ಶಾರದಾ ವಿದ್ಯಾಲಯ ವಿದ್ಯಾರ್ಥಿಗಳಿಗೆ ಆಧುನಿಕ ನೇಜಿ ನಾಟಿ ಪದ್ದತಿಯ ಪರಿಚಯ

ಮಂಗಳೂರು : ಆಧುನಿಕ ಜಗತ್ತಿನಲ್ಲಿ ಹುಟ್ಟಿ ಬೆಳೆದ ಮಕ್ಕಳಿಗೆ ನಮ್ಮ ಭಾರತೀಯ ಕೃಷಿ ಪದ್ದತಿಯ ತಿಳುವಳಿಕೆ ಅತೀ ಕಡಿಮೆ. ಈ ನಿಟ್ಟಿನಲ್ಲಿ ಮಕ್ಕಳಲ್ಲಿ ಕೃಷಿಯ ಬಗ್ಗೆ ಆಸಕ್ತಿ ಬೆಳೆಸುವ ನಿಟ್ಟಿನಲ್ಲಿ ಶಾರದಾ ವಿದ್ಯಾಲಯ, ಮಂಗಳೂರು. ಇಲ್ಲಿನ ವಿದ್ಯಾರ್ಥಿಗಳು ಪ್ರಾಂಶುಪಾಲೆ ಶ್ರೀಮತಿ ಸುನೀತಾ ವಿ ಮಡಿ ಹಾಗೂ ಉಪಪ್ರಾಂಶುಪಾಲರಾದ ಶ್ರೀ ದಯಾನಂದ ಕಟೀಲು ಇವರ ಮಾರ್ಗದರ್ಶನದಲ್ಲಿ ಹಾಗೂ ಶ್ರೀ ಪತಂಜಲಿ ಯೋಗ ಶಿಕ್ಷಣ ಸಮಿತಿ (ರಿ) ಕರ್ನಾಟಕ ಮಂಗಳೂರು ವಲಯ ಇವರ ಸಹಭಾಗಿತ್ವದಲ್ಲಿ ಕುಂಜತ್ತಬೈಲು ಗ್ರಾಮದ ಎರ್ಮೆಜಾಲು ಗುತ್ತು ಇಲ್ಲಿನ ಶ್ರೀ ಪ್ರಮೋದ್ ರೈ ಇವರ ಗದ್ದೆಗೆ ನೇಜಿ ಮಾಡುವ ಪ್ರಾತ್ಯಕ್ಷಿಕೆ ವೀಕ್ಷಿಸಲು ಇತ್ತೀಚೆಗೆ ತೆರಳಿದ್ದರು.

ತುಂತುರು ಮಳೆಯ ಹಿತವಾದ ವಾತಾವರಣದಲ್ಲಿ ಮಕ್ಕಳು ಗದ್ದೆಯ ಕೆಸರಿನಲ್ಲಿ ಇಳಿದು ಯಂತ್ರ ಮುಖೇನ ನೇಜಿ ನಾಟಿ ಮಾಡುವ ಪದ್ದತಿಯನ್ನು ವೀಕ್ಷಿಸಿ ಸಂಭ್ರಮಿಸಿದರು. ಸುರತ್ಕಲ್ ರೈತ ಕೇಂದ್ರದ ಕೃಷಿ ಅಧಿಕಾರಿ ಶ್ರೀ. ಅಬ್ದುಲ್ ರಶೀದ್ ಈ ಸಂಧರ್ಭ ಮಾತನಾಡಿ ಇಂದಿನ ಯುಗದಲ್ಲಿ ಕೃಷಿ ಕಡಿಮೆಯಾಗುತ್ತಿರುವ ದಿನಗಳಲ್ಲಿ ನಗರ ಪ್ರದೇಶದ ಶಾಲೆಯ ವಿದ್ಯಾರ್ಥಿಗಳು ನಾಟಿಯಲ್ಲಿ ಭಾಗವಹಿಸುದು ಹೆಮ್ಮೆ ತರುತ್ತದೆ. ಆಧುನಿಕ ಯಂತ್ರಗಳಿಂದ ಕೃಷಿ ಮಾಡುವುದನ್ನು ನೋಡುವುದರಿಂದ ಮಕ್ಕಳಲ್ಲಿ ಕೃಷಿಯ ಬಗ್ಗೆ ಒಲವು ಹೆಚ್ಚಿ ಕೃಷಿಯನ್ನು ಪ್ರೀತಿಸುವಂತೆ ಪ್ರೇರೇಪಿಸುವ ಕೆಲಸಗಳು ಹೆಚ್ಚು ಹೆಚ್ಚು ಆಗಬೇಕು ಹಾಗೂ ಈ ನಿಟ್ಟಿನಲ್ಲಿ ಶಾರದಾ ವಿದ್ಯಾಲಯದ ಆಡಳಿತ ಮಂಡಳಿಯವರ ಇಂತಹ ಕೆಲಸಗಳು ಸ್ತುತ್ಯರ್ಹ ಎಂದು ಹೇಳಿದರು. ಸಹಾಯಕ ಕೃಷಿ ನಿರ್ದೇಶಕ ಶ್ರೀ ಮುನಿಯೇ ಗೌಡ ಉಪಸ್ಥಿತರಿದ್ದರು.

ಎರ್ಮೆಜಾಲುಗುತ್ತಿನ ಶ್ರೀ. ಪ್ರಮೋದ್ ಇವರು ಮಕ್ಕಳಿಗೆ ಧನ್ಯವಾದ ತಿಳಿಸಿದರು. ಶಾರದಾ ವಿದ್ಯಾಲಯದ ಶಿಕ್ಷಕಿಯರಾದಂತಹ ಶ್ರೀಮತಿ ಚಂದ್ರಿಕಾ, ಶ್ರೀಮತಿ ಮಂಗಳಾ, ಶ್ರೀಮತಿ ಉಷಾ ಭಕ್ತಾ, ಶ್ರೀಮತಿ ಮಲ್ಲಿಕಾ ಹಾಗೂ ಶ್ರೀಮತಿ ವಿನ್ಸಿ ತೋಮಸ್ ಈ ಕಾರ್ಯಕ್ರಮಕ್ಕೆ ಸಹಕಾರವಿತ್ತರು.