ಕಾರ್ಕಳ: ದೇವಳಗಳು ಧರ್ಮದ ಕೋಟೆಗಳು. ಸನಾತನ ಸಂಸ್ಕೃತಿಯನ್ನು ಪ್ರತಿಪಾದಿಸುವ ಈ ದೇವಳಗಳು ಭಕ್ತಿಯ ಮಾರ್ಗದ ಮೂಲಕ ಶಾಂತಿ ಮತ್ತು ಸಾಮರಸ್ಯ ಸಾರುವ ಕೇಂದ್ರಬಿಂದುಗಳಾಗಿವೆ ಎಂದು ಉಡುಪಿ ಪೇಜಾವರ ಮಠದ ಶ್ರೀ ಪರಮಪೂಜ್ಯ ವಿಶ್ವೇಶತೀರ್ಥ ಶ್ರೀಪಾದಂಗಳವರು ಹೇಳಿದರು.
ಅವರು ಪೆರ್ವಾಜೆಯ ಮಹಾಲಿಂಗೇಶ್ವರ ದೇವಳದಲ್ಲಿ ಶುಕ್ರವಾರ ರಾತ್ರಿ ನಡೆದ ಧಾರ್ಮಿಕ ಸಭೆಯಲ್ಲಿ ಆಶೀರ್ವಚನ ನೀಡಿ, ದೇವಾಲಯಗಳು ಭಕ್ತಿಯ ಪಾತ್ರೆಗಳು. ಕೆರೆಯಿಂದ ನಮಗೆ ಬೇಕಾದಷ್ಟು ನೀರನ್ನು ಪಾತ್ರೆಯಲ್ಲಿ ಹೇಗೆ ತರುತ್ತೇವೆಯೋ ಹಾಗೆಯೇ ದೇವಳದಿಂದಲೂ ಭಕ್ತಿ ಎಂಬ ಪಾತ್ರೆಯ ಮೂಲಕ ದೇವರ ಅನುಗ್ರಹ ಪ್ರಾಪ್ತಿ ಮಾಡಿಕೊಳ್ಳಬಹುದು. ಹಿರಿಯರು ದೇವಾಲಯಗಳ ಪರಿಕಲ್ಪನೆಯನ್ನು ಸಮಾಜದ ಮುಂದಿಡುವ ಕಾರ್ಯವನ್ನು ಮಾಡಿದ್ದಾರೆ. ಪೆರ್ವಾಜೆಯಂತಹ ಊರಿನಲ್ಲಿ ಸಂಪೂರ್ಣ ಶಿಲಾಮಯ ದೇವಳವನ್ನು ಭಕ್ತಾದಿಗಳು ನಿರ್ಮಿಸಿರುವುದು ಸಂತಸದಾಯಕ ವಿಚಾರ ಎಂದರು.
ವಿಧಾನ ಪರಿಷತ್ ಸದಸ್ಯ ಕ್ಯಾ.ಗಣೇಶ್ ಕಾರ್ಣಿಕ್ ಅಧ್ಯಕ್ಷತೆ ವಹಿಸಿದ್ದರು. ದೇವಳದ ಆಡಳಿತ ಮೊಕ್ತೇಸರ ರಾಧಾಕೃಷ್ಣ ಶೆಟ್ಟಿ, ತಾ.ಪಂ.ಅಧ್ಯಕ್ಷೆ ವಿಜಯ ಕುಮಾರಿ, ಪುರಸಭೆ ಉಪಾಧ್ಯಕ್ಷೆ ಶಶಿಕಲಾ ರಾಣೆ, ನೆಕ್ಲಾಜೆ ಕಾಳಿಕಾಂಬ ದೇವಳದ ಮೊಕ್ತೇಸರ ಶಿಲ್ಪಿ ಸತೀಶ್ ಆಚಾರ್ಯ, ಕಾರ್ಕಳ ಶೆಣೈ ಸ್ವೀಟ್ಸ್‌ನ ಗಣೇಶ್ ಶೆಣೈ, ಮನ್ನಾರ್ ದೇವಳದ ಮೊಕ್ತೇಸರ ರಾಮಕೃಷ್ಣ, ಅನಂತಶಯನ ದೇವಳದ ಆಡಳಿತ ಮೊಕ್ತೇಸರ ಪ್ರಶಾಂತ್ ಭಟ್, ಪುರಸಭೆ ಸದಸ್ಯ ಗಿರಿಧರ್ ನಾಯಕ್, ಉದಯ ಶಂಕರ್, ನವೀನ್ ಹೆಗ್ಡೆ ಬೊಬ್ಬಳಗುತ್ತು ಮತ್ತು ದೇವಳದ ಸಹಮೊಕ್ತೇಸರರು ಉಪಸ್ಥಿತರಿದ್ದರು.
ತ್ರಿವಿಕ್ರಮ ಕಿಣಿ ಸ್ವಾಗತಿಸಿದರು. ಪ್ರಕಾಶ್ ಕೆ.ಪಿ ಮತ್ತು ಬೇಬಿ ಡಿ ಆಳ್ವ ಕಾರ್ಯಕ್ರಮ ನಿರೂಪಿಸಿದರು. ಗೋಪಾಲಕೃಷ್ಣ ಶೆಟ್ಟಿ ವಂದಿಸಿದರು.
News13
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
