ಸಮಾಜದ ಸಮಸ್ಯೆಗಳಿಗೆ ಸದ್ದಿಲ್ಲದೆ ಸ್ಪಂದಿಸುತ್ತಾ ಸಾಮಾನ್ಯರಲ್ಲಿ ಸಾಮಾನ್ಯರು ಎನಿಸುವ ಅದೆಷ್ಟೋ ಅಸಮಾನ್ಯ ಸಮಾಜ ಸೇವಕರು ನಮ್ಮಲ್ಲಿದ್ದಾರೆ. ಅವರು ತಮ್ಮ ಸೇವೆಗೆ ಪ್ರಚಾರ ಪಡೆದುಕೊಳ್ಳುವುದಿಲ್ಲ, ಪ್ರಚಾರ ಪಡೆಯುವ ಇಚ್ಛೆಯೂ ಅವರಿಗಿರುವುದಿಲ್ಲ. ಮೌನವಾಗಿ ಜನರಿಗೆ ಸೇವೆ ಸಲ್ಲಿಸುತ್ತಾ ಜೀವನದಲ್ಲಿ ಸಾರ್ಥಕತೆಯನ್ನು ಇವರು ಕಂಡುಕೊಳ್ಳುತ್ತಾರೆ.
ಗ್ವಾಲಿಯರ್‌ನ ದಾದ್ರ ರೈಲ್ವೆ ನಿಲ್ದಾಣದಲ್ಲೊಬ್ಬ ವ್ಯಕ್ತಿಯಿದ್ದಾರೆ. ರೈಲು ನಿಂತೊಡನೆ ಉಚಿತ ನೀರು, ಉಚಿತ ನೀರು ಎಂದು ಕೂಗುತ್ತಾ ಬಾಯಾರಿದವರಿಗೆ ನೀರು ಕೊಡುತ್ತಾರೆ. ಬಿಸಿಲ ತಾಪದಿಂದ ಕಂಗೆಟ್ಟ ಜನ ನೀರು ಕುಡಿದು ತಣ್ಣಗಿರಲಿ ಎಂಬ ಉದ್ದೇಶದಿಂದ ನೀರನ್ನು ಕೊಡುತ್ತಾರೆ.
ಇವರ ಸೇವೆಯನ್ನು ಕಣ್ಣಾರೆ ಕಂಡ ಪ್ರಯಾಣಿಕರೊಬ್ಬರು ಅವರ ಸೇವೆಯ ಬಗ್ಗೆ ಫೇಸ್‌ಬುಕ್‌ನಲ್ಲಿ ಹಾಕಿದ್ದಾರೆ. ಆದರೆ ಆ ವ್ಯಕ್ತಿ ಯಾರು, ಅವರಲ್ಲಿ ಸೇವೆ ಮಾಡಲು ಸ್ಫೂರ್ತಿ ಇತ್ಯಾದಿ ಯಾವ ಅಂಶಗಳೂ ಬಹಿರಂಗಗೊಂಡಿಲ್ಲ.
ಜನರಿಗೆ ಸೆವೆ ಮಾಡಲೆಂದೇ ಹುಟ್ಟಿಕೊಂಡ ಗುಂಪೊಂದು ಈ ಸ್ಟೇಶನ್‌ನಲ್ಲಿ ದಿನಕ್ಕೆ ಎರಡು ಬಾರಿ ಉಚಿತ ಊಟವನ್ನೂ ನೀಡುತ್ತದೆ. ಬಡ ಬಗ್ಗರು, ದೂರದಿಂದ ಬಂದ ಪ್ರಯಾಣಿಕರು ಇಲ್ಲಿ ಹೊಟ್ಟೆ ತುಂಬ ಊಟ ಮಾಡಿ ಹೋಗುತ್ತಾರೆ. ಆ ಗುಂಪಿನ ಒರ್ವ ಸದಸ್ಯ ಇವರು ಎನ್ನಲಾಗಿದೆ.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
