ವಾಷಿಂಗ್ಟನ್: ಜಾಗತಿಕ ಆರ್ಥಿಕತೆಯು ಈ ಬಾರಿ ದುರ್ಬಲವಾಗಲಿದ್ದು, 2016ರಲ್ಲಿ ನಿರೀಕ್ಷೆಯಂತೆ ಸಾಧಾರಣ ಬೆಳವಣಿಗೆ ಕಾಣಲಿದೆ. ಇದೆಲ್ಲದರ ಹೊರತಾಗಿಯೂ ಭಾರತದ ಆರ್ಥಿಕತೆ ಉಜ್ವಲವಾಗಲಿದೆ ಎಂದು ಅಂತಾರಾಷ್ಟ್ರೀಯ ಹಣಕಾಸು ನಿಧಿಯ ಮುಖ್ಯಸ್ಥೆ ಕ್ರಿಸ್ಟೀನ್ ಲಾಗರ್ಡ್ ಹೇಳಿದ್ದಾರೆ.
ಭಾರತ ಆರ್ಥಿಕ ಬೆಳವಣಿಗೆಯಲ್ಲಿ ಒಂದು ಉಜ್ವಲ ತಾಣವಾಗಿ ಉಳಿಯಲಿದೆ. ಚೀನಾದ ರಫ್ತು ವ್ಯಾಪಾರದ ಸಮತೋಲನ ಕುಗ್ಗುತ್ತಿದೆ. ರಷ್ಯಾ ಮತ್ತು ಬ್ರೆಜಿಲ್ ದೇಶಗಳು ಗಂಭೀರ ಆರ್ಥಿಕ ಸಮಸ್ಯೆಗಳನ್ನು ಎದುರಿಸುತ್ತಿವೆ. ಲ್ಯಾಟಿನ್ ಅಮೇರಿಕದ ದೇಶಗಳು ನಿಧಾನ ಗತಿಯ ಬೆಳವಣಿಗೆ ತೀವ್ರವಾಗಿ ಮುಂದುವರೆಯಲಿದೆ ಎಂದು ಅವರು ತಿಳಿಸಿದ್ದಾರೆ.
ಕಡಿಮೆ ಆದಾಯ ಪಡೆಯುವ ರಾಷ್ಟ್ರಗಳಲ್ಲೂ ಚಟುವಟಿಕೆಗಳು ದುರ್ಬಲಗೊಳ್ಳುತ್ತಿದೆ. ಜಾಗತಿಕ ಮಟ್ಟದಲ್ಲಿ ಆರ್ಥಿಕ ಸ್ಥಿರತೆ ಕುಗ್ಗುತ್ತಿದೆ. ಆದರೆ ಜಪಾನ್ನಲ್ಲಿ ಧನಾತ್ಮಕ ಬೆಳವಣಿಗೆಯಾಗುತ್ತಿದ್ದು, ಅಮೇರಿಕ ಹಾಗೂ ಐರೋಪ್ಯ ರಾಷ್ಟ್ರಗಳು, ಯು.ಕೆ.ಗಳಲ್ಲಿ ಚಟುವಟಿಕೆಗಳು ದೃಢವಾಗಿ ಉಳಿದಿದೆ.
ಜಾಗತಿಕ ವ್ಯಾಪಾರ ಮಂದಗತಿಯಲ್ಲಿ ನಡೆಯುತ್ತಿದೆ. ಸರಕುಗಳ ಬೆಲೆಗಳು ಕ್ಷಿಪ್ರವಾಗಿ ಇಳಿಯುತ್ತಿದ್ದು ಸಂಪನ್ಮೂಲ ಆಧಾರಿತ ಆರ್ಥಿಕ ಸಮಸ್ಯೆಗಳನ್ನು ತಂದೊಡ್ಡಿದೆ. ಇವೆಲ್ಲದರ ನಡುವೆ ಚೀನಾದಲ್ಲಿ ಮೂಲಭೂತ ಬೆಳವಣಿಗೆ ಕಾಣಿಸುತ್ತಿದೆ. ಅದು ಆದಾಯ ಮತ್ತು ಜೀವನ ಗುಣಮಟ್ಟವನ್ನು ಹೆಚ್ಚಿಸಲು ರಚನಾತ್ಮಕ ಸುಧಾರಣೆಗಳನ್ನು ಮಾಡುತ್ತಿದೆ ಎಂದು ಅವರು ಹೇಳಿದ್ದಾರೆ.
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.