ಅಳದಂಗಡಿ ಶ್ರೀ ಸೋಮನಾಥೇಶ್ವರೀ ದೇವಸ್ಥಾನಕ್ಕೆ ಚಂದ್ರಮಂಡಲ ರಥ ಕೊಡುಗೆ

ಬೆಳ್ತಂಗಡಿ : ಅಳದಂಗಡಿ ಶ್ರೀ ಸೋಮನಾಥೇಶ್ವರೀ ದೇವಸ್ಥಾನಕ್ಕೆ ಕೊಡುಗೆಯಾಗಿ ಬಂದಿರುವ ಚಂದ್ರಮಂಡಲ ರಥವನ್ನು ಭಾನುವಾರ ಭವ್ಯವಾದ ಮೆರೆವಣಿಗೆಯಲ್ಲಿ ದೇವಳಕ್ಕೆ ತರಲಾಯಿತು.

ಅಳದಂಗಡಿ ಹಳೇಪೇಟೆ ದೊಡ್ಡ ಬಸದಿಯಲ್ಲಿರಥದ ಭವ್ಯವಾದ ಮೆರವಣಿಗೆಗೆ ದೇವಸ್ಥಾನದ ಅನುವಂಶೀಯ ಆಡಳಿತ ಮೊಕ್ತೇಸರ ತಿಮ್ಮಣ್ಣರಸರಾದ ಡಾ| ಪದ್ಮಪ್ರಸಾದ ಅಜಿಲ ಇವರು ಚಾಲನೆ ನೀಡಿದರು. ಬಳಿಕ ಆಕರ್ಷಕ ರಥ ಮೆರವಣಿಗೆಯು ಕೊಂಬು, ಚಂಡೆ ವಾದನ, ನಾಸಿಕ್ ಬೇಂಡ್, ವಿವಿಧ ವಾದ್ಯಗಳ ವಾದನದೊಂದಿಗೆ, ಕೀಲುಕುದುರೆ ಯಕ್ಷಗಾನ ವೇಷಗಳ ನಾಟ್ಯದೊಂದಿಗೆ, ಭಜನೆಯೊಂದಿಗೆ, ಕಲಶ ಕನ್ಯೆಯರೊಂದಿಗೆ ಅಳದಂಗಡಿ ಮುಖ್ಯ ಪೇಟೆಯಿಂದ ಮುಖ್ಯರಸ್ತೆಯ ಮೂಲಕ ಕೆದ್ದುವರೆಗೆ ಹೋಗಿ ಬಳಿಕ ದೇವಸ್ಥಾನದವರೆಗೆ ನಡೆಯಿತು. ಅಳದಂಗಡಿ ಸೇತುವೆ ಬಳಿಯ ಗಣಪತಿ ದೇವಸ್ಥಾನದ ಎದುರು ರಥಕ್ಕೆ ಪೂಜೆ ಸಲ್ಲಿಸಲಾಯಿತು. ಸಾವಿರಾರು ಭಕ್ತರು ಮೆರವಣಿಗೆಯಲ್ಲಿ ಭಾಗವಹಿಸಿದ್ದರು.

ರಥವನ್ನು ಕೊಡುಗೆಯಾಗಿ ನೀಡಿದ ಅಳಂದಗಡಿ ನಡಾಯಿ ಎಂಬಲ್ಲಿನ ಡಾ| ಪ್ರಶಾಂತ ದೇವಾಡಿಗ, ಅಳದಂಗಡಿ ಶ್ರೀಸತ್ಯ ದೇವತಾ ದೇವಸ್ಥಾನದ ಮೊಕ್ತೇಸರ ಶಿವಪ್ರಸಾದ ಅಜಿಲ, ಗಣಪತಿ ದೇವಸ್ಥಾನದ ಅರ್ಚಕ ಸೋಮನಾಥ ಮಯ್ಯ, ಶ್ರೀ ಸೋಮನಾಥೇಶ್ವರೀ ದೇವಸ್ಥಾನದದ ಅರ್ಚಕ ಪ್ರಕಾಶ್ ಭಟ್, ಕಾಜಿಮುಗೇರು ತಂತ್ರಿಗಳಾದ ಸೀತಾರಾಮ ಹೆಬ್ಬಾರ್, ಅಳದಂಗಡಿ ಸಹಕಾರಿ ಬೇಂಕಿನ ಅಧ್ಯಕ್ಷ ಸುಭಾಶ್ಚಂದ್ರರೈ, ತಾ.ಪಂ. ಸದಸ್ಯದರ್ಣಪ್ಪ ಪೂಜಾರಿ, ಪ್ರಗತಿ ಪರ ಕೃಷಿಕ ಗಂಗಾಧರ ಮಿತ್ತಮಾರು, ಅಳದಂಗಡಿ ಪಂ.ಅಧ್ಯಕ್ಷ ಸತೀಶ್ ಮಿತ್ತಮಾರು, ಸದಸ್ಯ ಸದಾನಂದ ಪೂಜಾರಿ ಉಂಗಿಲಬೈಲು, ಪಿಡಿಓ ಪ್ರಕಾಶ್ ಶೆಟ್ಟಿ ನೊಚ್ಚ, ಸುಲ್ಕೇರಿಮೊಗ್ರು ಸಹಕಾರಿ ಸಂಘದ ಕಾರ್ಯನಿರ್ವಹಣಾಧಿಕಾರಿ ನಿತ್ಯಾನಂದ ಶೆಟ್ಟಿ ನೊಚ್ಚ ಮತ್ತಿತರರು ಉಪಸ್ಥಿತಿರಿದ್ದರು. ದೇಗುಲಕ್ಕೆ ಈ ನೂತನರಥ ಸಮರ್ಪಣಾ ಕಾರ್ಯಕ್ರಮ ಜ. ೧೪ ರಂದು ನಡೆಯಲಿದೆ.