ಹೈದರಾಬಾದ್ : ಭಾರತ ಕಂಡ ಶ್ರೇಷ್ಠ ಟೆನ್ನಿಸ್ ಆಟಗಾರ್ತಿ ಸಾನಿಯಾ ಮಿರ್ಜಾ ಅವರ ಆತ್ಮಚರಿತ್ರೆ ‘Ace Against Odds’ ಎಂಬ ಪುಸ್ತಕವನ್ನು ಬಾಲಿವುಡ್ ನಟ ಶಾರುಖ್ ಖಾನ್ ಹೈದರಾಬಾದ್‌ನಲ್ಲಿ ಬಿಡುಗಡೆಗೊಳಿಸಿದರು.
ಈ ವೇಳೆ ಸಾನಿಯರನ್ನು ರ್ಯಾಕೆಟ್‌ನ ರಾಣಿ ಎಂದು ಬಣ್ಣಿಸಿದ ಶಾರುಖ್ ದೇಶವನ್ನು ಹೆಮ್ಮೆಪಡಿಸಲು ಅವರು ಮಾಡಿದ ಕಾರ್ಯ ಅಮೋಘ ಎಂದರು.
ನಮ್ಮ ಹೆಣ್ಣು ಮಕ್ಕಳು, ಮಹಿಳೆಯರಿಗೆ ನಮ್ಮ ನಾರಿಯರಿಗೆ ಹೆಚ್ಚು ಹೆಚ್ಚು ಗೌರವ, ಪ್ರೀತಿ ತೋರಿಸಿದಷ್ಟೂ ನಾವು ಸಾನಿಯರಂತಹ ಬಹಳಷ್ಟು ವಿಶ್ವದರ್ಜೆಯ ಸಾಧಕರನ್ನು ಕಾಣಲು ಸಾಧ್ಯ ಎಂದಿದ್ದಾರೆ.
ಮಹಿಳೆಯರಿಗಿಂತ ಹೆಚ್ಚಿನ ಸಾಧಕರು ಈ ವಿಶ್ವದಲ್ಲಿ ಇರಲು ಸಾಧ್ಯವಿಲ್ಲ. ಕ್ರೀಡೆಯನ್ನು ವೃತ್ತಿಯಾಗಿಸಿ ದೇಶವನ್ನು ಹೆಮ್ಮೆ ಪಡುವಂತೆ ಮಾಡಲು ಪಿ.ಟಿ. ಉಷಾ, ಮೇರಿ ಕೋಮ್, ಸಾನಿಯಾರಂತಹ ಅನೇಕ ಸಾಧಕಿಯರು ಹಲವರಿಗೆ ಪ್ರೇರಣೆ ನೀಡಿದ್ದಾರೆ ಎಂದರು.
ಮಹಿಳಾ ಡಬಲ್ಸ್‌ನಲ್ಲಿ ವಿಶ್ವ ನಂ. 1 ಆಗುವತ್ತ ಸಾನಿಯಾರ ಪ್ರಯಾಣ, ಆಕೆ ಎದುರಿಸಿದ ಸವಾಲು, ತೊಂದರೆಗಳು, ತನ್ನ ಕನಸನ್ನು ನನಸಾಗಿಸಿಕೊಂಡ ರೀತಿ, ಈ ಎಲ್ಲವನ್ನೂ ಸಾನಿಯಾರ ಆತ್ಮಚರಿತ್ರೆ ಒಳಗೊಂಡಿದೆ.
ಹಾರ್ಪರ್ ಕೊಲಿನ್ ಈ ಪುಸ್ತಕವನ್ನು ಪ್ರಕಟಗೊಳಿಸಿದೆ. ದೇಶದ ಪ್ರಮುಖ ಬುಕ್ ಸ್ಟೋರ್ಗಳಲ್ಲಿ ಈ ಪುಸ್ತಕ ಲಭ್ಯವಿದೆ.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
