ಛತ್ತೀಸ್‌ಗಢ ದಂತೇವಾಡದ ಕಿರಂದುಲ್ ಗ್ರಾಮದ ಬುಡಕಟ್ಟು ವಿದ್ಯಾರ್ಥಿ ವಾಮನ್ ಮಾಂಡವಿ ಅವರು ಐಐಟಿ ಪ್ರಿಪರೇಟರಿ ಕೋರ್ಸಿನ ಮೈನ್ ಎಕ್ಸಾಂನಲ್ಲಿ ಮೊದಲ ರ‍್ಯಾಂಕ್ ಪಡೆದು ಇದೀಗ ದೇಶದ ಅತೀ ಪ್ರತಿಷ್ಠಿತ ಇಂಡಿಯನ್ ಇನ್‌ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ(ಐಐಟಿ)ಯಲ್ಲಿ ಸೀಟು ಗಿಟ್ಟಿಸಿಕೊಂಡಿದ್ದಾರೆ.
ತನ್ನ ಗ್ರಾಮದ ಸರ್ಕಾರಿ ಶಾಲೆಯಲ್ಲಿ ವ್ಯಾಸಂಗ ಮಾಡಿದ್ದ ಇವರು, ಹೈಸ್ಕೂಲ್‌ನಲ್ಲಿ ಶೇ.72ರಷ್ಟು ಮತ್ತು ಮಾಧ್ಯಮಿಕ ಶಾಲೆಯಲ್ಲಿ ಶೇ.76ರಷ್ಟು ಪಡೆದಿದ್ದರು.
ಹುಟ್ಟಿದ 10 ತಿಂಗಳಲ್ಲೇ ತಂದೆಯನ್ನು ಕಳೆದುಕೊಂಡ ವಾಮನ್‌ನನ್ನು ತಾಯಿ ಮಂಗ್ಲಿ ಮಂದೇವಿ ಅವರು ಕಟ್ಟಿಗೆ ಮಾರಿ ಸಾಕಿದರು. ಆತನನ್ನು ಓದಿಸಿ ದೊಡ್ಡ ವ್ಯಕ್ತಿ ಮಾಡಬೇಕು ಎಂಬುದೇ ಅವರ ದೊಡ್ಡ ಕನಸಾಗಿತ್ತು. ಅವರ ಸಮುದಾಯದ ಇತರ ಮಕ್ಕಳು ದನ ಕಾಯುತ್ತಾ, ಉತ್ಪನ್ನಗಳನ್ನು ಸಾಗಿಸುತ್ತಾ ಬದುಕುತ್ತಿದ್ದರೆ ಆಕೆ ಮಾತ್ರ ತನ್ನ ಮಗನನ್ನು ಶಿಸ್ತುಬದ್ಧವಾಗಿ ಶಾಲೆಗೆ ಕಳುಹಿಸಿದರು.
ಅವರ ಶ್ರಮದ ಫಲವಾಗಿ ಇಂದು ಅವರ ಮಗ ಐಐಟಿಯಲ್ಲಿ ಸೀಟು ಪಡೆದುಕೊಂಡಿದ್ದಾನೆ. ಸರ್ಕಾರ ಉಚಿತ ಶಿಕ್ಷಣ ಯೋಜನೆ ಕೂಡ ನನ್ನ ಮಗನ ವಿದ್ಯಾಭ್ಯಾಸಕ್ಕೆ ಸಹಾಯ ಮಾಡಿತು ಎಂದು ಮಂದೇವಿ ಹೇಳುತ್ತಾರೆ.
ಇನ್ನೊಂದೆಡೆ ತನ್ನ ಯಶಸ್ಸಿನ ಸಂಪೂರ್ಣ ಜವಾಬ್ದಾರಿಯನ್ನು ವಾಮನ್ ತನ್ನ ತಾಯಿಗೆ ನೀಡುತ್ತಾರೆ.
ನಾನು ನನ್ನ ತಾಯಿಯ ಕನಸನ್ನು ಪೂರೈಸುತ್ತಿದ್ದೇನೆ. ಹಲವಾರು ತೊಂದರೆಗಳೊಂದಿಗೆ ಆಕೆ ನನ್ನನ್ನು ಬೆಳೆಸಿದ್ದಾರೆ. ಕೇವಲ ಅವರಿಗಾಗಿ ನಾನು ಎಂಜಿನಿಯರ್ ಆಗ ಬಯಸುತ್ತೇನೆ ಎಂದು ವಾಮನ್ ಭಾವುಕರಾಗಿ ನುಡಿಯುತ್ತಾರೆ.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
