ಕಾರ್ಗಿಲ್ ಯುದ್ಧದಲ್ಲಿ ಅಪ್ರತಿಮ ಸಾಹಸ, ಧೈರ್ಯವನ್ನು ತೋರಿಸಿ ದೇಶಕ್ಕಾಗಿ ಬಲಿದಾನಗೈದ ಮಹಾನ್ ವೀರ ಕ್ಯಾಪ್ಟನ್ ಮನೋಜ್ ಕುಮಾರ್ ಪಾಂಡೆ ಹುತಾತ್ಮರಾದ ದಿನವಿಂದು. 1999ರ ಜುಲೈ 3ರಂದು ಕಾರ್ಗಿಲ್ ಯುದ್ಧದ ಸಂದರ್ಭ ಬಟಲಿಕ್ ವಲಯದ ಖಲುಬರ್ ಹಿಲ್ಸ್‌ನ ಜುಬರ್ ಟಾಪ್‌ನ ಮೇಲೆ ನಡೆದ ದಾಳಿಯಲ್ಲಿ ಪ್ರಾಣ ತ್ಯಾಗ ಮಾಡಿ ಅಮರರಾದರು. ಹೀಗಾಗಿ ಇವರನ್ನು ಹೀರೋ ಆಫ್ ಬಟಲಿಕ್’ ಎಂದೇ ಕರೆಯಲಾಗುತ್ತದೆ.
ಜೂನ್ 25ರಂದು ಉತ್ತರಪ್ರದೇಶದ ಸೀತಾಪುರ ಜಿಲ್ಲೆಯಲ್ಲಿ ಜನಿಸಿದ ಇವರು, ಉತ್ತರಪ್ರದೇಶ ಸೈನಿಕ್ ಶಾಲೆಯಲ್ಲಿ ವ್ಯಾಸಂಗ ನಡೆಸಿ ಬಳಿಕ ಸೇನೆಯನ್ನು ಸೇರಿದರು. ಬಾಕ್ಸಿಂಗ್, ದೇಹದಾರ್ಢ್ಯ ಸೇರಿದಂತೆ ಕ್ರೀಡೆಯಲ್ಲಿ ಹೆಚ್ಚಿನ ಆಸಕ್ತಿ ಹೊಂದಿದ್ದರು. 11 ಗೋರ್ಖ ರೈಫಲ್ಸ್‌ನ 1ನೇ ಬೆಟಾಲಿಯನ್‌ನಲ್ಲಿ ನಿಯೋಜಿತರಾದ ಇವರು ಭಾರತಕ್ಕಾಗಿ ಅಪ್ರತಿಮ ಸಾಹಸ ತೋರಿಸಿ ಹೀರೋ ಗಿ ವಿರಾಜಮಾನರಾಗಿದ್ದಾರೆ.
ಜುಬಾರ್ ಟಾಪ್ ಮೇಲೆ ಶತ್ರು ಪಡೆಯಿಂದ ದಾಳಿಯಾದ ಸಂದರ್ಭ ಪ್ರತಿಮ ಸಾಹಸವನ್ನು ಪ್ರದರ್ಶಿಸಿ ಡೇರ್‌ಡೆವಿಲ್ ಯೋಧ ಎನಿಸಿಕೊಂಡರು. ಏಕಾಂಗಿಯಾಗಿ ಮುನ್ನುಗ್ಗಿ ಮೊದಲನೇ ಶತ್ರು ಸ್ಥಾನವನ್ನು ನಾಶಪಡಿಸಿ ಇಬ್ಬರನ್ನು ಹತ್ಯೆಮಾಡಿದ್ದರು, 2ನೇ ಸ್ಥಳವನ್ನು ನಾಶಪಡಿಸುವ ವೇಳೆ ಶುತ್ರಗಳ ಗುಂಡು ತಾಗಿ ಇವರ ಭುಜ ಮತ್ತು ಕಾಲುಗಳಿಗೆ ತೀವ್ರವಾಗಿ ಪೆಟ್ಟಾಗಿತ್ತು, ಆದರೂ ಲೆಕ್ಕಸದೇ ತಮ್ಮ ನಾಯಕತ್ವವನ್ನು ಮುಂದುವರೆಸಿ ಶತ್ರಗಳನ್ನು ಹಿಮ್ಮೆಟ್ಟಿಸಿದರು. ಶತ್ರುಗಳ 3 ಮತ್ತು 4ನೇ ಸ್ಥಾನವನ್ನೂ ಗ್ರೆನೇಡ್ ದಾಳಿಗಳ ಮೂಲಕ ನಾಶಪಡಿಸಿದರು. ಈ ಹೊತ್ತಿಗಾಗಲೇ ಅವರ ಹಣೆಗೂ ತೀವ್ರ ಪೆಟ್ಟಾಗಿತ್ತು. ‘ಅವರನ್ನು ಬಿಡಬೇಡಿ’ ಎಂದು ಕೊನೆಯದಾಗಿ ತಮ್ಮ ಸಂಗಡಿಗರಿಗೆ ಹೇಳಿ ಅವರು ಮಾತೃಭೂಮಿಗೆ ಮುಖವೊತ್ತಿ ಕೊನೆಯುಸಿರೆಳೆದರು.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
