ನವದೆಹಲಿ: ಭಾರತೀಯ ಕುಸ್ತಿಪಟುಗಳು ಸಿಂಗಾಪುರದಲ್ಲಿ ನಡೆದ ಕಾಮನ್‌ವೆಲ್ತ್ ವ್ರೆಸ್ಲಿಂಗ್ ಚಾಂಪಿಯನ್‌ಶಿಪ್‌ನಲ್ಲಿ 8 ಚಿನ್ನ ಮತ್ತು 8 ಬೆಳ್ಳಿ ಪದಕ ಗೆದ್ದುಕೊಂಡಿದ್ದಾರೆ.
ರಿಯೋ ಒಲಿಂಪಿಕ್ ವಿಜೇತ ಸಂದೀಪ್ ತೋಮರ್, ಅಮಿತ್ ಧಾನ್‌ಕರ್ ಹಾಗೂ ಸತ್ಯವರ್ತ ಕಾಡಿಯಾನ್ ಅವರು ಫ್ರೀಸ್ಟೈಲ್‌ನಲ್ಲಿ ಚಿನ್ನದ ಪದಕ ಗೆದ್ದುಕೊಂಡಿದ್ದಾರೆ.
ಸಂದೀಪ್ ಅವರು 57 ಕೆಜಿ ಫ್ರೀಸ್ಟೈಲ್ ವಿಭಾಗದಲ್ಲಿ ಪಾಕಿಸ್ಥಾನದ ಮೊಹಮ್ಮದ್ ಬಿಲಾಲ್ ಅವರನ್ನು 6-0 ಅಂತರದಿಂದ ಸೋಲಿಸಿದ್ದಾರೆ. ಅಮಿತ್ ಧಾನ್‌ಕರ್ 70 ಕೆಜಿ ವಿಭಾಗದಲ್ಲಿ ಚಿನ್ನದ ಪದಕ ಜಯಿಸಿದ್ದಾರೆ. ಸತ್ಯವರ್ತ 97 ಕೆಜಿ ವಿಭಾಗದಲ್ಲಿ ಚಿನ್ನದ ಪದಕ ತನ್ನದಾಗಿಸಿಕೊಂಡಿದ್ದಾರೆ.
ಮಹಿಳೆಯರ ವಿಭಾಗದಲ್ಲಿ ರೀತು ಪೋಗಟ್ 48 ಕೆಜಿ ವಿಭಾಗದಲ್ಲಿ ಚಿನ್ನದ ಪದಕ ಜಯಿಸಿದರೆ, ರೇಶ್ಮಾ ಮಾನೆ 63 ಕೆಜಿ ವಿಭಾಗದಲ್ಲಿ, ಲಲಿತಾ ಹಾಗೂ ಪಿಂಕಿ 55 ಹಾಗೂ 69 ಕೆಜಿ ವಿಭಾಗದಲ್ಲಿ ಚಿನ್ನ ಗೆದ್ದುಕೊಂಡಿದ್ದಾರೆ.
ಪುರುಷರ ಫ್ರೀಸ್ಟೈಲ್: ಸಂದೀಪ್ ತೋಮರ್ (ಚಿನ್ನ), ಅಮಿತ್ ಧಾನಕರ್ (ಚಿನ್ನ), ಸತ್ಯವರ್ತ (ಚಿನ್ನ), ವಿನೋದ್ (ಬೆಳ್ಳಿ), ರೌಬಲ್‌ಜೋತ್ (ಬೆಳ್ಳಿ).
ಮಹಿಳೆಯರ ವಿಭಾಗ: ರೀತು ಪೋಗಟ್ (ಚಿನ್ನ), ಲಲಿತಾ (ಚಿನ್ನ), ಮನ್ನು (ಚಿನ್ನ), ರೇಶ್ಮಾ (ಚಿನ್ನ), ಪಿಂಕಿ (ಚಿನ್ನ), ಪ್ರಿಯಂಕಾ (ಬೆಳ್ಳಿ), ದಿಯಾಂಶಿ (ಬೆಳ್ಳಿ), ಸೋಮಾಲಿ (ಬೆಳ್ಳಿ), ಸರಿತಾ (ಬೆಳ್ಳಿ), ಜ್ಯೋತಿ (ಬೆಳ್ಳಿ), ನಿಕ್ಕಿ (ಕಂಚು).
ಗ್ರೀಕೋ-ರೋಮನ್ ವಿಭಾಗದಲ್ಲಿ ಮನೀಶ್, ಗುರ್ಪ್ರೀತ್, ಹರ್ಪ್ರೀತ್, ಪ್ರಭ್‌ಪಾಲ್ ಮತ್ತು ನವೀನ್ ಚಿನ್ನದ ಪದಕ ಗೆದ್ದುಕೊಂಡರೆ ರವಿಂದರ್, ದಿನೇಶ್, ರವಿಂದ್ರ ಖಾತ್ರಿ, ಯಶ್‌ಪಾಲ್ ಹಾಗೂ ಮನ್ವೀರ್ ಬೆಳ್ಳಿ ಪದಕ ಗೆದ್ದುಕೊಂಡಿದ್ದಾರೆ.
News13
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
