ನವದೆಹಲಿ: ಭಾರತೀಯ ರಾಷ್ಟ್ರೀಯ ಪಾವತಿ ನಿಗಮ (NPCI) ಕಾಂಬೋಡಿಯಾದ ಪ್ರಮುಖ ಬ್ಯಾಂಕ್ ಎಂದು ಪರಿಗಣಿತವಾದ ACLEDA ಬ್ಯಾಂಕ್ನೊಂದಿಗೆ ಅಧಿಕೃತ ಪಾಲುದಾರಿಕೆ ಮಾಡಿಕೊಂಡಿದೆ. ಇದರ ಮೂಲಕ ಕಾಂಬೋಡಿಯಾದಲ್ಲಿ UPI ಪಾವತಿ ಸೌಲಭ್ಯವನ್ನು ಪ್ರಾರಂಭಿಸಲಾಗುತ್ತಿದೆ.
ಈಗಾಗಲೇ ಲಕ್ಷಾಂತರ ಭಾರತೀಯರು ಪ್ರತಿ ವರ್ಷ ಕಾಂಬೋಡಿಯಾಕ್ಕೆ ಪ್ರಯಾಣ ಮಾಡುತ್ತಾರೆ. ಈ ಹೊಸ ವ್ಯವಸ್ಥೆಯಿಂದ ಅವರು ತಮ್ಮ ಭಾರತೀಯ UPI ಅಪ್ಲಿಕೇಶನ್ (Google Pay, PhonePe, Paytm ಇತ್ಯಾದಿ) ಬಳಸಿ ಕಾಂಬೋಡಿಯಾದಲ್ಲಿ ಸುಲಭವಾಗಿ ಪಾವತಿ ಮಾಡಬಹುದು. ಕಾಂಬೋಡಿಯಾದಲ್ಲಿ 4.5 ಮಿಲಿಯನ್ಗಿಂತ ಹೆಚ್ಚು ವ್ಯಾಪಾರಿಗಳು QR ಕೋಡ್ ಮೂಲಕ ಪಾವತಿ ಸ್ವೀಕರಿಸುತ್ತಾರೆ. ಭಾರತೀಯ ಪ್ರಯಾಣಿಕರು ಈ QR ಕೋಡ್ಗಳನ್ನು ಸ್ಕ್ಯಾನ್ ಮಾಡಿ ನಗದು ಇಲ್ಲದೆಯೇ ಖರೀದಿ ಮಾಡಬಹುದು. ಇದು ಪ್ರಯಾಣಿಕರಿಗೆ ಬಹಳ ಸೌಕರ್ಯವನ್ನು ಒದಗಿಸುತ್ತದೆ.
ಪ್ರಸ್ತುತ ಮೊದಲ ಹಂತವು ಭಾರತದಿಂದ ಕಾಂಬೋಡಿಯಾಕ್ಕೆ ಮಾತ್ರ ಇದೆ. ಆದರೆ ಶೀಘ್ರದಲ್ಲೇ ಇದು ಪೂರ್ಣ ದ್ವಿಮುಖ (Bilateral) ವ್ಯವಸ್ಥೆಯಾಗುತ್ತದೆ. ಅಂದರೆ ಕಾಂಬೋಡಿಯಾದ ನಾಗರಿಕರು ಭಾರತಕ್ಕೆ ಬಂದಾಗ ತಮ್ಮ ದೇಶದ ಬ್ಯಾಂಕಿಂಗ್ ಅಪ್ಲಿಕೇಶನ್ ಅಥವಾ ಡಿಜಿಟಲ್ ಪಾವತಿ ಆ್ಯಪ್ ಬಳಸಿ ಭಾರತದಾದ್ಯಂತ ಲಕ್ಷಾಂತರ UPI QR ಕೋಡ್ಗಳನ್ನು ಸ್ಕ್ಯಾನ್ ಮಾಡಿ ಪಾವತಿ ಮಾಡಬಹುದು.
ಇದರಿಂದ ಎರಡು ದೇಶಗಳ ನಡುವಿನ ಪ್ರಯಾಣ ಮತ್ತು ವ್ಯಾಪಾರ ಇನ್ನಷ್ಟು ಸುಲಭವಾಗುತ್ತದೆ. ಈಗಾಗಲೇ 8 ದೇಶಗಳಲ್ಲಿ UPI ಲಭ್ಯಹಣಕಾಸು ಸಚಿವಾಲಯದ ಪ್ರಕಾರ, UPI ಈಗಾಗಲೇ ಎಂಟು ದೇಶಗಳಲ್ಲಿ ಸ್ವೀಕೃತವಾಗಿದೆ. ಅದೆಂದರೆ ಸಿಂಗಾಪುರ ಯುನೈಟೆಡ್ ಅರಬ್ ಎಮಿರೇಟ್ಸ್(UAE), ಫ್ರಾನ್ಸ್, ಮಾರಿಷಸ್, ನೇಪಾಳ, ಭೂತಾನ್, ಕತಾರ್ ಮತ್ತು ಶ್ರೀಲಂಕಾ.
ಕಾಂಬೋಡಿಯಾ ಈ ಪಟ್ಟಿಗೆ ಸೇರ್ಪಡೆಯಾಗುತ್ತಿದೆ. ಇದು ಭಾರತದ ಡಿಜಿಟಲ್ ಪಾವತಿ ವ್ಯವಸ್ಥೆಯನ್ನು ವಿಶ್ವಮಟ್ಟದಲ್ಲಿ ಮುಂದುವರಿಸುವ ಮುಖ್ಯ ಹೆಜ್ಜೆಯಾಗಿದೆ.
ವಿದೇಶಗಳಲ್ಲಿ ಯುಪಿಐ ಪಾವತಿ ಆರಂಭವಾಗುದರಿಂದ ಪ್ರಯಾಣಿಕರಿಗೆ ನಗದು ಹೊರುವ ತೊಂದರೆ ಕಡಿಮೆಯಾಗುತ್ತದೆ. ವ್ಯಾಪಾರಿಗಳಿಗೆ ತ್ವರಿತ ಮತ್ತು ಸುರಕ್ಷಿತ ಪಾವತಿ, ಎರಡು ದೇಶಗಳ ನಡುವಿನ ಆರ್ಥಿಕ ಸಂಬಂಧ ಬಲಪಡಲಿದೆ ಮತ್ತು ಡಿಜಿಟಲ್ ಪಾವತಿಯಲ್ಲಿ ಭಾರತದ ಜಾಗತಿಕ ಪ್ರಭಾವ ಹೆಚ್ಚಾಗುತ್ತದೆ.
ಈ ಹೊಸ ಒಪ್ಪಂದವು ಭಾರತೀಯರಿಗೆ ಕಾಂಬೋಡಿಯಾ ಪ್ರಯಾಣವನ್ನು ಇನ್ನಷ್ಟು ಸುಗಮ ಮತ್ತು ಆಕರ್ಷಕವಾಗಿಸುತ್ತದೆ ಎಂದು ನಿರೀಕ್ಷಿಸಲಾಗಿದೆ.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
