ಬಸ್‌ಸ್ಟಾಪ್‌ನಲ್ಲಿ ನಿಲ್ಲುವುದಕ್ಕಾಗಿ ಒಂದು ತಂಗುದಾಣವನ್ನು ನಿರ್ಮಿಸಿ ಎಂದು ಅಧಿಕಾರಿಗಳ ಕೈಕಾಲು ಹಿಡಿದು ಸುಸ್ತಾಗಿದ್ದ ಹೈದರಾಬಾದ್ ಸಮೀಪದ ಉಪ್ಪಲ ನಿವಾಸಿಗಳ ಸಹಾಯಕ್ಕೆಂದು ಆಗಮಿಸಿದ ಸ್ಥಳಿಯ ಸಂಸ್ಥೆಯೊಂದು 1000 ವೇಸ್ಟ್ ಪ್ಲಾಸ್ಟಿಕ್ ಬಾಟಲಿಗಳನ್ನು ಬಳಸಿ ಒಂದು ಉತ್ತಮ ತಂಗುದಾಣವನ್ನು ನಿರ್ಮಿಸಿದೆ.
‘ಬ್ಯಾಂಬೋ ಹೌಸ್ ಇಂಡಿಯಾ’ ಎಂಬ ಹೈದರಾಬಾದ್ ಮೂಲದ ಸಂಸ್ಥೆಯೊಂದು ‘ರಿಸೈಕಲ್ ಇಂಡಿಯಾ’ ಅಭಿಯಾನದಡಿ ಕೇವಲ 15 ದಿನಗಳಲ್ಲಿ ತಂಗುದಾಣವನ್ನು ನಿರ್ಮಿಸಿದೆ.
ಒಂದು ಲೀಟರ್‌ನ ಒಂದು ಬಾಟಲಿಗೆ 1.40 ಪೈಸೆಯಂತೆ ಸಾವಿರ ಬಾಟಲಿಗಳನ್ನು ಖರೀದಿಸಿದ ಸಂಸ್ಥೆ, ಅದನ್ನು ಡ್ರಿಲ್ ಮಾಡಿ ಒಂದಕ್ಕೊಂದರಂತೆ ಕಟ್ಟಿ ಅದರಿಂದ ತಾತ್ಕಲಿಕವಾಗಿ ತಂಗುದಾಣವನ್ನು ನಿರ್ಮಿಸಿದೆ. ಮಾತ್ರವಲ್ಲ ಬಿಸಿಲ ಪ್ರತಾಪಕ್ಕೆ ಬಾಟಲಿಗಳು ಮೆಲ್ಟ್ ಆಗಿದೆಯೇ ಎಂದು ದಿನನಿತ್ಯ ಬಂದು ಇದನ್ನು ಪರೀಕ್ಷೆ ನಡೆಸುತ್ತಿದೆ.
ತಾತ್ಕಲಿಕವಾಗಿ ಇದನ್ನು ನಿರ್ಮಿಸಲಾಗಿದೆ. ಮಳೆಗಾಲದಲ್ಲೂ ಇದು ಸ್ಥಿರವಾಗಿರುತ್ತದೆಯೇ ಎಂಬುದನ್ನು ತಿಳಿಯುವ ಕುತೂಹಲ ಈ ಸಂಸ್ಥೆಗಿದೆ. ಇದೀಗ ಅಧಿಕಾರಿಗಳು ಈ ಸಂಸ್ಥೆಯ ಬಳಿ ಹಲವಾರು ಯೋಜನೆಗಳಿಗೆ ಸಹಾಯ ಮಾಡುವಂತೆ ಕೇಳಿಕೊಂಡಿದ್ದಾರೆ.
‘ಬ್ಯಾಂಬೋ ಹೌಸ್ ಇಂಡಿಯಾ’ ಪರಿಸರ ಸ್ನೇಹಿಯಾದ ಬಿದಿರಿನ ಮೂಲಕ ಹಲವಾರು ವಸ್ತುಗಳನ್ನು ತಯಾರು ಮಾಡುತ್ತದೆ.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
