ಶ್ರೇಷ್ಠ ತಬಲಾ ವಾದಕ ಝಾಕೀರ್‌ ಹುಸೇನ್‌ ನಿಧನ

ನವದೆಹಲಿ: ತಬಲಾ ಮಾಂತ್ರಿಕ, ಸಂಗೀತ ಸಂಯೋಜಕ ಮತ್ತು ನಟ – ಒಬ್ಬ ದಂತಕಥೆಯೇ  ಆಗಿದ್ದ ಝಾಕೀರ್‌ ಹುಸೇನ್ ಇಂದು ನಿಧನರಾಗಿದ್ದಾರೆ. ಭಾರತದವರಾದರೂ ತಮ್ಮ ತಬಲದ ಮೂಲಕ ಅವರು ಇಡೀ ಜಗತ್ತಿಗೆ ಚಿರಪರಿಚಿತರಾಗಿದ್ದರು. ಅವರು ಇಂದು ಸ್ಯಾನ್ ಫ್ರಾನ್ಸಿಸ್ಕೋದ ಆಸ್ಪತ್ರೆಯಲ್ಲಿ ನಿಧನರಾದರು ಎಂದು ಅವರು ಕುಟುಂಬ ವರ್ಗ ದೃಢಪಡಿಸಿದೆ. ಅವರಿಗೆ 73 ವರ್ಷ.

ಡಿಯೋಪಥಿಕ್ ಪಲ್ಮನರಿ ಫೈಬ್ರೋಸಿಸ್‌ನಿಂದ ಉಂಟಾಗುವ ತೊಂದರೆಗಳಿಂದ ಹುಸೇನ್ ಸಾವನ್ನಪ್ಪಿದ್ದಾರೆ ಎಂದು ಕುಟುಂಬ ಹೇಳಿಕೆಯಲ್ಲಿ ತಿಳಿಸಿದೆ. ಕಳೆದ ಎರಡು ವಾರಗಳಿಂದ ಅವರನ್ನು ಆಸ್ಪತ್ರೆಗೆ ದಾಖಲಿಸಲಾಗಿತ್ತು ಮತ್ತು ನಂತರ ಅವರ ಸ್ಥಿತಿ ಹದಗೆಟ್ಟ ನಂತರ ಐಸಿಯುಗೆ ಕರೆದೊಯ್ಯಲಾಯಿತು.

ಅತ್ಯಂತ ಶ್ರೇಷ್ಠ ತಬಲಾ ವಾದಕ ಎಂದು ಪರಿಗಣಿಸಲ್ಪಟ್ಟ ಹುಸೇನ್ ಅವರು ತಮ್ಮ ಪತ್ನಿ ಅಂಟೋನಿಯಾ ಮಿನ್ನೆಕೋಲಾ ಮತ್ತು ಅವರ ಪುತ್ರಿಯರಾದ ಅನಿಸಾ ಖುರೇಷಿ ಮತ್ತು ಇಸಾಬೆಲ್ಲಾ ಖುರೇಷಿ ಅವರನ್ನು ಅಗಲಿದ್ದಾರೆ. ಮಾರ್ಚ್ 9, 1951 ರಂದು ಜನಿಸಿದ ಅವರು ಪ್ರಸಿದ್ಧ ತಬಲಾ ಪಟು ಉಸ್ತಾದ್ ಅಲ್ಲಾ ರಖಾ ಅವರ ಮಗ.

1988 ರಲ್ಲಿ ಪದ್ಮಶ್ರೀ, 2022 ರಲ್ಲಿ ಪದ್ಮಭೂಷಣ ಮತ್ತು 2023 ರಲ್ಲಿ ಪದ್ಮ ವಿಭೂಷಣ ಸೇರಿದಂತೆ ಭಾರತದ ಪ್ರತಿಷ್ಠಿತ ನಾಗರಿಕ ಪ್ರಶಸ್ತಿಗಳು ಅವರಿಗೆ ಲಭಿಸಿದೆ. ಈ ವರ್ಷದ ಆರಂಭದಲ್ಲಿ 66 ನೇ ಗ್ರಾಮಿ ಪ್ರಶಸ್ತಿಯಲ್ಲಿ 3 ಪ್ರಶಸ್ತಿಗಳನ್ನು ಗೆದ್ದಿದ್ದಾರೆ. ಇವರ ಸಾಂಸ್ಕೃತಿಕ ಕೊಡುಗೆಗಾಗಿ 1990ರಲ್ಲಿಇಂಡೋ ಅಮೆರಿಕನ್‌ ಪ್ರಶಸ್ತಿ, ಅಮೆರಿಕದಲ್ಲಿಸಾಂಪ್ರದಾಯಿಕ ಕಲೆಗಳಿಗಾಗಿ ನೀಡುವ ಪ್ರತಿಷ್ಠಿತ ನ್ಯಾಷನಲ್‌ ಹೆರಿಟೇಕ್‌ ಫೆಲೋಶಿಪ್‌, ಸಂಗೀತ ನಾಟಕ ಅಕಾಡೆಮಿ ಪ್ರಶಸ್ತಿ, ಗ್ರ್ಯಾಮಿ ಅವಾರ್ಡ್‌ (ಪ್ಲಾನೆಟ್‌ ಡ್ರಮ್‌ ಆಲ್ಬಂಗೆ) ಸೇರಿದಂತೆ ಹಲವು ಗೌರವಗಳು ಇವರಿಗೆ ಸಂದಿವೆ.