ಭಾರತೀಯ ವೀರ ಯೋಧರಿಗೆ ಸಮರ್ಪಣೆಗೊಂಡ ಪಾರ್ಕ್ ಶಿವಮೊಗ್ಗದಲ್ಲಿ ಅನಾವರಣ

ಶಿವಮೊಗ್ಗ : ಕಾರ್ಗಿಲ್ ವಿಜಯ ದಿವಸ್ ಅಂಗವಾಗಿ ಭಾರತೀಯ ವೀರ ಯೋಧರಿಗೆ ಸಮರ್ಪಿತಗೊಂಡ ಪಾರ್ಕ್ ಅನ್ನು ಶಿವಮೊಗ್ಗದಲ್ಲಿ ಅನಾವರಣಗೊಳಿಸಲಾಗಿದೆ.

ವೀರಯೋಧರು ನಮ್ಮ ದೇಶಕ್ಕಾಗಿ ಮಾಡಿದ ತ್ಯಾಗದ ಬಗೆಗಿನ ಸ್ಮರಣಾರ್ಥ ಶಾಸನಗಳನ್ನು ಈ ಪಾರ್ಕ್ ಒಳಗೊಂಡಿದೆ ಹಲವಾರು ಯೋಧರ ಪ್ರತಿಕೃತಿಗಳು ಈ ಪಾರ್ಕ್­ನಲ್ಲಿದೆ.

ಈ ಪಾರ್ಕ್ ಬಗ್ಗೆ ಮಾಹಿತಿ ನೀಡಿರುವ ಮಾಜಿ ಸೈನಿಕ, ಹದಿನೈದು ವರ್ಷಗಳ ಕಾಲ ಭಾರತೀಯ ಸೇನೆಗೆ ಸೇವೆ ಸಲ್ಲಿಸಿರುವ ರೂಪ್ ಕುಮಾರ್ ಅವರು, ಈ ಪಾರ್ಕ ನಮ್ಮ ದೇಶಕ್ಕಾಗಿ ಸೈನಿಕರು ಪರಿಶ್ರಮವನ್ನು ಜನರಿಗೆ ಮನದಟ್ಟು ಮಾಡಿಕೊಡುತ್ತದೆ ಎಂದಿದ್ದಾರೆ.

“ಇಂತಹ ಯಾವುದೇ ಪಾರ್ಕುಗಳು ಶಿವಮೊಗ್ಗದಲ್ಲಿ ಇಲ್ಲ. ಕೇವಲ 15 ದಿನದಲ್ಲಿ ಇದನ್ನು ನಿರ್ಮಾಣ ಮಾಡಲಾಗಿದೆ. ಭಾರತೀಯ ಸೇನೆಗೆ ಸೇವೆಸಲ್ಲಿಸಲು ಬಯಸುವ ಪ್ರತಿಯೊಬ್ಬರಿಗೂ ಈ ಪಾರ್ಕ್ ಪ್ರೇರಣೆಯಾಗಿದೆ” ಎಂದಿದ್ದಾರೆ.

ಶಿವಮೊಗ್ಗದ ಜಿಲ್ಲಾಧಿಕಾರಿ ಮತ್ತು ಬೆಂಗಳೂರಿನ ಶಿಲ್ಪ ಕಲಾ ಅಕಾಡೆಮಿಯ ಸಹಾಯದಿಂದ ಈ ಪಾರ್ಕನ್ನು ನಿರ್ಮಾಣ ಮಾಡಲಾಗಿದೆ ಎಂದು ಸ್ಥಳೀಯರು ಹೇಳಿದ್ದಾರೆ.

ಶಿವಮೊಗ್ಗದಲ್ಲಿ ಶಿಲ್ಪಕಲಾ ಅಕಾಡೆಮಿ ಮತ್ತು ಜಿಲ್ಲಾಧಿಕಾರಿ ಕಲಾಕೃತಿ ಶಿಬಿರವನ್ನು ಆಯೋಜನೆಗೊಳಿಸಿದರು. ಈ ಶಿಬಿರದ ಥೀಮ್ ಭಾರತೀಯ ಯೋಧರ ತ್ಯಾಗ ಆಗಿತ್ತು. ಇಲ್ಲಿ ನಾವು ಭಾರತೀಯ ಸೇನೆ, ನೌಕಾ ಸೇನೆ, ವಾಯುಸೇನೆಯ ಯೋಧರ ಕಲಾಕೃತಿಯನ್ನು ರಚನೆ ಮಾಡಿದೆವು ಎಂದು ಸ್ಥಳೀಯರೊಬ್ಬರು ಹೇಳಿಕೊಂಡಿದ್ದಾರೆ.

ಭಾರತೀಯ ಸೇನೆಯು ಇಂದು 20ನೇ ಕಾರ್ಗಿಲ್ ವಿಜಯ ದಿವಸ್ ಆಚರಣೆ ಮಾಡುತ್ತಿದೆ. ದೇಶಕ್ಕಾಗಿ ಬಲಿದಾನಗೈದ ವೀರಯೋಧರ ಸಾಹಸ ಮತ್ತು ಶೌರ್ಯವನ್ನು ನೆನಪಿಸಿಕೊಳ್ಳುವ ಸಲುವಾಗಿ ಈ ದಿನವನ್ನು ಆಚರಿಸಲಾಗುತ್ತದೆ.