ರೂರ್ಕಿ: ರೂರ್ಕಿಯ ಇಂಡಿಯನ್ ಇನ್ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿಯ ಸಂಶೋಧಕರ ತಂಡ, ಮುನ್ಸಿಪಲ್ ಕಾರ್ಪೋರೇಷನ್ ಸಹಭಾಗಿತ್ವದಲ್ಲಿ ಕಡಿಮೆ ಬೆಲೆಗೆ ಕೊರೋನಾ ಮಾದರಿ ಸಂಗ್ರಹಣಾ ಪೋರ್ಟೇಬಲ್ ಬೂತ್ ಅನ್ನು ಅಭಿವೃದ್ದಿ ಮಾಡಿದೆ.
ಟೆಲಿಫೋನ್ ಬೂತ್ ಶೈಲಿಯಲ್ಲಿ ಸಿದ್ಧಪಡಿಸಲಾಗಿರುವ ಈ ಸ್ಕ್ರೀನಿಂಗ್ ಪ್ಲಾಟ್ಫಾರ್ಮ್, ಕೊರೋನಾ ಸೋಂಕು ತಪಾಸಣೆಯಲ್ಲಿ ಬಳಸುವ ದುಬಾರಿ ವೆಚ್ಚದ ಪಿಪಿಇ ಕಿಟ್ಗಳ ಬಳಕೆಗೂ ಪರ್ಯಾಯವಾಗಿ ಬಳಕೆಯಾಗುತ್ತದೆ ಎಂದು ಸಂಶೋಧಕರ ತಂಡ ಮಾಹಿತಿ ನೀಡಿದೆ.
ಈ ಸಂಶೋಧನೆಯ ಕುರಿತು ಮಾತನಾಡಿರುವ ಐಐಟಿ ರೂರ್ಕಿಯ ಮುಖ್ಯ ಸಂಶೋಧಕ ಸೌಮಿತ್ರ ಸತಫತಿ, ಈ ಬೂತ್ನಲ್ಲಿ ಆರೋಗ್ಯ ತಪಾಸಣೆ ಮಾಡುವ ವೈದ್ಯಕೀಯ ಸಿಬ್ಬಂದಿಗೆ ನಿಲ್ಲಲು ಅವಕಾಶವಿದೆ. ಹಾಗೆಯೇ ಇದು ಸಂಪೂರ್ಣ ವ್ಯಾಕ್ಯೂಮ್ ಸೀಲ್ಡ್ ಆಗಿದೆ ಎಂದು ತಿಳಿಸಿದ್ದಾರೆ. ಇದರಲ್ಲಿನ ಉದ್ದನೆಯ ಕೈಗವಸು ರೋಗಿಯ ಸಂಪರ್ಕಕ್ಕೆ ಬಾರದೆಯೇ ಮಾದರಿ ಸಂಗ್ರಹಿಸುವುದಕ್ಕೆ ತಪಾಸಣೆ ನಡೆಸುವವರಿಗೆ ಸಹಾಯ ಮಾಡಲಿದೆ ಎಂದೂ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ. ಜೊತೆಗೆ ಪ್ರತಿ ಮಾದರಿ ಸಂಗ್ರಹದ ನಂತರ ಬೂತ್ ಅನ್ನು ಸ್ವಚ್ಛಗೊಳಿಸಲಾಗುತ್ತದೆ ಎಂದು ಅವರು ಮಾಹಿತಿ ನೀಡಿದ್ದಾರೆ.
ಇನ್ನು ಇದನ್ನು ತಯಾರಿಸಲು ರೂರ್ಕಿಯ ಮುನ್ಸಿಪಲ್ ಕಾರ್ಪೋರೇಷನ್ ಹಣಕಾಸಿನ ನೆರವನ್ನು ಒದಗಿಸಿಕೊಟ್ಟಿದೆ.
ಇನ್ನು ಐಐಟಿ ನಿರ್ದೇಶಕ ಪ್ರೊಫೆಸರ್ ಅಜಿತ್ ಚತುರ್ವೇದಿ ಅವರು ಈ ಸಂಶೋಧನಾ ತಂಡದ ಸದಸ್ಯರಾದ ಪ್ರಥುಲ್ ನಾಥ್, ನವೀನ ಕುಮಾರ್ ಟೇಲರ್, ತೇಜಸ್ವಿನಿ ಶರ್ಮಾ, ಭೌತಶಾಸ್ತ್ರ ವಿಭಾಗದ ಇಂಟಿಗ್ರೇಟೆಡ್ ನ್ಯಾನೊಫೋಟೋನಿಕ್ಸ್ ಮತ್ತು ಬಯೋಮೆಟೀರಿಯಲ್ಸ್ (ಎಲ್‌ಐಎನ್‌ಬಿ) ಯ ಪ್ರಯೋಗಾಲಯದ ಅನ್ಶು ಕುಮಾರ್ ಅವರನ್ನು ಅಭಿನಂದಿಸಿದ್ದು, ಶ್ರಮವನ್ನು ಶ್ಲಾಘಿಸಿದ್ದಾರೆ.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
