ಕೋಲಾರ: ಕರ್ನಾಟಕ ರಾಜ್ಯ, ಮುಳುಬಾಗಿಲಿನ ಆನಂದ ವಿದ್ಯಾವಿಹಾರ ಶಾಲೆಯಲ್ಲಿ 2 ನೇ ತರಗತಿಯ 8 ವರ್ಷದ ಪುಟಾಣಿ ಚರಿತಾ ಆರ್. ರಾಯಲ್ ಇದೀಗಕೊರೋನಾ ತಡೆಗೆ ದೇಣಿಗೆ ನೀಡುವ ಸುದ್ದಿಯಾಗಿದ್ದಾಳೆ. ತನ್ನ ಹುಟ್ಟುಹಬ್ಬ ಆಚರಿಸಿಕೊಳ್ಳುವ ಸಲುವಾಗಿ ಕೂಡಿಟ್ಟಿದ್ದ 11,000 ರೂ. ಗಳನ್ನು ಕೊರೋನಾ ವಿರುದ್ಧ ಸಮರ ನಡೆಸಲು ಜಿಲ್ಲಾಡಳಿತದ ಮೂಲಕ ಪಿಎಂ ಕೇರ್ಸ್ಗೆ ದೇಣಿಗೆ ನೀಡಿದ್ದಾಳೆ.
ಕೋಲಾರದ ಮುಳುಬಾಗಿಲಿನ ರಮೇಶ್ ಮತ್ತು ಲಾವಣ್ಯ ಅವರ ಪುತ್ರಿ ಚರಿತಾ, ತನ್ನ ನಿಸ್ವಾರ್ಥ ಮನಸ್ಸಿನ ಮೂಲಕ ದೇಣಿಗೆ ನೀಡಿ ಹೀಗೂ ಸಾಧ್ಯ ಎಂಬುದನ್ನು ಸಾಧಿಸಿ ತೋರಿಸಿದ್ದಾಳೆ. ಪ್ರಧಾನಿ ನರೇಂದ್ರ ಮೋದಿ ಅವರ ಮೇಲಿನ ಪ್ರೀತಿ ಹಾಗೂ ಕೊರೋನಾ ಸಂಕಷ್ಟಕ್ಕೆ ಸಿಲುಕಿ ನರಳುತ್ತಿರುವ ಜನರ ಪರದಾಟ ನೋಡಿ ತಾನು ಕೂಡಿಟ್ಟ ಹಣವನ್ನು ದೇಣಿಗೆ ನೀಡಿರುವುದಾಗಿ ಈ ಪುಟಾಣಿ ತಿಳಿಸಿದ್ದಾಳೆ.
ಕೂಡಿಟ್ಟ ಹಣವನ್ನು ಹುಂಡಿಯ ಸಮೇತ ಜಿಲ್ಲಾಧಿಕಾರಿ ಸಿ. ಸತ್ಯಭಾಮಾ ಅವರಿಗೆ ಹಸ್ತಾಂತರಿಸಿದ್ದಾಳೆ. ಅಲ್ಲದೆ ಹುಟ್ಟುಹಬ್ಬಕ್ಕೆ ಕೂಡಿಟ್ಟ ಹಣವನ್ನು ಮೋದಿ ತಾತನಿಗೆ ದೇಶಕ್ಕಾಗಿ ಉಪಯೋಗಿಸಲು ನೀಡುತ್ತಿರುವುದು ಖುಷಿ ಕೊಟ್ಟಿದೆ ಎಂದು ತಿಳಿಸಿದ್ದಾಳೆ. ಇನ್ನು ಚರಿತಾ ಪ್ರತಿ ವರ್ಷವೂ ಹುಟ್ಟುಹಬ್ಬಕ್ಕಾಗಿ ಹಣ ಕೂಡಿಟ್ಟು ಅದನ್ನು ಸಾಮಾಜಿಕ ಕೆಲಸಗಳಿಗಾಗಿ ಬಳಕೆ ಮಾಡುತ್ತಿದ್ದಳು. ಈ ಬಾರಿ ಕೊರೋನಾ ಸಂಕಷ್ಟದ ಜನರಿಗೆ ಪುಟಾಣಿ ಕೈಗಳಲ್ಲಿ ದೊಡ್ಡ ಮೊತ್ತವನ್ನು ನೀಡುವ ಮೂಲಕ ಜಿಲ್ಲಾಧಿಕಾರಿ ಸೇರಿದಂತೆ ಎಲ್ಲರ ಪ್ರಶಂಸೆಗೆ ಪಾತ್ರಳಾಗಿದ್ದಾಳೆ.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
