸೂಕ್ಷ್ಮ ಸಂದೇಶವನ್ನು ರವಾನಿಸಿದೆ. ಕಮ್ಯುನಿಸ್ಟ್ ರಾಷ್ಟ್ರ ಯುದ್ಧೋನ್ಮಾದಲ್ಲಿರುವ ಸಂದರ್ಭದಲ್ಲಿ ಇದು ಮಹತ್ವದ ಬೆಳವಣಿಗೆಯಾಗಿದೆ.
ಭಾರತೀಯ ನೌಕಾಪಡೆಯ ಎರಡು ಯುದ್ಧನೌಕೆಗಳಾದ ಐಎನ್ಎಸ್ ರಾಣಾ ಮತ್ತು ಐಎನ್ಎಸ್ ಕುಲಿಶ್ ಶನಿವಾರ ಹಿಂದೂ ಮಹಾಸಾಗರದಲ್ಲಿ ಜಪಾನಿನ ಕಡಲ ಸ್ವರಕ್ಷಣಾ ಪಡೆ (ಜೆಎಂಎಸ್ಡಿಎಫ್)ಯ ಜೆಎಸ್ ಕಾಶಿಮಾ ಮತ್ತು ಜೆಎಸ್ ಶಿಮಾಯುಕಿನೊಂದಿಗೆ ಸಮರಭ್ಯಾಸ ನಡೆಸಿತು.
ಜಪಾನಿನ ಕೆಲವು ಜೆಎಂಎಸ್ಡಿಎಫ್ ಹಡಗುಗಳು, ಕೆಲವು ದಿನಗಳ ಹಿಂದೆ, ದಕ್ಷಿಣ ಚೀನಾ ಸಮುದ್ರದಲ್ಲಿ ಯುನೈಟೆಡ್ ಸ್ಟೇಟ್ಸ್ ನೌಕಾಪಡೆಯ ಯುಎಸ್ಎಸ್ ಗೇಬ್ರಿಯೆಲ್ ಗಿಫೋರ್ಡ್ಸ್ ಹಡಗಿನೊಂದಿಗೆ ಸಮರಾಭ್ಯಾಸದಲ್ಲಿ ಭಾಗವಹಿಸಿ, ಬೀಜಿಂಗ್ ಆತಂಕವನ್ನು ಹೆಚ್ಚಿಸಿತ್ತು.
ಜೆಎಂಎಸ್ಡಿಎಫ್ ತನ್ನ ಜೆಎಸ್ ಕಾಶಿಮಾ ಮತ್ತು ಜೆಎಸ್ ಶಿಮಾಯುಕಿಗಳನ್ನು ಯುಎಸ್ ನೌಕಾಪಡೆ ಮತ್ತು ಭಾರತೀಯ ನೌಕಾಪಡೆಯ ಯುದ್ಧನೌಕೆಗಳೊಂದಿಗೆ ಎರಡು ಬ್ಯಾಕ್-ಟು-ಬ್ಯಾಕ್ ಸಮರಾಭ್ಯಾಸದಲ್ಲಿ ಭಾಗಿಯಾಗುವಂತೆ ಮಾಡಿದೆ. ಈ ಮೂಲಕ ಜಪಾನ್ ಭಾರತ ಮತ್ತು ಅಮೆರಿಕಾಗಳೊಂದಿಗೆ ಬಾಂಧವ್ಯ ವೃದ್ಧಿಸಿದೆ.
ನೈಜ ಗಡಿ ನಿಯಂತ್ರಣ ಪ್ರದೇಶದ ಸ್ಥಿತಿ ಬದಲಾವಣೆಗೆ ಹವಣಿಸುತ್ತಿರುವ ಚೀನಾಗೆ ಭಾರತ ಸೆಡ್ಡು ನೀಡಲು ಸಂಪೂರ್ಣ ಸಿದ್ಧತೆಗಳನ್ನು ನಡೆಸಿಕೊಂಡಿದೆ. ಇದೀಗ ಜಪಾನ್ ಹಿಂದೂ ಮಹಾಸಾಗರದಲ್ಲಿ ಭಾರತದೊಂದಿಗೆ ಸಮರಾಭ್ಯಾಸದಲ್ಲಿ ತೊಡಗಿಕೊಂಡಿರುವುದು ಚೀನಾಗೆ ಸಹಜವಾಗಿಯೇ ಆತಂಕವನ್ನು ತಂದೊಡ್ಡಿದೆ.
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.