ಬಡತನ, ವಿಕಲಾಂಗತೆ ನಡುವೆಯೂ ಐಎಎಸ್ ಅಧಿಕಾರಿಯಾದ ರಾಮು

ಸಾಧನೆ ಮಾಡಬೇಕಾದ ಛಲವಿದ್ದರೆ ಯಾವ ಕೊಂದುಕೊರೆತಗಳೂ ನಮ್ಮನ್ನು ತಡೆಯಲು ಸಾಧ್ಯವಿಲ್ಲ ಎಂಬುದನ್ನು ತೋರಿಸಿಕೊಟ್ಟಿದ್ದಾರೆ ಮಹಾರಾಷ್ಟ್ರದ ಸೋಲಾಪುರ ಜಿಲ್ಲೆಯ ರಮೇಶ್ ಗೋಲಪ್.

ರಾಮು ಎಂದೇ ಖ್ಯಾತರಾಗಿರುವ ಇವರ ಎಡಗಾಲು ಪೋಲಿಯೋ ಪೀಡಿತವಾಗಿದೆ. ಬಾಲ್ಯದಿಂದಲೇ ತಮ್ಮ ಕುಟುಂಬದ ಆರ್ಥಿಕ ನೆರವಿಗಾಗಿ ಬಳೆಗಳನ್ನು ಮಾರಾಟ ಮಾಡುತ್ತಿದ್ದರು. ಆದರೆ ಇಂದು ಅವರು ಐಎಎಸ್ ಅಧಿಕಾರಿ.

ವಿದ್ಯೆ ಮಾತ್ರ ಬಡತನದಿಂದ ನನ್ನ ಕುಟುಂಬವನನು ಮೇಲತ್ತಬಲ್ಲದು ಎಂಬುದನ್ನು ಅರಿತಿದ್ದ ಅವರು, ಪ್ರಾಥಮಿಕ ಶಿಕ್ಷಣವನ್ನು ತಮ್ಮ ಊರಿನಲ್ಲೇ ಪೂರೈಸಿ ಬಳಿಕ ಮಾವನ ಊರಿಗೆ ತೆರಳಿ ಮುಂದಿನ ಶಿಕ್ಷಣ ಪಡೆದರು. ಬಡತನ, ವಿಕಲಾಂಗತೆಗಳು ಅವರ ಸಾಧನೆಗೆ ಎಂದೂ ಅಡ್ಡಿ ಬಂದಿಲ್ಲ, ಮನೋಸ್ಥೈರ್ಯ, ದೃಢ ನಿಲುವು ಇದ್ದರೆ ಯಾವುದೂ ಅಡ್ಡಿಯಾಗಲಾರದು ಎಂಬುದಕ್ಕೆ ಅವರೇ ಸಾಕ್ಷಿ.

2005ರಲ್ಲಿ ತನ್ನ ತಂದೆ ಸತ್ತಾಗ ಊರಿನ, ಸಹಪಾಠಿಗಳ ಹಣಕಾಸು ನೆರವಿನಿಂದ ತನ್ನೂರಿಗೆ ತೆರಳಿ ತಂದೆಯ ಅಂತ್ಯಸಂಸ್ಕಾರದಲ್ಲಿ ಭಾಗಿಯಾದುದನ್ನು ಇಂದಿಗೂ ಅವರು ಸ್ಮರಿಸುತ್ತಾರೆ.

ತಮ್ಮ ಜಿಲ್ಲೆಯ ತಹಶಿಲ್ದಾರ್ ಎಷ್ಟು ಪ್ರಭಾವಿ, ಎಷ್ಟು ಗೌರವಾನ್ವಿತ ಎಂಬುದನ್ನು ಕಂಡ ಬಳಿಕ ತಾನೂ ತಹಶಿಲ್ದಾರ್ ಆಗಬೇಕು ಎಂಬ ನಿಟ್ಟಿನಲ್ಲಿ ದೃಢ ಹೆಜ್ಜೆ ಇಟ್ಟ ಇವರು, ಇಂದು ಐಎಎಸ್ ಅಧಿಕಾರಿಯಾಗಿದ್ದಾರೆ. ಜಾರ್ಖಾಂಡ್‌ನ ಇಂಧನ ಇಲಾಖೆಯಲ್ಲಿ ಜಂಟಿ ಕಾರ್ಯದರ್ಶಿಯಾಗಿ ಕಾರ್ಯನಿರ್ವಹಿಸುತ್ತಿದ್ದಾರೆ.

ಐಎಎಸ್ ಆಕಾಂಕ್ಷಿಗಳಿಗೆ, ವಿದ್ಯಾರ್ಥಿಗಳಿಗೆ ಸುಮಾರು ೩೦೦ಕ್ಕೂ ಅಧಿಕ ಪ್ರೇರಣಾಶೀಲ ಭಾಷಣಗಳನ್ನು ನೀಡಿದ್ದಾರೆ. ಯುವ ಜನರ ಪಾಲಿಗೆ ಆದರ್ಶವಾಗಿದ್ದಾರೆ.

source; THE BETTER INDIA