ನವದೆಹಲಿ: ಕೊರೋನಾವೈರಸ್ ಮಹಾಮಾರಿ ಸಾಂಕ್ರಾಮಿಕ ರೋಗವು ಜಗತ್ತಿನಾದ್ಯಂತ ಮರಣಮೃದಂಗ ಬಾರಿಸುತ್ತಿದೆ. ಮಂಗಳವಾರ ಬೆಳಗಿನ ಅಂಕಿ-ಅಂಶಗಳ ಪ್ರಕಾರ, ಜಗತ್ತಿನ 30 ಲಕ್ಷ ಮಂದಿಗೆ ಸೋಂಕು ಕಾಣಿಸಿಕೊಂಡಿದ್ದು, 2.10 ಲಕ್ಷಕ್ಕೂ ಅಧಿಕ ಮಂದಿ ಸಾವಿಗೀಡಾಗಿದ್ದಾರೆ.
ಜಾನ್ಸ್ ಹೊಪ್ಕಿನ್ಸ್ ಯುನಿವರ್ಸಿಟಿ ಬೆಳಿಗ್ಗೆ 7:00 ಗಂಟೆಗೆ ಬಿಡುಗಡೆ ಮಾಡಿದ ಅಂಕಿ-ಅಂಶದ ಪ್ರಕಾರ, 2019ರ ಡಿಸೆಂಬರ್ ತಿಂಗಳಲ್ಲಿ ಮೊದಲ ಬಾರಿಗೆ ಚೀನಾದಲ್ಲಿ ಕಾಣಿಸಿಕೊಂಡ ವೈರಸ್ ಈಗ ಜಗತ್ತಿನ 30,37,605 ಮಂದಿಗೆ ತಗುಲಿದೆ ಮತ್ತು 2,10,842 ಜೀವಗಳನ್ನು ಬಲಿ ತೆಗೆದುಕೊಂಡಿದೆ.
ಜಗತ್ತಿನ ದೊಡ್ಡಣ್ಣ ಎಂದು ಕರೆಯಲ್ಪಡುತ್ತಿದ್ದ ಅಮೆರಿಕ ಕೋವಿಡ್-19ಗೆ ಅತ್ಯಂತ ಹೀನಾಯ ರೀತಿಯಲ್ಲಿ ಬಲಿಯಾಗಿದೆ. ಜಗತ್ತಿನಲ್ಲಿ ಅತೀ ಹೆಚ್ಚು ಬಾಧಿತ ದೇಶವಾಗಿ ಹೊರಹೊಮ್ಮಿದೆ. ಶೀಘ್ರದಲ್ಲೇ ಅಲ್ಲಿನ ಒಂದು ಮಿಲಿಯನ್ ಜನರಿಗೆ ಸೋಂಕು ತಗುಲಿದೆ ಎಂದು ಮೂಲಗಳು ಹೇಳುತ್ತಿವೆ. 9,87,467 ಜನರು ಈಗಾಗಲೇ ಅಲ್ಲಿ ಸೋಂಕಿನಿಂದ ಪೀಡಿತಗೊಂಡಿದ್ದಾರೆ.
ಅಮೆರಿಕದ ಬಳಿಕ ಸ್ಪೇನ್ ಅತಿ ಹೆಚ್ಚು ಬಾಧಿಸಲ್ಪಟ್ಟ ರಾಷ್ಟ್ರವಾಗಿ ಹೊರ ಹೊಮ್ಮಿದೆ. ಇಲ್ಲಿನ 2,29,422 ಜನರಿಗೆ ಸೋಂಕು ತಗುಲಿದೆ. ಬಳಿಕದ ಸ್ಥಾನವನ್ನು ಇಟಲಿ ಪಡೆದುಕೊಂಡಿದೆ. 2,00,000 ಜನರು ಇಲ್ಲಿ ಸೋಂಕು ತಗುಲಿಸಿಕೊಂಡಿದ್ದರು.
ನಾಲ್ಕನೇ ಸ್ಥಾನದಲ್ಲಿ ಫ್ರಾನ್ಸ್ ಇದ್ದು, ಇಲ್ಲಿನ ಸುಮಾರು 1,65,962 ಜನರು ಸೋಂಕಿನಿಂದ ಬಾಧಿತಗೊಂಡಿದ್ದಾರೆ. 5ನೇ ಸ್ಥಾನದಲ್ಲಿ ಜರ್ಮನಿ ಇದ್ದು, ಇಲ್ಲಿನ ಸುಮಾರು 1,58,434 ಜನರಿಗೆ ಸೋಂಕು ಬಂದಿದೆ. ಬಳಿಕದ ಸ್ಥಾನದಲ್ಲಿ ಯುಕೆ ಇದ್ದು, ಇಲ್ಲಿನ 1,58,348 ಮಂದಿಗೆ ಸೋಂಕು ಬಂದಿದೆ.
ಟರ್ಕಿ 7 ನೇ ಸ್ಥಾನದಲ್ಲಿದ್ದು, ಇಲ್ಲಿನ ಸುಮಾರು 1,12,261 ಜನರಿಗೆ ಸೋಂಕು ಬಂದಿದೆ. ಇರಾನಿನ 91,472 ಮಂದಿಗೆ, ರಷ್ಯಾದ 87,147 ಮಂದಿಗೆ, ಚೀನಾದ 83,918, ಬ್ರೆಜಿಲ್ ನ 66,501 ಮತ್ತು ಕೆನಡಾದ 49,606 ಮಂದಿಗೆ ಸೋಂಕು ತಗುಲಿದೆ.
ಅಮೆರಿಕದಲ್ಲಿ ಸಾವಿನ ಸಂಖ್ಯೆ ಕೂಡ ಅತಿ ಹೆಚ್ಚಿನ ಪ್ರಮಾಣದಲ್ಲಿದ್ದು, ಇದುವರೆಗೆ ಅಲ್ಲಿ 56264 ಮಂದಿ ವೈರಸ್ಗೆ ಬಲಿಯಾಗಿದ್ದಾರೆ.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
