ದುಬೈ: ಬೇಸಿಗೆ ಕಾಲದಲ್ಲೂ ಪ್ರವಾಸಿಗರನ್ನು ಆಕಷಿಸುವ ನಿಟ್ಟಿನಲ್ಲಿ ದುಬೈನಲ್ಲಿ ಈ ತಿಂಗಳಾಂತ್ಯದೊಳಗೆ ವಿಶ್ವದ ಅತೀ ದೊಡ್ಡ ಒಳಾಂಗಣ ಥೀಮ್ ಪಾರ್ಕ್ ತೆರೆಯಲಾಗುತ್ತಿದೆ.
ಎಂಜಿ ವರ್ಲ್ಡ್ ಆಫ್ ಅಡ್ವೆಂಚರ್‍ಸ್ 1,40,000 ಚದರ ಮೀಟರ್ (1.5 ಮಿಲಿಯನ್ ಚದರ ಅಡಿ) ವಿಸ್ತಾರದ ಸ್ಥಳದಲ್ಲಿ ಹವಾನಿಯಂತ್ರಿತ ಒಳಾಂಗಣ ಥೀಮ್ ಪಾರ್ಕ್ ನಿರ್ಮಿಸಲಿದ್ದು, ಇದು ಅನಿಮೇಟ್ರಾನಿಕ್ ಡೈನಾಸರ್, ರೋಲರ್ ಕೋಸ್ಟರ್, ಮಾರ್ವೆಲ್ ಸೂಪರ್ ಹೀರೋಸ್, ಕಾರ್ಟೂನ್ ನೆಟ್ವರ್ಕ್ ಪಾತ್ರಗಳನ್ನೊಳಗೊಂಡ ಮನೋರಂಜನಾ ಪಾರ್ಕ್ ಆಗಿರಲಿದೆ. ಇದರ ನಿರ್ಮಾಣ ವೆಚ್ಚ ಸುಮಾರು 1 ಬಿಲಿಯನ್ ಆಗಿರಲಿದೆ ಎಂದು ಮೂಲಗಳು ತಿಳಿಸಿವೆ.
ವಿಶ್ವದ ಪ್ರಮುಖ ಪ್ರವಾಸಿ ತಾಣಗಳಲೊಂದಾಗಿರುವ ದೂಬೈ ಈಗಾಗಲೇ ಜಗತ್ತಿನ ಅತೀ ದೊಡ್ಡ ಕಟ್ಟಡಗಳು, ಮಾಲ್‌ಗಳು, ಪ್ರವಾಸಿ ಸ್ಥಳಗಳನ್ನು ಹೊಂದಿದೆ.
ದುಬೈ ಒಂದು ಆಕರ್ಷಣೀಯ ಸ್ಥಳವಾಗಿದ್ದರೂ ಜೂನ್, ಜುಲೈ, ಆಗಸ್ಟ್ ತಿಂಗಳುಗಳಲ್ಲಿ ಪ್ರವಾಸಿಗರ ಕೊರತೆ ಅನುಭವಿಸುತ್ತಿದೆ. ನಾವು ಈ ಋತುವಿನಲ್ಲೂ ಪ್ರವಾಸಿಗರನ್ನು ಆಕರ್ಷಿಸುವ ಮೂಲಕ ವರ್ಷಪೂರ್ತಿ ಪ್ರವಾಸಿಗರು ಆಗಮಿಸುವ ತಾಣವಾಗಿಸುವ ಉದ್ದೇಶ ಹೊಂದಿದ್ದೇವೆ ಎಂದು ಪಾರ್ಕ್‌ನ ನಿರ್ಮಾಣ ಸಂಸ್ಥೆಯ ಸಿಇಒ ಲೆನ್ನಾರ್ಡ್ ಒಟ್ಟೋ ಹೇಳಿದ್ದಾರೆ.
ಯುನೈಟೆಡ್ ಅರಬ್ ಎಮಿರೇಟ್ಸ್ (ಯುಎಇ) ಜನರ ಜೀವನ ಗುಣಮಟ್ಟ ಸುಧಾರಣೆಗಾಗಿ ಕಳೆದ ಫೆಬ್ರವರಿಯಲ್ಲಿ ‘ಹ್ಯಾಪಿನೆಸ್ ಮಿನಿಸ್ಟ್ರಿ’ ರಚಿಸಿತ್ತು.
News13
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
