ಉಡುಪಿ : ಅರ್ಥಿಕ ಕ್ರೋಢಿಕರಣಕ್ಕಾಗಿ ವ್ಯವಸಾಯ ಮಾಡುತ್ತಿರುವ ಅಘೋರೇಶ್ವರ ಕಲಾರಂಗ

ಉಡುಪಿ : ಯುವ ಜನಾಂಗ ಕೃಷಿ ಚಟುವಟಿಕೆಯಿಂದ ವಿಮುಖವಾಗುತ್ತಿದ್ದು, ಗದ್ದೆ ಕೆಲಸಗಳಲ್ಲಿ ಆಸಕ್ತಿ ಕಳೆದುಕೊಳ್ಳುತ್ತಿದೆ ಎನ್ನುವ ಮಾತು ಸಹಜವಾಗಿ ಕೇಳಿ ಬರುತ್ತಿದೆ. ಆದರೆ ಕೋಟ ಸಮೀಪದ ಚಿತ್ರಪಾಡಿಯ ಯುವ ಸಂಘಟನೆವೊಂದರ ಸದಸ್ಯರು ಸಮಾಜ ಸೇವೆಯ ನಿಟ್ಟಿನಲ್ಲಿ ಅರ್ಥಿಕ ಕ್ರೋಢಿಕರಣಕ್ಕಾಗಿ ಗದ್ದೆಗಿಳಿದು ವ್ಯವಸಾಯ ಮಾಡುವ ಮೂಲಕ ಇತರರಿಗೆ ಮಾದರಿಯಾಗಿದ್ದಾರೆ.

ಯುವಕರನ್ನು ಒಗ್ಗೂಡಿಸಿ,ಸಾಮಾಜಿಕ, ಸಾಂಸ್ಕೃತಿಕ ಚಟುವಟಿಕೆಗಳಲ್ಲಿ ತೊಡಗಿಸಿಕೊಳ್ಳುವಂತೆ ಮಾಡುವ ಸಲುವಾಗಿ ಎರಡು ವರ್ಷಗಳ ಹಿಂದೆ ಸ್ಥಳೀಯರಾದ ಪ್ರಭಾಕರ ನಾ„ರಿ ಹಾಗೂ ವಕೀಲ ಶ್ಯಾಮಸುಂದರ ನಾ„ರಿ ಅವರ ನೇತೃತ್ವದಲ್ಲಿ ಅಸ್ತಿತ್ವಕ್ಕೆ ಬಂದ ಅಘೋರೇಶ್ವರ ಕಲಾರಂಗ (ರಿ) ಕಾರ್ತಟ್ಟು,ಚಿತ್ರಪಾಡಿ ಎನ್ನುವ ಈ ಸಂಸ್ಥೆ ಸದಾ ವಿಭಿನ್ನ ಕಾರ್ಯ ಚಟುವಟಿಕೆಯೊಂದಿಗೆ ಜನಮನ್ನಣೆ ಗಳಿಸಿತ್ತು. ಅಂತೆಯೇ ಈ ಬಾರಿ ಹಡವು ಬಿದ್ದ ಗದ್ದೆಯಲ್ಲಿ ವ್ಯವಸಾಯ ಕೈಗೊಂಡು ಅದರಲ್ಲಿ ಬಂದ ಲಾಭಂಶವನ್ನು ಅನಾಥಾಶ್ರಮಕ್ಕೆ ದಾನವಾಗಿ ನೀಡುವ ಮತ್ತು ಸಂಸ್ಥೆಯ ಸಾಮಾಜಿಕ ಚಟುವಟಿಕೆಗೆ ಬಳಸಿಕೊಳ್ಳುವ ನಿಟ್ಟಿನಲ್ಲಿ ಕಾರ್ಯಪ್ರವೃತ್ತವಾಗಿದೆ.

ಅಧ್ಯಕ್ಷರಾದ ಶಿವಾನಂದ ನಾ„ರಿ ಅವರ ಮುಂದಾಳತ್ವದಲ್ಲಿ ಕಾರ್ತಟ್ಟು ಪರಿಸರದಲ್ಲಿ ಕೃಷಿ ಮಾಡಲಾಗದೆ ಹಡವು ಬಿಟ್ಟ 40ಸೆಂಟ್ಸ್‌ ಗದ್ದೆ ಪಡೆದು, ಸಂಘಟನೆಯ ಯುವಕರು ಒಟ್ಟಾಗಿ ಫಲವತ್ತದ ಭತ್ತ ಬೆಳೆಯುವ ನಿಟ್ಟಿನಲ್ಲಿ ಕಾರ್ಯಪ್ರವೃತ್ತರಾಗಿದ್ದಾರೆ. ಸ್ಥಳೀಯರ ಸಾಥ್‌; ಇವರ ಈ ಪ್ರಯತ್ನಕ್ಕೆ ಸ್ಥಳೀಯ ಪ್ರಗತಿಪರ ಕೃಷಿಕರಾದ ರವಿ ನಾ„ರಿ, ಚಂದ್ರ ಪೂಜಾರಿ, ಸೀತಾರಾಮ ಭಟ್‌ ಸಹಕಾರ ನೀಡಿದರು ಹಾಗೂ ತಂಡದ ಸದಸ್ಯರಿಗೆ ನೇಜಿ ನೆಡುವ ಬಗ್ಗೆ ಮಾಹಿತಿ ಇಲ್ಲದ ಕಾರಣ ಕಾರ್ತಟ್ಟು-ಚಿತ್ರಪಾಡಿಯ ಸುಮಾರು 30 ಮಂದಿ ಮಹಿಳೆಯರು ಸ್ವಯಂಪ್ರೇರಿತರಾಗಿ ನಾಟಿ ಮಾಡಿದರು. ಜು.19ರಂದು ಸುರಿದ ಭಾರೀ ಮಳೆಯ ನಡುವೆ ಸ್ಥಳೀಯ ಕೃಷಿಕರಾದ ಸಂಜೀವ ಪೂಜಾರಿ ಕಾರ್ತಟ್ಟು ಇವರ ಮಾರ್ಗದರ್ಶನದಲ್ಲಿ ನಾಟಿ ಪೂರೈಸಿದ್ದು, ಈಗ ಫಸಲು ಕೈಸೇರುವ ತನಕ ಬೆಳೆಯ ಆರೈಕೆ ಮಾಡುವುದರಲ್ಲಿ ತೊಡಗಿದ್ದಾರೆ.
ಯವ ಜನರಿಗೆ ಪ್ರೇರಣೆಯಾಗೊದೆ.