ನಮ್ಮ ಸುತ್ತಮುತ್ತ ನಡೆಯುವ ಕೆಲವೊಂದು ಉತ್ತಮ ಘಟನೆಗಳು ಈ ಜಗತ್ತಲ್ಲಿ ಬರೀ ಕೆಟ್ಟದ್ದೆ ತುಂಬಿದೆ ಎಂಬ ನಮ್ಮ ಮನೋಭಾವವನ್ನು ಬದಲಾಯಿಸುವಂತೆ ಮಾಡುತ್ತದೆ. ಅಪರಿಚಿತರಾದವರು ತೋರಿಸುವ ಪ್ರಾಮಾಣಿಕತೆ, ಪ್ರೀತಿ, ವಾತ್ಸಾಲ್ಯಗಳು ನಮಗೆ ಒಳ್ಳೆಯದರ ಅರಿವು ಮೂಡುವಂತೆ ಮಾಡುತ್ತದೆ. ಮಾನವೀಯತೆ ಇನ್ನೂ ಜೀವಂತವಾಗಿದೆ ಎಂಬುದನ್ನು ತೋರಿಸಿಕೊಡುತ್ತವೆ.
ಲಕ್ಷ್ಮಣ್ ಕಂಧರೆ ಎಂಬ ಕಸ ಸಂಗ್ರಹಿಸುವ ಕಾರ್ಯ ಮಾಡುವ ವ್ಯಕ್ತಿ ತನ್ನ ಪ್ರಾಮಾಣಿಕತೆಯಿಂದಾಗಿ ಇಂದು ಎಲ್ಲರ ಮೆಚ್ಚುಗೆ ಗಳಿಸುತ್ತಿದ್ದಾರೆ.
ಪುಣೆಯ ಸ್ವಚ್ಛ ಸೇವಾ ಸಹಕಾರಿ ಸಂಸ್ಥಾ ಮರ್ಯಾದಿತ್‌ನಡಿ ಘನ ತ್ಯಾಜ್ಯ ಸಂಗ್ರಹಿಸುವ ಕಾರ್ಯ ಮಾಡುವ ಲಕ್ಷ್ಮಣ್ ಅವರಿಗೆ ಕಸದ ರಾಶಿಯಲ್ಲಿ ಒಂದು ಲ್ಯಾಪ್‌ಟಾಪ್ ಇದ್ದ ಬ್ಯಾಗ್ ಸಿಕ್ಕಿದೆ. ಬಯಸಿದ್ದರೆ ಅದನ್ನು ಮಾರಿ ಅವರಿಗೆ ಹಣ ಪಡೆಯಬಹುದಿತ್ತು. ಅವರು ಹಾಗೆ ಮಾಡಲಿಲ್ಲ, ಬದಲಾಗಿ ಅದನ್ನು ಅದರ ನಿಜವಾದ ಮಾಲೀಕನ ಕೈಗೆ ಒಪ್ಪಿಸಿ ನೆಮ್ಮದಿಯ ಉಸಿರು ಬಿಟ್ಟಿದ್ದಾರೆ.
ಲ್ಯಾಪ್‌ಟಾಪ್ ಬಗ್ಗೆ ಸುತ್ತಮುತ್ತಲ ಜನರ ಬಳಿ ವಿಚಾರಿಸಿದಾದರೂ ಅದರಿಂದ ಯಾವುದೇ ಪ್ರಯೋಜನವಾಗಿಲ್ಲ. ಕೊನೆಗೆ ತನ್ನ ಸಂಸ್ಥೆಯ ಮುಖ್ಯಸ್ಥ ಗಜಾನನ್ ವಾಡುಲ್ಕರ್ ಬಳಿಗೆ ಬಂದು ಅವರು ವಿಷಯ ತಿಳಿಸಿದ್ದಾರೆ.
ನಂಬರ್, ಅಡ್ರೆಸ್ ಇಲ್ಲದೆ ವ್ಯಕ್ತಿಯನ್ನು ಹುಡುಕುವುದು ಕಷ್ಟವಾದರೂ ಇವರು ಕಷ್ಟಪಟ್ಟು ಎಲ್ಲ ಕಡೆ ವಿಚಾರಿಸಿ ಕೊನೆಗೂ ಲ್ಯಾಪ್‌ಟಾಪ್ ಮಾಲೀಕನನ್ನು ಪತ್ತೆ ಮಾಡುವಲ್ಲಿ ಯಶಸ್ವಿಯಾಗಿದ್ದಾರೆ. ಇದೀಗ ವಾಡುಲ್ಕರ್, ಲಕ್ಷ್ಮಣ್ ಇಬ್ಬರ ಕಾರ್ಯಕ್ಕೂ ಪ್ರಶಂಸೆಗಳು ಹರಿದು ಬರುತ್ತಿವೆ.
ಇವರ ಸ್ವಚ್ಛ ಸಂಸ್ಥೆ ದೇಶದ ಮೊದಲ ಸ್ವಉದ್ಯೋಗ ತ್ಯಾಜ್ಯ ಸಂಗ್ರಹ ಸಹಕಾರಿ ಸಂಸ್ಥೆಯಾಗಿದೆ.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
