‘ಐತಿಹಾಸಿಕ ಸಾಕ್ಷ್ಯಗಳಿಲ್ಲ’ : ನೇಪಾಳದ ಪ್ರತಿಪಾದನೆಗೆ ಭಾರತದ ತಿರುಗೇಟು

ನವದೆಹಲಿ: ನೇಪಾಳ ಸರ್ಕಾರವು ತನ್ನ ಗಡಿಯ ಪರಿಷ್ಕೃತ ಅಧಿಕೃತ ನಕ್ಷೆಯನ್ನು ಬಿಡುಗಡೆ ಮಾಡಿದ್ದು, ಇದರಲ್ಲಿ ಭಾರತದ ಭೂಪ್ರದೇಶಗಳಾದ ಲಿಂಪಿಯಧುರ, ಲಿಪುಲೇಖ ಮತ್ತು ಕಾಲಪಾನಿಯನ್ನು ತನ್ನ ಪ್ರದೇಶಗಳು ಎಂದು ಉಲ್ಲೇಖಿಸಿದೆ. ಇದಕ್ಕೆ ಭಾರತ ತೀವ್ರ ಆಕ್ಷೇಪ ವ್ಯಕ್ತಪಡಿಸಿದೆ.

ನೇಪಾಳದ ಪರಿಷ್ಕೃತ ನಕ್ಷೆಗೆ ವಿದೇಶಾಂಗ ಸಚಿವಾಲಯದ ಅಧಿಕೃತ ವಕ್ತಾರ ಅನುರಾಗ್ ಶ್ರೀವಾಸ್ತವ ಅವರ ಪ್ರತಿಕ್ರಿಯೆ ನೀಡಿದ್ದು, ಇದು “ಏಕಪಕ್ಷೀಯ ಕ್ರಿಯೆ ಮತ್ತು “ಐತಿಹಾಸಿಕ ಸಂಗತಿಗಳು ಮತ್ತು ಪುರಾವೆಗಳನ್ನು ಆಧರಿಸಿಲ್ಲ” ಎಂದು ಹೇಳಿದರು.

“ಈ ಕ್ರಮವು ರಾಜತಾಂತ್ರಿಕ ಸಂಭಾಷಣೆಯ ಮೂಲಕ ಬಾಕಿ ಉಳಿದಿರುವ ಗಡಿ ಸಮಸ್ಯೆಗಳನ್ನು ಪರಿಹರಿಸುವ ದ್ವಿಪಕ್ಷೀಯ ತಿಳುವಳಿಕೆಗೆ ವಿರುದ್ಧವಾಗಿದೆ. ಪ್ರಾದೇಶಿಕ ಹಕ್ಕುಗಳ ಕೃತಕ ವಿಸ್ತರಣೆಯನ್ನು ಭಾರತವು ಸ್ವೀಕರಿಸುವುದಿಲ್ಲ” ಎಂದು ಅವರು ಹೇಳಿದರು. ಈ ವಿಷಯದಲ್ಲಿ ಭಾರತದ ಸ್ಥಿರ ನಿಲುವಿನ ಬಗ್ಗೆ ನೇಪಾಳಕ್ಕೆ ಚೆನ್ನಾಗಿ ತಿಳಿದಿದೆ ಎಂದು ಅವರು ಹೇಳಿದರು.

“ಇಂತಹ ನ್ಯಾಯಸಮ್ಮತವಲ್ಲದ ಕಾರ್ಟೊಗ್ರಾಫಿಕ್ ಪ್ರತಿಪಾದನೆಯಿಂದ ದೂರವಿರಿ ಮತ್ತು ಭಾರತದ ಸಾರ್ವಭೌಮತ್ವ ಮತ್ತು ಪ್ರಾದೇಶಿಕ ಸಮಗ್ರತೆಯನ್ನು ಗೌರವಿಸಬೇಕು” ಎಂದು ನೇಪಾಳವನ್ನು ಒತ್ತಾಯಿಸಿದರು.

ಬಾಕಿ ಇರುವ ಗಡಿ ಸಮಸ್ಯೆಗಳನ್ನು ಬಗೆಹರಿಸಲು ನೇಪಾಳಿ ನಾಯಕತ್ವವು ರಾಜತಾಂತ್ರಿಕ ಸಂವಾದಕ್ಕೆ ಸಕಾರಾತ್ಮಕ ವಾತಾವರಣವನ್ನು ಸೃಷ್ಟಿಸುತ್ತದೆ ಎಂದು ಭಾರತ ಆಶಿಸುತ್ತಿದೆ ಎಂದು ಶ್ರೀವಾಸ್ತವ ಹೇಳಿದರು.

ಮೇ 8 ರಂದು, ರಕ್ಷಣಾ ಸಚಿವ ರಾಜನಾಥ್ ಸಿಂಗ್ ಅವರು ಉತ್ತರಾಖಂಡದ ಲಿಪುಲೇಖ್ ಪಾಸ್ ಅನ್ನು ಚೀನಾದ ಕೈಲಾಶ್ ಮಾನಸ ಸರೋವರ್ ಮಾರ್ಗದೊಂದಿಗೆ ಸಂಪರ್ಕಿಸುವ ಹೊಸ ರಸ್ತೆಯನ್ನು ಉದ್ಘಾಟಿಸಿದ ನಂತರ, ನೇಪಾಳ ಇದರ ವಿರುದ್ಧ ಪ್ರತಿಭಟಿಸಿತು ಮತ್ತು ವಿವಾದಿತ ಪ್ರದೇಶದಲ್ಲಿ ಭದ್ರತಾ ಪೋಸ್ಟ್ ಅನ್ನು ಸ್ಥಾಪಿಸುವುದಾಗಿ ಬೆದರಿಕೆ ಹಾಕಿತ್ತು.

ಭಾರತ ಮತ್ತು ನೇಪಾಳ 1,800 ಕಿ.ಮೀ ಉದ್ದದ ಮುಕ್ತ ಗಡಿಯನ್ನು ಹಂಚಿಕೊಂಡಿವೆ. ಆದರೂ, ಪಶ್ಚಿಮ ನೇಪಾಳದ ಭಾರತ-ನೇಪಾಳ-ಚೀನಾ ತ್ರಿ-ಜಂಕ್ಷನ್ ಮತ್ತು ದಕ್ಷಿಣ ನೇಪಾಳದ 140 ಚದರ ಕಿ.ಮೀ ವಿಸ್ತೀರ್ಣದಲ್ಲಿ 400 ಚದರ ಕಿ.ಮೀ ವಿಸ್ತೀರ್ಣದ ಭಾರತದ ಹಕ್ಕನ್ನು ನೇಪಾಳ ತನ್ನದೆಂದು ಹೇಳಿ ವಿವಾದ ಸೃಷ್ಟಿಸಿದೆ. ಲಿಪುಲೆಖ್ ಪಾಸ್, ಕಲಾಪಣಿ ಪ್ರದೇಶದ ಪರ್ವತಮಯವಾಗಿದೆ. 2015 ರಲ್ಲಿ, ಪಾಸ್ ಮೂಲಕ ವ್ಯಾಪಾರದ ಬಗ್ಗೆ ಭಾರತ-ಚೀನಾ ಒಪ್ಪಂದಕ್ಕೆ ನೇಪಾಳ ಆಕ್ಷೇಪ ವ್ಯಕ್ತಪಡಿಸಿತು, ಅದು ತನ್ನ ಪ್ರಾದೇಶಿಕ ಸಾರ್ವಭೌಮತ್ವವನ್ನು ಉಲ್ಲಂಘಿಸಿದೆ ಎಂದು ಆರೋಪಿಸಿತ್ತು.