ಧರ್ಮ,ಸಂಸ್ಕೃತಿ ಮರೆತು ಜೀವನ ಅಸಾಧ್ಯ-ವಾದಿರಾಜ್ ಪೆಜತ್ತಾಯ

ಪಾಲ್ತಾಡಿ : ಧರ್ಮ, ಸಂಸ್ಕೃತಿ,ಸಂಸ್ಕಾರ ಮರೆತು ಜೀವಿಸುವುದು ಮಾನವನಿಗೆ ಅಸಾಧ್ಯ,ಇವುಗಳನ್ನು ಜೀವನದಲ್ಲಿ ಮೈಗೂಡಿಸಿಕೊಳ್ಳಲು ದೇವರ ಅನುಗ್ರಹ ಅಗತ್ಯ ಎಂದು ಬೆಂಗಳೂರು ಮೈಕ್ರೋ ಅಕಾಡೆಮಿಯ ಜನರಲ್ ಮ್ಯಾನೇಜರ್ ವಾದಿರಾಜ ಪೆಜತ್ತಾಯ ಹೇಳಿದರು.ಅವರು ಪುಣ್ಚಪ್ಪಾಡಿ ಗ್ರಾಮದ ನೇರೋಲ್ತಡ್ಕ ವಿನಾಯಕ ನಗರದಲ್ಲಿ ಶ್ರೀಗೌರಿ ಗಣೇಶ ಸೇವಾ ಸಂಘ ಇದರ ವತಿಯಿಂದ ನೂತನವಾಗಿ ನಿರ್ಮಾಣಗೊಳ್ಳಲಿರುವ ಶ್ರೀ ಗಣಪತಿ ದೇವರ ಕಟ್ಟೆ ಹಾಗೂ ಸಭಾಂಗಣದ ಶಿಲಾನ್ಯಾಸ ಕಾರ್ಯಕ್ರಮದ ಸಭಾಕಾರ್ಯಕ್ರಮವನ್ನು ಉದ್ಘಾಟಿಸಿ ಮಾತನಾಡಿದರು.

ಸಭಾಂಗಣಕ್ಕೆ ಶಿಲಾನ್ಯಾಸ ನೆರವೇರಿಸಿ ಮಾತನಾಡಿದ ಸವಣೂರು ವಿದ್ಯಾರಶ್ಮಿ ವಿದ್ಯಾಲಯದ ಸಂಚಾಲಕ ಸವಣೂರು ಕೆ.ಸೀತಾರಾಮ ರೈ ,ಊರಿನ ಬೆಳವಣಿಗೆಯಲ್ಲಿ ಧಾರ್ಮಿಕ ಮಂದಿರ,ದೇವರ ಆರಾಧನೆ ಮುಖ್ಯವಾದದ್ದು.ಏಕಮನಸ್ಸಿನಿಂದ ಊರಿನ ಬೆಳವಣಿಗೆಯಲ್ಲಿ ಎಲ್ಲರೂ ಭಾಗವಹಿಸಬೇಕು.ಮಂದಿರ ನಿರ್ಮಾಣಕ್ಕೆ ರೂ.ದೇಣಿಗೆ ನೀಡುವುದಾಗಿ ಘೋಷಿಸಿದರು.

ಮನವಿ ಪತ್ರ ಬಿಡುಗಡೆ ಮಾಡಿ ಮಾತನಾಡಿದ ಸವಣೂರು ಹಿಂ.ಜಾ.ವೇ.ಅಧ್ಯಕ್ಷ ಕುಂಜಾಡಿ ಪ್ರಕಾಶ್ಚಂದ್ರ ರೈ ಮುಗೇರುಗುತ್ತು ,ಜನರನ್ನು ಧಾರ್ಮಿಕ ಚಟುವಟಿಕೆಯ ಮೂಲಕ ಸಂಘಟಿತರಾಗಿ ಸಮಾಜದ ಮುಖ್ಯವಾಹಿನಿಗೆ ತರಲು ಮಂದಿರಗಳು ಪ್ರೇರಣೆ ನೀಡುತ್ತದೆ.ಸಮಿತಿಯ ಉದ್ದೇಶಿತ ಕಾರ್ಯಕ್ರಮಕ್ಕೆ 25,000 ರೂ ದೇಣಿಗೆ ನೀಡಲಾಗುವುದು,ಜತೆಗೆ ಸಂಸದ ನಳಿನ್ ಕುಮಾರ್‌ರ ಮೂಲಕ ರೂ. 5 ಲಕ್ಷ ಅನುದಾನಕ್ಕೆ ಪ್ರಯತ್ನಿಸಲಾಗುವುದು ಎಂದರು.ಗಣಪತಿ ಕಟ್ಟೆಗೆ ಕೆಯ್ಯೂರು ದುರ್ಗಾಪರಮೇಶ್ವರಿ ದೇವಳದ ಪವಿತ್ರಪಾಣಿ ಶೇಷಪ್ಪಯ್ಯ ನೂಜಾಜೆ ಶಿಲಾನ್ಯಾ ಸ ನೆರವೇರಿಸಿದರು.

ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿದ್ದ ವಿಜಯ ಬ್ಯಾಂಕ್‌ನ ನಿವೃತ ರೀಜನಲ್ ಮ್ಯಾನೇಜರ್ ಎ.ಕೃಷ್ಣ ರೈ ಪುಣ್ಚಪ್ಪಾಡಿ ಮಾತನಾಡಿ,ಗ್ರಾಮದ ಎಲ್ಲಾ ಜನತೆ ಸಮಿತಿಯ ಉದ್ದೇಶಿತ ಮಂದಿರ ನಿರ್ಮಾಣ ಕಾರ್ಯಕ್ಕೆ ಕೈಜೋಡಿಸುವ ಮೂಲಕ ಧಾರ್ಮಿಕತೆಯ ಮುಖಾಂತರ ಊರಿನ ಅಭಿವೃದ್ದಿಗೆ ಕಾರಣವಾಗಬೇಕು.ಈ ಕಾರ್ಯಕ್ಕೆ ತಾನು ರೂ.50,000 ದೇಣಿಗೆ ನೀಡುತ್ತೇನೆ ಎಂದರು.

ವೇದಿಕೆಯಲ್ಲಿ ಸವಣೂರು ಸಿ.ಎ.ಬ್ಯಾಂಕ್‌ನ ಉಪಾಧ್ಯಕ್ಷ ಗಣೇಶ್ ನಿಡ್ವಣ್ಣಾಯ, ಉದ್ಯಮಿ ಶಿವಪ್ರಸಾದ್ ಶೆಟ್ಟಿ ಕಿನಾರ, ವಿಜಯ ಬ್ಯಾಂಕ್‌ನ ನಿವೃತ ಮ್ಯಾನೇಜರ್‌ಗಳಾದ ಪಿ.ಡಿ.ಕೃಷ್ಣ ಕುಮಾರ್ ರೈ ದೇವಸ್ಯ, ವಿವೇಕಾನಂದ ರೈ ತೋಟದಡ್ಕ, ರಾಷ್ಟ್ರ ಪ್ರಶಸ್ತಿ ಪುರಸ್ಕೃತ ಶಿಕ್ಷಕ ಕುಮಾರ್ ಕೆ, ಎಪಿಎಂಸಿ ನಿರ್ದೇಶಕ ಸೋಮನಾಥ ಡಿ.ಕನ್ಯಾಮಂಗಲ, ಪ್ರಗತಿಪರ ಕೃಷಿಕ ಸತೀಶ್ ರೈ ಮಿಷನ್‌ಮೂಲೆ, ಗೌರಿಗಣೇಶ ಸೇವಾ ಸಂಘದ ಗೌರವಾಧ್ಯಕ್ಷ ಹರೀಶ್ ರೈ ಸಾರಕರೆ, ಸಭಾಂಗಣ ನಿರ್ಮಾಣ ಸಮಿತಿಯ ಕಾರ್ಯಾಧ್ಯಕ್ಷ ಧರ್ಮಪ್ರಕಾಶ್ ರೈ ಪುಣ್ಚಪ್ಪಾಡಿ, ಉಪಾಧ್ಯಕ್ಷ ಬಾಲಕೃಷ್ಣ ರೈ ದೇವಸ್ಯ, ಜತೆ ಕಾರ್ಯದರ್ಶಿ ನಾಗರಾಜ ನಿಡ್ವಣ್ಣಾಯ, ಪ್ರಕಾಶ್ ರೈ ಸಾರಕರೆ, ಗೌರವ ಸಲಹೆಗಾರ ಗಂಗಾಧರ ರೈ ದೇವಸ್ಯ ಉಪಸ್ಥಿತರಿದ್ದರು.