ಹಿಂದೂಧರ್ಮಕ್ಕೆ ಅಪೂರ್ವ ಶಕ್ತಿಯಿದೆ

ಬೆಳ್ತಂಗಡಿ : ನಮ್ಮ ಶರೀರವೆಂಬುದು ನಾಶವಾಗುವ ಕ್ಷೇತ್ರ. ಆದರೆ ಇದನ್ನು ಉದ್ದಾರ ಮಾಡಲು, ಸದ್ಗತಿ ನೀಡಲು ಇರುವುದೇ ದೇವಸ್ಥಾನವೆಂಬ ಕ್ಷೇತ್ರ ಎಂದು ಹೊಸ್ಮಾರು ಬಲ್ಯೊಟ್ಟು ಶ್ರೀ ವಿಖ್ಯಾತಾನಂದ ಸ್ವಾಮೀಜಿ ನುಡಿದರು. ಅವರು ಪಡಂಗಡಿಗ್ರಾಮದ ಮಲ್ಲಿಪ್ಪಾಡಿಯಲ್ಲಿ ನವೀಕರಣಗೊಂಡ ಶ್ರೀ ಸದಾಶಿವ ದೇವಸ್ಥಾನದ ಪ್ರತಿಷ್ಟಾಷ್ಠಬಂಧ ಬ್ರಹ್ಮಕಲಶಾಭಿಷೇಕೋತ್ಸವದ ನಾಲ್ಕನೇ ದಿನವಾದ ಗುರುವಾರ ಸಂಜೆ ನಡೆದ ಧಾರ್ಮಿಕ ಸಭೆಯಲ್ಲಿ ಆಶೀರ್ವಚನ ನೀಡಿದರು.

ನಮ್ಮದೇಶ ಸ್ವರ್ಗಸಮಾನ ಹಾಗೂ ಹಿಂದೂಧರ್ಮಕ್ಕೆ ಅಪೂರ್ವ ಶಕ್ತಿಯಿದೆ ಎಂಬುದನ್ನು ನಾವು ವಿದೇಶಿಯರಿಂದ ಕೇಳಿ ತಿಳಿದುಕೊಳ್ಳಬೇಕಾದ ಸ್ಥಿತಿ ಇಂದು ಇದೆ. ನಾವು ಅಂತಹ ದೇಶದಲ್ಲಿ ಇದ್ದರೂ ನಮಗೆ ಇಲ್ಲಿನ ವಿಶೇಷತೆಯ ಬಗ್ಗೆ ಅರಿವೇ ಇಲ್ಲವಾಗಿದೆ. ಭಾರತದಲ್ಲಿ ಹುಟ್ಟಿದ್ದೇ ಭಾಗ್ಯ ಎಂಬ ಅರಿವು ನಮಗಿರಬೇಕಾಗಿದೆ ಎಂದ ಅವರು ನಾಡಿನ ಸಮಸ್ತ ಅಭ್ಯುದಯ ದೇವಸ್ಥಾನಗಳಿಂದ ಮಾತ್ರ ಸಾಧ್ಯ. ಅವು ಸಂಸ್ಕೃತಿಯನ್ನು ಉಳಿಸುವ ಸ್ಥಾನಗಳು.ಇದನ್ನು ನಿರಂತರ ಸಂರಕ್ಷಣೆ ಮಾಡಿಕೊಂಡು ಬರುವುದು ಊರಿನವರ ಕರ್ತವ್ಯಎಂಬುದನ್ನು ಶ್ರೀಗಳು ನೆನಪಿಸಿದರು.

ಅಧ್ಯಕ್ಷತೆಯನ್ನುಎಸ್‌ಡಿಎಂ ಶಿಕ್ಷಣ ಸಂಸ್ಥೆಗಳು ಉಜಿರೆಇದರ ಕಾರ್ಯದರ್ಶಿ ಡಾ| ಬಿ.ಯಶೋವರ್ಮ ವಹಿಸಿದ್ದರು.ವೇದಿಕೆಯಲ್ಲಿ ಅತಿಥಿಗಳಾಗಿ ನಿವೃತ್ತ ಪೋಲೀಸ್‌ಅಧೀಕ್ಷಕ ಪೀತಾಂಬರ ಹೆರಾಜೆ, ಬಿಜೆಪಿ ಜಿಲ್ಲಾಧ್ಯಕ್ಷ ಪ್ರತಾಪಸಿಂಹ ನಾಯಕ್.ಗುತ್ತಿಗೆದಾರಗೋಕುಲ್‌ದಾಸ್ ಭಂಡಾರ್ಕರ್, ಗೌಡರಯಾನೆಒಕ್ಕಲಿಗರ ಸೇವಾ ಸಂಘದಗೌರವಾಧ್ಯಕ್ಷ ಹೆಚ್. ಪದ್ಮಗೌಡ, ತಾ.ಪಂ. ಸದಸ್ಯಧರ್ಣಪ್ಪ ಪೂಜಾರಿಇದ್ದರು.ದೇಗುಲ ಆಡಳಿತೆ ಮೊಕ್ತೇಸರಅಮರನಾಥ ಹೆಗ್ಡೆ ವೇದಿಕೆಯಲ್ಲಿದ್ದರು.

ಡಾ|ಬಿ.ಯಶೋವರ್ಮ, ಲತಾ ಬಾಲಕೃಷ್ಣ ಬಂಗೇರ ಶಿರ್ಲಾಲು, ಶಮಂತ್‌ಕುಮಾರ್‌ಜೈನ್, ಸಮರ್ಥನ್ ರಾವ್ ಅವರನ್ನು ಸಮ್ಮಾನಿಸಲಾಯಿತು. ಬ್ರಹ್ಮಕಲಶೋತ್ಸವ ಸಮಿತಿ ಅಧ್ಯಕ್ಷ ಯೋಗಿಶ್ ಕುಮಾರ್ ನಡಕ್ಕರ, ಸ್ವಾಗತಿಸಿ ಪ್ರಸ್ತಾವಿಸಿದರು ಸಂಧ್ಯಾ ಬರಾಯ ವಂದಿಸಿದರು. ಗೇರುಕಟ್ಟೆ ಸ.ಪ್ರೌ.ಶಾಲಾ ದೈಹಿಕ ಶಿಕ್ಷಣ ಶಿಕ್ಷಕ ಅಜಿತ್‌ಕುಮಾರ್ ಕೊಕ್ರಾಡಿ ಹಾಗೂ ಮಾಲಾಡಿ ಸ.ಹಿ.ಪ್ರಾ.ಶಾಲಾ ಸಹಶಿಕ್ಷಕಿ ಸೇವಂತಿ ಬಿ.ಕಾರ್ಯಕ್ರಮ ನಿರ್ವಹಿಸಿದರು.

ಬೆಳಿಗ್ಗೆದೇಗುಲದಲ್ಲಿ ನಾಗಪ್ರತಿಷ್ಠೆ, ವೃಷಭ ಲಗ್ನದಲ್ಲಿ ಶ್ರೀ ಸದಾಶಿವ ದೇವರ ಪ್ರತಿಷ್ಠೆ, ಗಣಪತಿ, ಪರಿವಾರ ದೈವಗಳ ಪ್ರತಿಷ್ಠೆ, ಅಷ್ಟಬಂಧಕ್ರಿಯೇಇತ್ಯಾದಿ ವೈದಿಕ ಕಾರ್ಯಕ್ರಮಗಳು ನಡೆಯಿತು.