ಉಡುಪಿ : ಬ್ರಹ್ಮಾವರ ಚೇರ್ಕಾಡಿ ಗ್ರಾಮದ ವರಣಾಸಿ ಪ್ರದೇಶದ ಪಾಂಡುರಂಗ ಶೆಟ್ಟಿಗಾರ್‌ ಅವರ ಮಗ ಮಾನಸಿಕ ಅಸ್ವಸ್ಥ ಗಂಗಾಧರ (24) ದನದ ಕೊಟ್ಟಿಗೆಯಲ್ಲಿ ಸಂಪೂರ್ಣ ನಗ್ನ ಸ್ಥಿತಿಯಲ್ಲಿ ಪತ್ತೆಯಾಗಿದ್ದಾರೆ. ಮನೆಮಂದಿಯು ಮಣಿಪಾಲ, ಶಿವಮೊಗ್ಗದ ಮಾನಸಿಕ ಆಸ್ಪತ್ರೆಯಲ್ಲಿ ಚಿಕಿತ್ಸೆ, ಹೋಮಿಯೋಪತಿ ಚಿಕಿತ್ಸೆ, ದೈವೀ ಭಕ್ತರಾಗಿ ಕೇರಳದ ಪೊಟ್ಟಾಯಂಗೂ ಹೋಗಿ ಬೇಡಿಕೊಂಡರೂ ಯುವಕನ ಸ್ಥಿತಿ ಸುಧಾರಿಸಿಲ್ಲ.
ಮನೆಮಂದಿಯೊಂದಿಗೆ ಸಮಾಜ ಸೇವಕರಾದ ರಾಜೇಶ್‌ ಪ್ರಭು ಪರ್ಕಳ, ಗಣೇಶ್‌ರಾಜ್‌ ಸರಳೇಬೆಟ್ಟು ಅವರು ಮುಂದಿನ ಬೆಳವಣಿಗೆಯ ಬಗ್ಗೆ ಚರ್ಚಿಸಿದ್ದಾರೆ. ದಾನಿಗಳಿದ್ದರೆ ಸಿಂಡಿಕೇಟ್‌ ಬ್ಯಾಂಕಿನ ಚೇರ್ಕಾಡಿ ಶಾಖೆಯ ಉಳಿತಾಯ ಖಾತೆ 01812200053544 ಇದಕ್ಕೆ ಹಣ ಕಳುಹಿಸಬಹುದು. ಐಎಫ್ಎಸ್‌ಸಿ ಕೋಡ್‌ : ಎಸ್‌ವೈಎನ್‌ಬಿ-0000181.
ಪೇತ್ರಿಯಲ್ಲಿ : ಪೇತ್ರಿ ಸಮೀಪದ ಗೊದ್ದನಕಟ್ಟೆ ಎನ್ನುವಲ್ಲಿ ಇಬ್ಬರು ಮಾನಸಿಕ ಅಸ್ವಸ್ಥರು ಪತ್ತೆಯಾಗಿದ್ದಾರೆ. ಮಾನಸಿಕ ಅಸ್ವಸ್ಥರಾದ ರಾಘವೇಂದ್ರ ಶೇರ್ವೆಗಾರ (30) ಮತ್ತು ಅವರ ತಾಯಿ ವೇದಾವತಿ ಶೇರ್ವೆಗಾರ ಅವರನ್ನು ಸಮಾಜ ಸೇವಕರಾದ ನಿತ್ಯಾನಂದ ಒಳಕಾಡು, ವಿಶು ಶೆಟ್ಟಿ ಅಂಬಲಪಾಡಿ, ಗಣೇಶ್‌ ರಾಜ್‌ ಸರಳೇಬೆಟ್ಟು, ರಾಜೇಶ್‌ ಪ್ರಭು ಪರ್ಕಳ ಅವರು ಸೇರಿಕೊಂಡು ನಿತ್ಯಾನಂದ ಒಳಕಾಡು ಅವರ ಉಚಿತ ಆ್ಯಂಬುಲೆನ್ಸ್‌ ಮೂಲಕ ದೊಡ್ಡಣಗುಡ್ಡೆಯ ಬಾಳಿಗ ಆಸ್ಪತ್ರೆಗೆ ದಾಖಲಿಸಿದ್ದಾರೆ. ವಿದ್ಯಾಧರ್‌ ಮತ್ತು ಕಮಲಾಕ್ಷ ಪ್ರಭು ಸಹಕರಿಸಿದ್ದರು.
News13
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
