ನವದೆಹಲಿ: ಜೀವನದಲ್ಲಿ ಸಂತೋಷ ಎಂಬುದು ಅತಿ ಮುಖ್ಯವಾಗಿರುತ್ತದೆ ಜನ ಸುಖ, ನೆಮ್ಮದಿಯಿಂದ ಬದುಕುತ್ತಿದ್ದಾರೆ ಎಂದಾದರೆ ಅವರ ಖರೀದಿ ಮಾಡುವ ಸಾಮರ್ಥ್ಯ ಮತ್ತು ಆಸಕ್ತಿಗಳೂ ದ್ವಿಗುಣಗೊಳ್ಳುತ್ತದೆ.
ದೇಶದ ಯಾವ ಭಾಗದಲ್ಲಿ ಜನ ಹೆಚ್ಚು ಸಂತೋಷದಿಂದಿದ್ದಾರೆ ಎಂಬುದನ್ನು ಅರಿತುಕೊಳ್ಳುವ ಸಲುವಾಗಿ ಮಲ್ಟಿನ್ಯಾಷನಲ್ ಎಲೆಕ್ಟ್ರಾನಿಕ್ಸ್ ಕಂಪನಿ ಎಲ್‌ಜಿ ಅಧ್ಯಯನವೊಂದನ್ನು ನಡೆಸಿದೆ. ಇದಕ್ಕೆ ‘ಎಲ್‌ಜಿ ಲೈಫ್ಸ್ ಗುಡ್ ಹ್ಯಾಪಿನಸ್ ಸ್ಟಡಿ’ ಎಂದು ಹೆಸರಿಡಲಾಗಿದೆ.
ಈ ಅಧ್ಯಯನದಿಂದ ದೇಶದಲ್ಲಿ ದೆಹಲಿ ಅತಿ ಸಂತುಷ್ಟ ಮೆಟ್ರೋ ಮತ್ತು ಚಂಡೀಗಢ ಅತಿ ಸಂತುಷ್ಟ ನಗರ ಎಂಬುದು ತಿಳಿದು ಬಂದಿದೆ. ಲಕ್ನೋ, ಚೆನ್ನೈ, ಬೆಂಗಳೂರು ಕೂಡ ಸಂತುಷ್ಟ ನಗರಗಳ ಸಾಲಿಗೆ ಸೇರಿವೆ.
ಗೌರವ, ವಿಶ್ವಾಸ, ಯಶಸ್ಸು ಮತ್ತು ಗುರುತಿಸುವಿಕೆ ಇವುಗಳು ಇಲ್ಲಿನ ಜನರನ್ನು ಸಂತುಷ್ಟರನ್ನಾಗಿ ಮಾಡಿವೆ.
ಅಲ್ಲದೇ ಭಾರತದಲ್ಲಿ 18-24 ವಯಸ್ಸಿನವರಿಗಿಂತ 35-45 ವಯಸ್ಸಿನವರು ಹೆಚ್ಚು ಸಂತೋಷದಿಂದ ಇದ್ದಾರೆ ಎಂಬುದೂ ತಿಳಿದು ಬಂದಿದೆ.
ಗ್ರಾಹಕರು ಸಂತೋಷಗೊಳ್ಳುವಂತೆ, ಅವರ ಅಭಿರುಚಿಗೆ ತಕ್ಕಂತೆ ತನ್ನ ಉತ್ಪನ್ನಗಳನ್ನು ಅಭಿವೃದ್ಧಿ ಪಡಿಸಲು, ಮಾರ್ಕೆಂಟಿಂಗ್ ಮಾಡಲು ಈ ಅಧ್ಯಯನವನ್ನು ಮಾಡಿದ್ದೇವೆ. ಪ್ರತಿ ವರ್ಷವೂ ಈ ಅಧ್ಯಯನ ನಡೆಸುವ ಯೋಜನೆಯಿದೆ ಎಂದು ಎಲ್‌ಜಿ ಹೇಳಿದೆ.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
