ನವದೆಹಲಿ: ವಿಶ್ವದಲ್ಲೇ ವಾಸಿಸಲು ಅತಿ ಅಗ್ಗದ 10 ನಗರಗಳ ಪೈಕಿ ಭಾರತದ 4 ನಗರಗಳು ಸೇರಿವೆ. ಅದರೆ ಸಿಂಗಾಪುರ ಸತತ ನಾಲ್ಕನೇ ಬಾರಿ ಅತ್ಯಂತ ದುಬಾರಿ ನಗರ ಎಂಬ ಶ್ರೇಯಾಂಕ ಪಡೆದಿದೆ.
ಎಕಾನಮಿಸ್ಟ್ ಇಂಟೆಲಿಜೆನ್ಸ್ ಯೂನಿಟ್ (ಇಐಯು) ಪ್ರಕಾರ, ವಿಶ್ವದ ಅತಿ ಅಗ್ಗದ ನಗರಗಳಲ್ಲಿ ಬೆಂಗಳೂರು 3ನೇ, ಚೆನ್ನೈ 6ನೇ, ಮುಂಬಯಿ 7ನೇ ಹಾಗೂ ದೆಹಲಿ 10ನೇ ಸ್ಥಾನ ಪಡೆದಿವೆ.
ಅಲ್ಮಾಟಿ ವಿಶ್ವದಲ್ಲೇ ಅತ್ಯಂತ ಅಗ್ಗದ ನಗರ ಎಂಬ ಶ್ರೇಯಾಂಕ ಪಡೆದಿದ್ದು, ಲಾಗೋಸ್ ನಂತರದ ಸ್ಥಾನದಲ್ಲಿದೆ. ಇನ್ನುಳಿದಂತೆ ಕರಾಚಿ 4ನೇ, ಆಲ್ಜಿಯರ್ಸ್ 5ನೇ, ಕೀವ್ 8ನೇ ಹಾಗೂಬುಖಾರೆಸ್ಟ್ 9ನೇ ಸ್ಥಾನದಲ್ಲಿವೆ.
ಇಐಯು ವಿಶ್ವದಾದ್ಯಂತ ಜೀವನೋಪಾಯ ಖರ್ಚುಗಳ ಶ್ರೇಣಿ 2017 ವರದಿ ವಿಶ್ಚದ ಅತ್ಯಂತ ದುಬಾರಿ ಮತ್ತು ಅಗ್ಗದ ನಗರಗಳ ವರದಿ ಸಲ್ಲಿಸುತ್ತದೆ.
ಸಿಂಗಾಪುರ ನಾಲ್ಕನೇ ಬಾರಿ ವಿಶ್ವದ ಅತ್ಯಂತ ದುಬಾರಿ ನಗರ ಶ್ರೇಣಿ ಪಡೆದಿದ್ದು, ಹಾಂಗ್ಕಾಂಗ್ 2ನೇ ಹಾಗೂ ಝ್ಯೂರಿಚ್ 3ನೇ ಸ್ಥಾನದಲ್ಲಿವೆ. ಟೋಕಿಯೋ (4), ಒಸಾಕಾ (5), ಸಿಯೋಲ್ (6), ಜಿನೇವಾ (7), ಪ್ಯಾರಿಸ್ (8), ನ್ಯೂಯಾರ್ಕ್ (9) ಹಾಗೂ ಕೋಪನ್ಹ್ಯಾಜನ್ (10) ಅತ್ಯಂತ ದುಬಾರಿ ನಗರಗಳಾಗಿವೆ.
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.