ಭಾರತೀಯ ಮೂಲದ ಯುಎಸ್ ನಿವಾಸಿ ಯೋಗಿ ಗೋಸ್ವಾಮಿ ಅವರ ಕುಟುಂಬ ಅಭಿವೃದ್ಧಿಪಡಿಸಿದ ವಿಶ್ವದ ಮೊದಲ ಹಾನಿಕಾರಿಕ ಮಾಲಿನ್ಯಕಾರಕಗಳನ್ನು ಸಂಪೂರ್ಣ ನಾಶಮಾಡುವ ಏರ್ ಪ್ಯೂರಿಫಯರ್ ‘ಮೋಲೆಕುಲೆ’ 2017ರ ಟೈಮ್ಸ್‌ನ 25 ಇನ್‌ವೆನಶನ್‌ಗಳ ಪಟ್ಟಿಯಲ್ಲಿ ಸ್ಥಾನಪಡೆದುಕೊಂಡಿದೆ. ಪ್ರಸ್ತುತ ಇರುವ ಏರ್ ಪ್ಯೂರಿಫಯರ್‌ಗಳು ಕೇವಲ ಮಾಲಿನ್ಯ ಕಣಗಳನ್ನು ತೊಲಗಿಸುತ್ತದೆ.
ಪ್ರಸ್ತುತ ಸೌತ್ ಫ್ಲೋರಿಡಾದಲ್ಲಿ ಫ್ರೊಫೆಸರ್ ಆಗಿರುವ ಯೋಗಿ ಅವರು 20 ವರ್ಷಗಳ ಹಿಂದೆ ಅಸ್ತಮಾದಿಂದ ಬಳಲುತ್ತಿದ್ದ ತನ್ನ ಮಗನ ಸ್ಥಿತಿಯನ್ನು ನೋಡಲಾಗದೆ ಏರ್ ಪ್ಯೂರಿಫಯರ್‌ಗಳ ಬಗ್ಗೆ ಸಂಶೋಧನೆ ಆರಂಭಿಸಿದರು. ಆಗ ಅವರಿಗೆ ಯಾವುದೇ ಪ್ರಸ್ತುತ ಏರ್ ಪ್ಯೂರಿಫಯರ್‌ಗಳು ಕಳಪೆ ಒಳಾಂಗಣ ವಾಯುವನ್ನು ಸಂಪೂರ್ಣ ಶುದ್ಧೀಕರಿಸಲಾರದು ಎಂಬ ಸತ್ಯ ತಿಳಿಯಿತು.
ಇದೀಗ 20 ವರ್ಷಗಳ ಬಳಿಕ ಅವರು ಮಾಲಿನ್ಯಕಾರಕಗಳನ್ನು ಸಂಪೂರ್ಣ ನಾಶ ಮಾಡುವ ಏರ್‌ಪ್ಯೂರಿಫಯರನ್ನು ಕುಟುಂಬದ ನೆರವಿನೊಂದಿಗೆ ಅಭಿವೃದ್ಧಿಪಡಿಸಿದ್ದಾರೆ. ‘ಮೋಲೆಕುಲೆ’ ಸಣ್ಣ ಮಾಲಿನ್ಯಕಾರಕವನ್ನೂ ನಾಶ ಮಾಡಿ ಉಸಿರಾಡಲು ಶುದ್ಧ ಗಾಳಿಯನ್ನು ಒದಗಿಸುವ ಸಾಮರ್ಥ್ಯವನ್ನು ಹೊಂದಿದೆ. ಶುದ್ಧೀಕರಣ ಪ್ರಕ್ರಿಯೆಯಲ್ಲಿ ಎಲ್ಲಾ ತರಹದ ಬ್ಯಾಕ್ಟೀರಿಯಾ, ಮೋಲ್ಡಾ, ವೈರಸ್‌ಗಳೂ ತೊಲಗುತ್ತವೆ.
ಮೋಲೆಕುಲೆ ಅಸ್ತಮಾದಂತಹ ರೋಗಿಗಳಿಗೆ ಉತ್ತಮವಾಗಿ ಉಸಿರಾಡಲು ಸಹಾಯ ಮಾಡುತ್ತದೆ. ಈಗಿನ ಮಾಲಿನ್ಯಗೊಂಡ ಪರಿಸರಕ್ಕೆ ಇದು ಹೇಳಿ ಮಾಡಿಸಿದಂತಿದೆ.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
