ನವದೆಹಲಿ: ಇತ್ತೀಚೆಗೆ ಕೇಂದ್ರ ಮಾಹಿತಿ ಮತ್ತು ಪ್ರಸಾರ ಸಚಿವಾಲಯವು ಖಾಸಗಿ ಉಪಗ್ರಹ ಟಿವಿ ಚಾನೆಲ್‌ಗಳಿಗೆ ಕಟ್ಟುನಿಟ್ಟಾದ ಸಲಹೆ ನೀಡಿದೆ. ಚಾನೆಲ್‌ಗಳ ಸಂಪಾದಕೀಯ ಪಠ್ಯಗಳನ್ನು ತಕ್ಷಣ ಸುಧಾರಿಸಬೇಕು ಎಂದು ಹೇಳಿದೆ. ಅಂತರ-ಇಲಾಖೆ ಸಮಿತಿಯ ವರದಿ ಪ್ರಕಾರ, ಕೆಲವು ಚಾನೆಲ್‌ಗಳು ನಿಯಮವನ್ನು ಪದೇ ಪದೇ ಮುರಿಯುತ್ತಿವೆ. ವಿಶೇಷವಾಗಿ ಕೋಮು ಚರ್ಚೆಗಳು, ಹಿಂಸೆಯನ್ನು ಸಂವೇದನಾಹೀನವಾಗಿ ತೋರಿಸುವುದು, ಕೃತಕ ಬುದ್ಧಿಮತ್ತೆ (AI) ಅನ್ನು ಅನಿಯಂತ್ರಿತವಾಗಿ ಬಳಸುವ ಬಗ್ಗೆ ಅಸಮಾಧಾನ ವ್ಯಕ್ತಪಡಿಸಿದೆ.
ಚಾನೆಲ್‌ಗಳು ಅಸ್ತಿತ್ವದಲ್ಲಿರುವ ನಿಯಮಗಳು ಪೂರ್ಣವಾಗಿ ಪಾಲಿಸಬೇಕು. ವೃತ್ತಿಪರತೆ ಮತ್ತು ವಿಷಯದ ಗುಣಮಟ್ಟದಲ್ಲಿ ಮತ್ತೆ ತಪ್ಪು ಮಾಡಿದರೆ, ಸರ್ಕಾರ ಕಠಿಣ ಕ್ರಮ ತೆಗೆದುಕೊಳ್ಳುತ್ತದೆ ಎಂದು ಸಚಿವಾಲಯ ಹೇಳಿದೆ.
ಪ್ಯಾನೆಲಿಸ್ಟ್‌ಗಳನ್ನು ಆಯ್ಕೆ ಮಾಡುವಾಗ ಮತ್ತು ಚರ್ಚೆ ನಡೆಸುವಾಗ ಹೆಚ್ಚು ಜಾಗ್ರತೆಯಿಂದ ಇರಬೇಕು.
ಚರ್ಚೆ ಕೋಮು ದ್ವೇಷ ಅಥವಾ ರಾಷ್ಟ್ರವಿರೋಧಿ ಭಾವನೆಗಳಿಗೆ ತಿರುಗಿದರೆ, ತಕ್ಷಣ ಆಡಿಯೋ ಮ್ಯೂಟ್ ಮಾಡಿ, ನಿರಾಕರಣೆ ತೋರಿಸಬೇಕು ಅಥವಾ ಪ್ರಸಾರ ನಿಲ್ಲಿಸಬೇಕು ಎಂದಿದೆ.
AI ಅನ್ನು ಸಹಾಯಕವಾಗಿ ಮಾತ್ರ ಬಳಸಬೇಕು. ಸತ್ಯ, ದೃಢೀಕರಣ ಮತ್ತು ಸೂಕ್ಷ್ಮತೆಗೆ ಧಕ್ಕೆ ಬರುವಂತೆ ಬಳಸಬಾರದು. ಭಯೋತ್ಪಾದನಾ ವಿರೋಧಿ ಕಾರ್ಯಾಚರಣೆಗಳನ್ನು ನೇರವಾಗಿ ಪ್ರಸಾರ ಮಾಡಬಾರದು. ಅಧಿಕೃತ ಬ್ರೀಫಿಂಗ್‌ಗಳನ್ನು ಮಾತ್ರ ವರದಿ ಮಾಡಬೇಕು. ಹಿಂಸಾತ್ಮಕ ದೃಶ್ಯಗಳನ್ನು ಅನಗತ್ಯವಾಗಿ ಮತ್ತೆ ತೋರಿಸಬಾರದು. ಅಪರಾಧಗಳನ್ನು ವೈಭವೀಕರಿಸುವಂತೆ ವರದಿ ಮಾಡಬಾರದು ಎಂದಿದೆ.
ಚಾನೆಲ್‌ಗಳು ಹೆಚ್ಚು ಜವಾಬ್ದಾರಿಯಿಂದ, ನಿಯಮಗಳನ್ನು ಪಾಲಿಸಿ, ಸೂಕ್ಷ್ಮ ವಿಷಯಗಳನ್ನು ಎಚ್ಚರಿಕೆಯಿಂದ ನಿಭಾಯಿಸಬೇಕು. ಇಲ್ಲದಿದ್ದರೆ ಸರ್ಕಾರ ಕ್ರಮ ತೆಗೆದುಕೊಳ್ಳುತ್ತದೆ ಎಂಬ ಎಚ್ಚರಿಕೆ ನೀಡಿದೆ.
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
