ಧಾರವಾಡ: ರಾಜ್ಯ ಒಲಿಂಪಿಕ್ ಕ್ರೀಡಾಕೂಟದ ಹಾಕಿ ಪಂದ್ಯದ 4 ನೇ ದಿನವಾದ ಸೋಮವಾರ ಬಿ ಗುಂಪಿನ ಕೊನೆಯ ಲೀಗ್ ಪಂದ್ಯದಲ್ಲಿ ಅತಿಥೇಯ ಹುಬ್ಬಳ್ಳಿ-ಧಾರವಾಡ ತಂಡವು ಹಾಸನ ತಂಡವನ್ನು 4-0 ಗೋಲುಗಳನ್ನು ಗಳಿಸುವ ಮೂಲಕ ಇಂದು ನಡೆಯುವ ಮೊದಲನೇ ಸೆಮಿಪೈನಲ್ ಪಂದ್ಯಕ್ಕೆ ಲಗ್ಗೆ ಇಟ್ಟಿತು. ತೀವ್ರ ಪೈಪೊಟಿಯಿಂದ ಕೂಡಿದ ಪಂದ್ಯದಲ್ಲಿ ಹಾಸನ ತಂಡವನ್ನು ಮಣಿಸಿತು.
ಹುಬ್ಬಳ್ಳಿ-ಧಾರವಾಡ ತಂಡದ ಪರ ವಿನಾಯಕ-1 , ಶ್ರೀಶೈಲ-2 ಅಂತಿಮವಾಗಿ ಆಂಜನೇಯ-1 ಗೋಲು ಗಳಿಸುವ ಮೂಲಕ ಜಯದಲ್ಲಿ ಪ್ರಮುಖರಾದರು. ಹಾಸನ ತಂಡವು ಯಾವುದೇ ಗೋಲು ಗಳಿಸದೇ ಸೋಲೊಪ್ಪಿಕೊಂಡಿತು.
ಭಾನುವಾರ ನಡೆದ ಪಂದ್ಯದಲ್ಲಿ ಅತಿಥೇಯ ತಂಡವು ಗದಗ ತಂಡದ ವಿರುದ್ಧ 2-1 ಅಂತರದಿಂದ ಜಯವನ್ನು ಕಂಡಿತ್ತು. ಇಂದು ನಡೆದ ಪಂದ್ಯದಲ್ಲಿ ಮತ್ತೊಂದು ಜಯವನ್ನು ಕಾಣುವ ಮೂಲಕ ಸೆಮಿಫೈನಲ್‌ಗೆ ಲಗ್ಗೆ ಇಟ್ಟಿತು. ಇದರಿಂದಾಗಿ ಇಂದು ನಡೆಯುವ ಮೊದಲ ಸೆಮಿಫೈನಲ್ ಪಂದ್ಯದಲ್ಲಿ ಎ ಗುಂಪಿನ ಆರ್.ಡಬ್ಲು.ಎಫ್ ಬೆಂಗಳೂರು ತಂಡವನ್ನು ಎದುರಿಸಲಿದೆ.
ಮಹಿಳಾ ಹಾಕಿ: ಬಳ್ಳಾರಿ ತಂಡ ಮೇಲುಗೈ
ಸೋಮವಾರ ಬಳ್ಳಾರಿ ಹಾಗೂ ಬೆಳಗಾವಿ ಮಹಿಳಾ ತಂಡಗಳು ಮುಖಾಮುಖಿಯಾದವು. ಬಳ್ಳಾರಿ ತಂಡವು ಬೆಳಗಾವಿ ತಂಡವನ್ನು ದಿಟ್ಟವಾಗಿ ಎದುರಿಸಿ 3-0 ಗೋಲುಗಳ ಅಂತರದಿಂದ ಬೆಳಗಾವಿ ತಂಡವನ್ನು ಸುಲಭವಾಗಿ ಮಣಿಸಿತು.
ಬಳ್ಳಾರಿ ತಂಡದ ಪರ ತೇಜಸ್ವಿನಿ ಸಿ-2 ಗೋಲು (5ನೇ ನಿಮಿಷ ಮತ್ತು 27 ನೇ ನಿಮಿಷ) ಹಾಗೂ ಶೃತಿ ಪಿ-1 (28ನೇ ನಿಮಿಷ) ತಂಡದ ಜಯಕ್ಕೆ ಕಾರಣರಾದರು. ನಂತರ ನಡೆದ 2ನೇ ಪಂದ್ಯದಲ್ಲಿ ಹಾಸನ ತಂಡವು ಅತಿಥೇಯ ಹುಬ್ಬಳ್ಳಿ-ಧಾರವಾಡ ತಂಡದ ವಿರುದ್ಧ 7-0 ಗೋಲುಗಳ ಅಂತರದಿಂದ ಭರ್ಜರಿ ಜಯ ಕಂಡಿತು. ಹಾಸನ ತಂಡದ ಪರ ರಂಜಿತಾ-1 (8ನೇ ನಿಮಿಷ), ಸುಷ್ಮಾ-2 (12 ಮತ್ತು 36ನೇ ನಿಮಿಷ), ಚಂದನಾ-2 (23 ಮತ್ತು 42ನೇ ನಿಮಿಷ), ದೇವಿ-1 (53 ನೇ ನಿಮಿಷ), ಅವಿನಶ್ರೀ-1 (46ನೇ ನಿಮಿಷ) ಗೆಲುವಿನಲ್ಲಿ ಪ್ರಮುಖ ಪಾತ್ರ ವಹಿಸಿದರು.
News13
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
