ನವದೆಹಲಿ: ಭಾರತದ ಕೊರೋನಾವೈರಸ್ ಚೇತರಿಕೆ ದರ ಶೇ.25.13 ಆಗಿದೆ, 14 ದಿನಗಳ ಹಿಂದಿಗೆ ಹೋಲಿಸಿದರೆ ಇದು ದೊಡ್ಡ ಮಟ್ಟದ ಸುಧಾರಣೆ ಎಂದು ಕೇಂದ್ರ ಆರೋಗ್ಯ ಸಚಿವಾಲಯ ಗುರುವಾರ ಹೇಳಿದೆ. 14 ದಿನಗಳ ಹಿಂದೆ ಭಾರತದ ಚೇತರಿಕೆ ದರ ಶೇಕಡ 13ರಷ್ಟು ಇತ್ತು.
ಕೋವಿಡ್-19 ದುಪ್ಪಟ್ಟುಗೊಳ್ಳುವಿಕೆಯ ದರ ಕೂಡ ಸುಧಾರಣೆಯನ್ನು ಕಂಡಿದೆ. ಪ್ರಸ್ತುತ ದುಪ್ಪಟ್ಟುಗೊಳ್ಳುವಿಕೆ ದರ 11 ದಿನಗಳು. ಲಾಕ್ ಡೌನ್ ಆರಂಭದಲ್ಲಿ ಇದು 3.4 ದಿನಗಳು ಆಗಿತ್ತು ಎಂದಿದೆ.
ಇದುವರೆಗೆ ಭಾರತದಲ್ಲಿ ಒಟ್ಟು 8,324 ಮಂದಿ ಕೊರೋನಾದಿಂದ ಚೇತರಿಸಿಕೊಂಡಿದ್ದಾರೆ. ಕಳೆದ 24 ಗಂಟೆಗಳಲ್ಲಿ 1,718 ಪ್ರಕರಣಗಳು ದಾಖಲಾಗಿದೆ. ಈ ಮೂಲಕ ಭಾರತದ ಒಟ್ಟು ಪ್ರಕರಣಗಳ ಸಂಖ್ಯೆ 33,050 ಆಗಿದೆ. 1,074 ಜನರು ಮೃತಪಟ್ಟಿದ್ದಾರೆ.
ಭಾರತದಲ್ಲಿ ಪ್ರಸ್ತುತ ಕೊರೋನಾ ರೋಗಿಗಳ ಮರಣ ಪ್ರಮಾಣ ಶೇ.3.2ರಷ್ಟು ಇದೆ. ಮೃತಪಟ್ಟವರಲ್ಲಿ ಶೇಕಡ 65ರಷ್ಟು ಜನರು ಪುರುಷರಾಗಿದ್ದಾರೆ. ಶೇಕಡ 35 ರಷ್ಟು ಮಹಿಳೆಯರಾಗಿದ್ದಾರೆ ಎಂದು ಆರೋಗ್ಯ ಸಚಿವಾಲಯ ಹೇಳಿದೆ.
ಮಾರ್ಚ್ 25ರಿಂದ ದೇಶವ್ಯಾಪಿಯಾಗಿ ವಿಧಿಸಲಾದ ಲಾಕ್ ಡೌನ್ ಭಾರತ ದೊಡ್ಡ ಗಂಡಾಂತರ ಎದುರಿಸುವುದನ್ನು ತಪ್ಪಿಸಿತು. ಇಲ್ಲವಾಗಿದ್ದರೆ ಭಾರತದ ಆರೋಗ್ಯ ವ್ಯವಸ್ಥೆಯೇ ಬುಡಮೇಲು ಆಗುತ್ತಿತ್ತು ಎಂದು ಆರೋಗ್ಯ ಅಧಿಕಾರಿಗಳು ಹೇಳಿದ್ದಾರೆ.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
