ಚೆನ್ನೈ: ಭಾರತೀಯ ಕ್ರಿಕೆಟ್ ತಂಡದ ಮಾಜಿ ನಾಯಕ ಮತ್ತು ಭಾರತಕ್ಕೆ ವಿಶ್ವಕಪ್ ತಂದುಕೊಟ್ಟ ಮೊದಲ ಕ್ಯಾಪ್ಟನ್ ಕಪಿಲ್ ದೇವ್ ಅವರು ಚೆನ್ನೈನಲ್ಲಿ 51 ಅಡಿ ಎತ್ತರದ ಅತೀದೊಡ್ಡ ಕ್ರಿಕೆಟ್ ಬ್ಯಾಟ್ ಅನ್ನು ಅನಾವರಣಗೊಳಿಸಿದರು. ಈ ಬ್ಯಾಟಿನ ತೂಕ ಬರೋಬ್ಬರಿ 6.6 ಟನ್ ಆಗಿದೆ. ಈ ಬ್ಯಾಟ್ ಗಿನ್ನಿಸ್ ದಾಖಲೆಯ ಪುಟವನ್ನು ಸೇರಿದೆ.
ರಾಹುಲ್ ಸೋನಿ ಎಂಬುವವರು ಈ ಬೃಹದಾಕಾರದ ಬ್ಯಾಟ್ ಅನ್ನು ರಚನೆ ಮಾಡಲು ಪ್ರಮುಖ ಕಾರಣೀಕರ್ತರಾಗಿದ್ದು, ಬ್ಯಾಟ್ ತಯಾರಿಸುವ ವೇಳೆ ನಿಖರತೆ ಮತ್ತು ಐಸಿಸಿ ನಿರ್ದೇಶನಗಳನ್ನು ಅನುಸರಿಸಿದ್ದಾರೆ. ಬಳಕೆ ಮಾಡುವ ನೈಜ ಬ್ಯಾಟಿನ ದೊಡ್ಡ ಪ್ರತಿರೂಪವೇ ಈ ಬ್ಯಾಟ್. ಕಠಿಣ ಹೊರಾಂಗಣ ಪರಿಸ್ಥಿತಿಯಲ್ಲೂ ಈ ಬ್ಯಾಟ್ ಯಾವುದೇ ಹಾನಿಗೊಳಗಾಗುವುದಿಲ್ಲ ಎಂದು ಸೋನಿ ಹೇಳಿದ್ದಾರೆ.
ಕಾರ್ಯಕ್ರಮದಲ್ಲಿ ಮಾತನಾಡಿದ ಕಪಿಲ್ ದೇವ್, “ಈ ಬ್ಯಾಟ್ ಚೆನ್ನೈ ನಗರದಲ್ಲೇ ಇರಬೇಕು ಎಂದು ನಾನು ಬಯಸುತ್ತೇನೆ. ಭಾರತಕ್ಕಾಗಿ ಆಡಿದ ಎಲ್ಲಾ ಆಟಗಾರರು ಇಲ್ಲಿಗೆ ಬಂದು ಈ ಬ್ಯಾಟಿಗೆ ಸಹಿ ಹಾಕಲಿ. ಜನರ ಪ್ರೀತಿಯ ದ್ಯೋತಕವಾಗಿ ಚೆನ್ನೈ ನಗರದಲ್ಲೇ ಇದು ಇರಲಿ” ಎಂದಿದ್ದಾರೆ.
“ನಗರದಾದ್ಯಂತ ಇರುವ ನಮ್ಮ ಆಟಗಾರರು ಮತ್ತು ಕಟ್ಟಾ ಕ್ರಿಕೆಟ್ ಅಭಿಮಾನಿಗಳಿಗೆ ಜೀವಮಾನದ ಅನುಭವವನ್ನು ನೀಡುವ ಉದ್ದೇಶ ಈ ಬ್ಯಾಟ್ ರಚನೆಯ ಹಿಂದಿದೆ. ಐಸಿಸಿ ವಿಶ್ವಕಪ್ನಲ್ಲಿ ಭಾಗವಹಿಸುವಾಗ ಟೀಮ್ ಇಂಡಿಯಾವನ್ನು ಹುರಿದುಂಬಿಸಲು, ಅವರಿಗೆ ನಮ್ಮ ಬೆಂಬಲವನ್ನು ತೋರಿಸಲು ಮತ್ತು ಅವರ ಮನೋಸ್ಥೈರ್ಯವನ್ನು ಹೆಚ್ಚಿಸಲು ಈ ಬ್ಯಾಟ್ ರೂಪುಗೊಂಡಿದೆ” ಎಂದು ಬ್ಯಾಟ್ ರಚನೆ ಮಾಡಿದ ಫೊನೆಕ್ಸ್ ಮಾರ್ಕೆಟ್ ಸಿಟಿ ಆ್ಯಂಡ್ ಪಲ್ಲಾಡಿಯಂ ಸೆಂಟರ್ ಡೈರೆಕ್ಟರ್ ಪೂಜಾ ಪಟ್ಟಿ ಹೇಳಿದ್ದಾರೆ.
ಕ್ರಿಕೆಟ್ ಉತ್ಸಾಹಿಗಳಿಗೆ ಅತಿವಾಸ್ತವಿಕವಾದ ಅನುಭವವನ್ನು ನೀಡಲು ನಮ್ಮ ಮಾಲ್ನಲ್ಲಿ ಎಆರ್ ಮತ್ತು ವಿಆರ್ ಬೂತ್ಗಳನ್ನು ಸ್ಥಾಪಿಸುವುದರ ಜೊತೆಗೆ, ಎಲ್ಲಾ ಪಂದ್ಯಗಳ ನೇರ ಪ್ರದರ್ಶನಗಳನ್ನು ಆಯೋಜಿಸಲಾಗುತ್ತಿದೆ ಎಂದಿದ್ದಾರೆ.
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.