ನನ್ನನ್ನು ಯಾರಾದರೂ ಮೋದಿ ಭಕ್ತ ಎಂದರೆ ನನಗೆ ಕೆಂಡದಂಥಾ ಕೋಪ ಬರುತ್ತದೆ.
ಮೋದಿ ಭಕ್ತ ಅನ್ನಿಸಿಕೊಂಡರೆ ಆ ಮೋದಿಯೇನೂ ನನ್ನ ಮನೆಗೆ ಉಚಿತವಾಗಿ ಊಟ ಕಳಿಸುವುದಿಲ್ಲ.
ಮೋದಿ ವಿರೋಧಿ ಎಂದು ಹೇಳಿಕೊಂಡರೆ ಮೋದಿಯೇನೂ ನನ್ನನ್ನು ಜೈಲಿಗೆ ಹಾಕಲು ಸಾಧ್ಯವಿಲ್ಲ.
ಅಷ್ಟಕ್ಕೂ ಮೋದಿಗೆ ಮಾತ್ರ ಭಕ್ತನಾಗಲು ಮೋದಿಯೇನೂ ದೇವರಲ್ಲ.ಆತ ಕೇವಲ ಈ ದೇಶದ ಪ್ರಧಾನಿಯಷ್ಟೇ.
ಯಾವುದೇ ರಾಜಕಾರಣಿ ದೇಶಕ್ಕಾಗಿ ದಿನಕ್ಕೆ 16 -18 ಗಂಟೆ ಕೆಲಸ ಮಾಡಬಲ್ಲನಾದರೆ ಆತನಿಗೂ ನಾನು ಭಕ್ತನಾಗಬಲ್ಲೆ.
ಯಾವುದೇ ರಾಜಕಾರಣಿ ತನ್ನ ಮನೆ ಮಠ ಸಂಸಾರವೆಲ್ಲವನ್ನೂ ತೊರೆದು ದೇಶಕ್ಕಾಗಿ ದುಡಿಯುತ್ತಾನೆಂದರೆ ಆತನಿಗೂ ನಾನು ಭಕ್ತನಾಗಬಲ್ಲೆ.
ಯಾವುದೇ ರಾಜಕಾರಣಿ ದೇಶಕ್ಕಾಗಿ ವರ್ಷಗಳ ಕಾಲ ಒಂದೂ ರಜೆ ತೆಗೆದುಕೊಳ್ಳದೇ ಕೆಲಸ ಮಾಡುತ್ತಾನೆಂದರೆ ಆತನಿಗೂ ನಾನು ಭಕ್ತನಾಗಬಲ್ಲೆ.
ಯಾವುದೇ ರಾಜಕಾರಣಿ ಕೇವಲ ಚುನಾವಣಾ ಉದ್ದೇಶಕ್ಕಲ್ಲದೆ ದೀರ್ಘಾವಧಿಯಲ್ಲಿ ದೇಶಕ್ಕೆ ಒಳ್ಳೆಯದಾಗಬಲ್ಲ ಯೋಜನೆಗಳನ್ನು ತರುವ ಕೆಲಸಕ್ಕೆ ಕೈ ಹಾಕುತ್ತಾನೆಂದರೆ ಆತನಿಗೂ ನಾನು ಭಕ್ತನಾಗಬಲ್ಲೆ.
ಯಾವುದೇ ರಾಜಕಾರಣಿ ದೇಶದ ಒಳಿತಿಗಾಗಿ ತನ್ನ ರಾಜಕಾರಣಿಗಳ ಅಕ್ರಮ ಸಂಪತ್ತಿನ ಬುಡಕ್ಕೇ ಕೈ ಹಾಕುವ ಧೈರ್ಯ ತೋರಿಸುತ್ತಾನೆಂದರೆ ಆತನಿಗೂ ನಾನು ಭಕ್ತನಾಗಬಲ್ಲೆ.
ಯಾವುದೇ ರಾಜಕಾರಣಿ ಯಾವ ಅಪರಾಧ ಸಾಬೀತಾಗಿರದಿದ್ದರೂ ಮೌತ್ ಕಾ ಸೌದಾಘರ್,ನರಹಂತಕ ಎಂದು ಕರೆಸಿಕೊಂಡರೂ ತಲೆಕೆಡಿಸಿಕೊಳ್ಳದೇ ತನ್ನ ಕೆಲಸದಲ್ಲಿ ತಾನು ಮಗ್ನನಾಗುತ್ತಾನೆಂದರೆ ಆತನಿಗೂ ನಾನು ಭಕ್ತನಾಗಬಲ್ಲೆ.
ಯಾವುದೇ ರಾಜಕಾರಣಿ ತನ್ನ ಆಕರ್ಷಕ ವ್ಯಕ್ತಿತ್ವದಿಂದಲೇ ಇಡೀ ಜಗತ್ತಿನ ಗಮನವನ್ನು ನನ್ನ ದೇಶದ ಕಡೆಗೆ ತಿರುಗಿಸುತ್ತಾನೆಂದರೆ ಆತನಿಗೂ ನಾನು ಭಕ್ತನಾಗಬಲ್ಲೆ.
ಯಾವುದೇ ರಾಜಕಾರಣಿ ಈ ದೇಶದ ನೂರಾರು ಕೋಟಿ ಜನರೊಂದಿಗೆ ನಿರಂತರ ಸಂಪರ್ಕದಲ್ಲಿರಬಯಸುತ್ತಾನೆಂದರೆ ಆತನಿಗೂ ನಾನು ಭಕ್ತನಾಗಬಲ್ಲೆ.
ಯಾವುದೇ ರಾಜಕಾರಣಿ ಯಾವುದೇ ಸಮಯ ಸಂದರ್ಭದಲ್ಲೂ ಬರೆದುಕೊಟ್ಟ ಭಾಷಣವನ್ನಷ್ಟೇ ಓದದೇ ನಿರರ್ಗಳವಾಗಿ ಮಾತನಾಡುತ್ತಾನೆಂದರೆ ಆತನಿಗೂ ನಾನು ಭಕ್ತನಾಗಬಲ್ಲೆ.
ಯಾವುದೇ ರಾಜಕಾರಣಿ ತನ್ನ ಕೈಯಲ್ಲಿ ಇಡೀ ದೇಶದ ಆಡಳಿತದ ಚುಕ್ಕಾಣಿ ಹಿಡಿದಿದ್ದರೂ ಆ ಕೈಗಳಿಗೆ ಭ್ರಷ್ಟಾಚಾರದ ಮಸಿ ಮೆತ್ತಿಕೊಳ್ಳದಂತೆ ಕಾಪಾಡಿಕೊಳ್ಳುತ್ತಾನೆಂದರೆ ಆತನಿಗೂ ನಾನು ಭಕ್ತನಾಗಬಲ್ಲೆ.
ಯಾವುದೇ ರಾಜಕಾರಣಿ ಹಿಂದಿನ ಸರ್ಕಾರಗಳ ಒಳ್ಳೆಯ ಯೋಜನೆಗಳನ್ನು ಯಾವುದೇ ಪೂರ್ವಾಗ್ರಹವಿಲ್ಲದೆ ಮುಂದುವರಿಸಿಕೊಂಡು ಹೋಗುತ್ತಾನೆಂದರೆ ಆತನಿಗೂ ನಾನು ಭಕ್ತನಾಗಬಲ್ಲೆ.
ನನಗೆ ದೇಶ ಮುಖ್ಯವೇ ಹೊರತೂ ಯಾವುದೇ ಒಬ್ಬ ರಾಜಕಾರಣಿಯೋ ಅಥವಾ ಯಾವುದೋ ಒಂದು ರಾಜಕೀಯ ಪಕ್ಷವೋ ಅಲ್ಲ.ಆದ್ದರಿಂದ ಮೇಲೆ ತಿಳಿಸಿದಂಥಾ ರಾಜಕಾರಣಿಯೊಬ್ಬನನ್ನು ನೀವು ತೋರಿಸಿದ್ದೇ ಆದರೆ ಆ ರಾಜಕಾರಣಿಯ ಭಕ್ತ ಮಂಡಳಿ ಸೇರಿಕೊಳ್ಳಲು ನಾನಿವತ್ತೇ ಸಿದ್ಧ.
ಹೇಳಿ, ಅಂತಹಾ ರಾಜಕಾರಣಿ ಯಾರಿದ್ದಾರೆ?
ರಾಹುಲ್? ಪ್ರಿಯಾಂಕಾ? ಮಮತಾ? ಮಾಯಾ? ಅಖಿಲೇಶ್? ನಿಖಿಲೇಶ್?
ಯಾರು ಯಾರು ಯಾರು??
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
