ರಾಯ್ಪರ: ವಿದ್ಯಾರ್ಥಿಗಳಿಗೆ ಡಿ ಫಾರ್ ಡಾಗ್, ಪಿ ಫಾರ್ ಪೆನ್ ಎಂದು ಹೇಳಿಕೊಡಬೇಕಾದ ಶಿಕ್ಷಕನೊಬ್ಬ ಡಿ ಫಾರ್ ದಾರು(ಶರಾಬು) ಪಿ ಫಾರ್ ಪಿಯೋ(ಕುಡಿಯಿರಿ) ಎಂದು ಹೇಳಿಕೊಡುತ್ತಿದ್ದಾನೆ.
ಛತ್ತೀಸ್‌ಗಢದ ಕೊರೆಯ ಜಿಲ್ಲೆಯ ಸರ್ಕಾರಿ ಪ್ರಾಥಮಿಕ ಶಾಲೆಯ ಶಿಕ್ಷಕನೊಬ್ಬ ಮಕ್ಕಳಿಗೆ ಈ ರೀತಿಯಾಗಿ ಶರಾಬು ಕುಡಿಯುವ ಪಾಠ ಹೇಳಿಕೊಡುತ್ತಿದ್ದಾನೆ.
ಶಿಕ್ಷಕನ ಈ ಪಾಠವನ್ನು ಸ್ಥಳೀಯ ಪತ್ರಕರ್ತ ಶಿಯಾಬರನ್ ಎಂಬುವವರು ವೀಡಿಯೋ ಮಾಡಿದ್ದಾರೆ. ಬ್ಲ್ಯಾಕ್ ಬೊರ್ಡ್‌ನಲ್ಲಿ ದಾರು ಪಿಯೋ ಎಂದು ಶಿಕ್ಷಕ ಬರೆಯುತ್ತಿರುವ ಮತ್ತು ಅದನ್ನು ಮಕ್ಕಳ ಬಾಯಿಯಿಂದ ಹೇಳಿಸುತ್ತಿರುವ ದೃಶ್ಯಗಳು ಈ ವಿಡಿಯೋದಲ್ಲಿ ಚಿತ್ರೀಕರಣಗೊಂಡಿದೆ.
ಅಲ್ಲದೇ ನಾನು ಶಾಲೆಗೆ ಕುಡಿದು ಬಂದು ಪಾಠ ಮಾಡುತ್ತಿದ್ದೆ, ಈ ವೇಳೆ ಈ ರೀತಿ ಬರೆದಿರುವುದಾಗಿ ತಪ್ಪೊಪ್ಪಿಕೊಂಡಿದ್ದಾನೆ. ಅಲ್ಲದೇ ಈಗ ಕುಡಿತವನ್ನು ಬಿಟ್ಟಿದ್ದು, ಇನ್ನು ಮುಂದೆ ಕುಡಿದು ಪಾಠ ಮಾಡುವುದಿಲ್ಲ ಎಂದು ಹೇಳಿಕೊಂಡಿದ್ದಾನೆ.
ಈತನ ವಿರುದ್ಧ ತನಿಖೆ ನಡೆಸಿ, ಸೂಕ್ತ ಕ್ರಮ ಜರುಗಿಸುವುದಾಗಿ ಜಿಲ್ಲಾಡಳಿತ ತಿಳಿಸಿದೆ.
ಮಕ್ಕಳಿಗೆ ಉತ್ತಮ ನಾಗರಿಕತೆಯನ್ನು ಕಲಿಸಬೇಕಾದ ಶಿಕ್ಷಕರೇ ಈ ರೀತಿ ಶರಾಬು ಕುಡಿದು ಬಂದು ಶರಾಬು ಕುಡಿಯುವ ಪಾಠ ಹೇಳಿಕೊಡುತ್ತಿರುವುದು ದುರಾದೃಷ್ಟಕರ. ಶಿಕ್ಷಕ ವೃತ್ತಿಗೆ ಗೌರವ ಕೊಡದವರ ವಿರುದ್ಧ ಕಠಿಣಕ್ರಮ ಜರುಗಿಸಬೇಕಾದ ಅಗತ್ಯವಿದೆ.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
