ನವದೆಹಲಿ: ಗಡಿಯಲ್ಲಿ ದೇಶವನ್ನು ಭದ್ರವಾಗಿ ಕಾಯುತ್ತಾ, ಕಠಿಣ ಸಂದರ್ಭಗಳಲ್ಲಿ ದೇಶಕ್ಕಾಗಿ ಪ್ರಾಣವನ್ನೂ ತ್ಯಾಗ ಮಾಡುವ ಬಿಎಸ್‌ಎಫ್ ಯೋಧರ ಸಾಹಸಗಾಥೆಗಳನ್ನು ನಾವು ಆಗಾಗ ಕೇಳುತ್ತಿರುತ್ತೇವೆ. ತಾಯಿ ನಾಡನ್ನು ರಕ್ಷಿಸುವ ಜೊತೆಜೊತೆಗೆ ಇವರು ಅನೇಕ ಮಾನವೀಯ ಕಾರ್ಯಗಳಲ್ಲೂ ಭಾಗಿಯಾಗಿ ತಾವು ನಿಜವಾದ ಹೀರೋಗಳು ಎಂಬುದನ್ನು ತೋರಿಸಿಕೊಡುತ್ತಿದ್ದಾರೆ.
ಭಾನುವಾರ ಗಡಿಯಲ್ಲಿ ನಡೆದ ಅಪರೂಪದ ಘಟನೆಯೊಂದರಲ್ಲಿ ಬಿಎಸ್‌ಎಫ್ ಯೋಧರು ನಿಜವಾದ ಭಜರಂಗಿ ಭಾಯ್‌ಜಾನ್‌ಗಳಾಗಿ ಹೊರಹೊಮ್ಮಿದ್ದಾರೆ, 5 ವರ್ಷದ ಪಾಕಿಸ್ಥಾನ ಮೂಲದ ಮೂಕ ಮತ್ತು ಕಿವುಡ ಬಾಲಕಿಯನ್ನು ರಕ್ಷಿಸಿದ್ದು ಮಾತ್ರವಲ್ಲ, ಆಕೆಯನ್ನು ಆಕೆಯ ದೇಶಕ್ಕೆ ಒಪ್ಪಿಸಿದ್ದಾರೆ.
ಪಂಜಾಬಿನ ಅಬೋಹರ್ ಸೆಕ್ಟರ್‌ನಲ್ಲಿ ಈಕೆ ಆಕಸ್ಮಿಕವಾಗಿ ಗಡಿಯನ್ನು ದಾಟಿ ಭಾರತದೊಳಕ್ಕೆ ಬಂದಿದ್ದಾಳೆ.
ಈಕೆಯನ್ನು ನೋಡಿದ ಯೋಧರು ವಿಚಾರಣೆ ನಡೆಸಿದ್ದಾರೆ. ಈಕೆಗೆ ಬಾಯಿ ಮತ್ತು ಕಿವಿ ಕೇಳಿಸಲ್ಲ ಎಂಬುದು ತಿಳಿದು ಬಂದಿದೆ. ಬಳಿಕ ಆಕೆಯ ಬಗ್ಗೆ ತಿಳಿದುಕೊಂಡು ಪಾಕಿಸ್ಥಾನಕ್ಕೆ ಮರಳಿ ಒಪ್ಪಿಸಿದ್ದಾರೆ.
ಮಾನವೀಯ ನೆಲೆಗಟ್ಟಿನಲ್ಲಿ ಬಿಎಸ್‌ಎಫ್ ಯೋಧರು ಮುಗ್ಧ ಬಾಲೆಯನ್ನು ಆಕೆಯ ದೇಶಕ್ಕೆ ಒಪ್ಪಿಸಿದ್ದಾರೆ. ನಮ್ಮ ಯೋಧರು ಗಡಿಯನ್ನು ಕಾಯುವ ಕೆಲಸ ಮಾತ್ರ ಮಾಡುತ್ತಿಲ್ಲ ಬದಲಾಗಿ ಮಾನವೀಯತೆಯ ರಾಯಭಾರಿಗಳೂ ಆಗಿದ್ದಾರೆ ಎಂಬುದನ್ನು ತೋರಿಸಿಕೊಟ್ಟಿದ್ದಾರೆ.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
