ಕೊರೋನಾಗೆ ಹೈಡ್ರಾಕ್ಸಿಕ್ಲೋರೋಕ್ವಿನ್ ಹೆಚ್ಚು ಪರಿಣಾಮಕಾರಿ ಎಂದ ಯುಎಸ್­ ವೈದ್ಯರ ತಂಡ

ನವದೆಹಲಿ: ಕೋವಿಡ್-19 ವಿರುದ್ಧ ಹೋರಾಟದಲ್ಲಿ ಮಲೇರಿಯಾ ಔಷಧ ಹೈಡ್ರಾಕ್ಸಿಕ್ಲೋರೋಕ್ವಿನ್ ಹೆಚ್ಚು ಪರಿಣಾಮ ಬೀರುತ್ತದೆ. ಇದರ ಬಳಕೆಯಿಂದ ರೋಗಿಗಳು ಬದುಕುಳಿಯುವ ಸಾಧ್ಯತೆಗಳು ಹೆಚ್ಚಾಗಿದೆ ಎಂದು ಯುಎಸ್­ನ ವೈದ್ಯರ ಗುಂಪೊಂದು ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.

ಸೋಂಕಿತರ ಚಿಕಿತ್ಸೆಗೆ ಈ ಔಷಧವನ್ನು ಹೆಚ್ಚು ವ್ಯಾಪಕವಾಗಿ ಬಳಸುವಂತೆಯೂ ಈ ವೈದ್ಯರ ತಂಡ ಸೂಚಿಸಿದೆ. ಇದರ ಬಳಕೆಯಿಂದ 90% ದಷ್ಟು ರೋಗಿಗಳು ಚೇತರಿಕೆ ಕಾಣುತ್ತಾರೆ ಎಂಬ ಮಾಹಿತಿಯನ್ನು ಇವರು ತಿಳಿಸಿದ್ದಾರೆ. ಮಲೇರಿಯಾ ಔಷಧವನ್ನು ಭಾರತದಲ್ಲಿ ಕೊರೋನಾ ಸೋಂಕಿತರಿಗೆ ಮತ್ತು ಅವರ ಶುಶ್ರೂಷೆಯಲ್ಲಿ ತೊಡಗಿದವರಿಗೆ ನೀಡಲಾಗುತ್ತದೆ. ಇದರಿಂದ ರೋಗವನ್ನು ನಿಯಂತ್ರಣದಲ್ಲಿಟ್ಟುಕೊಳ್ಳಲಾಗಿದೆ. ಹೈಡ್ರಾಕ್ಸಿಕ್ಲೋರೋಕ್ವಿನ್­ನ ಪರಿಣಾಮದ ಬಗ್ಗೆ ಮಾಹಿತಿ ಪಡೆದಿದ್ದ ಟ್ರಂಪ್ ಸಹ ಈ ಔಷಧವನ್ನು ‘ಗೇಮ್ ಚೇಂಜರ್’ ಎಂದು ಕರೆಯುವ ಮೂಲಕ, ಅದರ ಬಳಕೆಯಿಂದ ರೋಗ ನಿಯಂತ್ರಣದಲ್ಲಿಡಬಹುದು ಎಂಬುದನ್ನು ಒಪ್ಪಿಕೊಂಡಿದ್ದರು.

ಇನ್ನು ಈ ಬಗ್ಗೆ ಮಾಹಿತಿ ನೀಡಿರುವ ಅಸೋಸಿಯೇಷನ್ ಆಫ್ ಅಮೆರಿಕನ್ ಫಿಸಿಷಿಯನ್ಸ್ ಹಾಗೂ ಸರ್ಜನ್ಸ್ ಹೇಳಿದೆ. ಇತರ ಆಂಟಿ ಬಯೋಟಿಕ್ಗಳಿಗಿಂತ ಹೈಡ್ರಾಕ್ಸಿಕ್ಲೋರೋಕ್ವಿನ್ ಬಳಕೆ ಮಾಡಿರುವ ರೋಗಿಗಳಲ್ಲಿ ಹೆಚ್ಚಿನ ಸಕಾರಾತ್ಮಕ ಪರಿಣಾಮ ಕಂಡು ಬಂದಿರುವುದಾಗಿಯೂ ಈ ಅಸೋಸಿಯೇಷನ್ ಗವರ್ನರ್­ಗೆ ಬರೆದಿರುವ ಪತ್ರದಲ್ಲಿ ಉಲ್ಲೇಖಿಸಿದ್ದಾರೆ. ಅಲ್ಲದೆ ಲಭ್ಯವಿರುವ ಅಧಿಕೃತ ದತ್ತಾಂಶಗಳ ಆಧಾರದ ಮೇಲೆ ಇದರ ಬಳಕೆಯನ್ನು ಹೆಚ್ಚಿಸುವಂತೆ ಸೂಚಿಸಿದೆ. ಇದಕ್ಕೆ ಸಾಕ್ಷಿಯಾಗಿ ಪೀರ್ ರಿವ್ಯೂಡ್ ಎಪ್ರಿಲ್ 20 ರ ವರೆಗೆ ನಡೆಸಿದ ಅಧ್ಯಯನ ವರದಿಗಳೇ ಸಾಕ್ಷಿ ನೀಡುತ್ತದೆ ಎಂದು ಈ ವೈದ್ಯರು ಅಭಿಪ್ರಾಯ ಪಟ್ಟಿದ್ದಾರೆ. ಆದ್ದರಿಂದ ಕೊರೋನಾ ಸೋಂಕಿನ ವಿರುದ್ದ ಈ ಮಲೇರಿಯಾ ಔಷಧವನ್ನು ಹೆಚ್ಚು ಬಳಕೆ ಮಾಡುವಂತೆಯೂ ಅವರು ಸೂಚಿಸಿದ್ದಾರೆ.