ಹೆತ್ತವರೂ ಶಿಕ್ಷಣದ ಬಗ್ಗೆ ನಿಗಾ ವಹಿಸಿದಲ್ಲಿ ಯೋಗ್ಯ ಫಲಿತಾಂಶ ನಿರೀಕ್ಷಿಸಲು ಸಾಧ್ಯ

ಬೆಳ್ತಂಗಡಿ : ಮಕ್ಕಳ ಉತ್ತಮ ಭವಿಷ್ಯ ಶಿಕ್ಷಕರ ಕೈಯಲ್ಲಿದೆ. ಇದರ ಜೊತೆಗೆ ಹೆತ್ತವರೂ ಶಿಕ್ಷಣದ ಬಗ್ಗೆ ನಿಗಾ ವಹಿಸಿದಲ್ಲಿ ಯೋಗ್ಯ ಫಲಿತಾಂಶ ನಿರೀಕ್ಷಿಸಲು ಸಾಧ್ಯಎಂದು ಬೆಂಗಳೂರಿನ ಉದ್ಯಮ ಎಂ.ನಾರಾಯಣ ಬೇಗೂರು ಹೇಳಿದರು. ಅವರು ಭಾನುವಾರ ವಾಣಿಕಾಲೇಜಿನಲ್ಲಿ ಬೆಳ್ತಂಗಡಿ ತಾಲೂಕು ಗೌಡರ ಯಾನೆ ಒಕ್ಕಲಿಗರ ಸೇವಾ ಸಂಘದ ವತಿಯಿಂದ ನಡೆದ ಪ್ರತಿಭಾ ಪುರಸ್ಕಾರ ಹಾಗೂ ಗ್ರಾ.ಪಂ.ಸದಸ್ಯರಅಭಿನಂದನಾ ಸಮಾರಂಭವನ್ನು ಉದ್ಘಾಟಿಸಿ ಮಾತನಾಡಿದರು.

ಯೌವನಕ್ಕೆಕಾಲಿರಿಸುತ್ತಿರುವ ಸಮಯದಲ್ಲಿ ಮಕ್ಕಳು ದಾರಿತಪ್ಪದಂತೆಎಚ್ಚರವಹಿಸಬೇಕು.ಪೋಷಕರು ಮಕ್ಕಳೊಂದಿಗೆ ಬೆರೆತು ಅವರಲ್ಲಿರುವ ಪ್ರತಿಭೆಗಳನ್ನು ಪ್ರೋತ್ಸಾಹಿಸಬೇಕು. ಸಂಘ ಸಂಸ್ಥೆಗಳು ರಾಜಕೀಯ ರಹಿತವಾಗಿರಬೇಕು. ಮಕ್ಕಳು ಮಾತನಾಡುವ ದೇವರಿದ್ದಂತೆ. ಹೀಗಾಗಿ ನಾನು ನನ್ನ ವರಮಾನದ ಒಂದಂಶವನ್ನು ಸಮಾಜದ ಮಕ್ಕಳ ಶಿಕ್ಷಣಕ್ಕಾಗಿ ವಿನಿಯೋಗಿಸುತ್ತಿದ್ದೇನೆ. ಇಲ್ಲಿನ ಗ್ರಂಥಾಲಯ ಮತ್ತು ಕಾಲೇಜಿನ ಕಟ್ಟಡ ನಿರ್ಮಾಣಕ್ಕೆ ರೂ.30  ಲಕ್ಷ ದೇಣಿಗೆ ಸಂಗ್ರಹಿಸಿ ಕೊಡುವುದಾಗಿ ಭರವಸೆ ನೀಡಿದರಲ್ಲದೆ ತನ್ನ ದೇಣಿಗೆಯಾಗಿ ಮೊದಲ ಕಂತು ರೂ.1 ಲಕ್ಷವನ್ನು ನೀಡಿದರು.

ಅಧ್ಯಕ್ಷತೆಯನ್ನು ವಹಿಸಿದ್ದ ಸಂಘದಅಧ್ಯಕ್ಷ ಪಿ.ಕುಶಾಲಪ್ಪಗೌಡ ಅವರುಗ್ರಾಮ ಮಟ್ಟದಲ್ಲಿ ಸಂಘಟನೆಯ ಬಲಪಡಿಸುವಲ್ಲಿ ಸಮಾಜದ ಚುನಾಯಿತ ಪ್ರತಿನಿಧಿಗಳು ಆದ್ಯತೆ ಕೊಡಬೇಕು. ಪುರಸ್ಕಾರ ಪಡೆದ ವಿದ್ಯಾರ್ಥಿಗಳು ಮುಂದಿನ ದಿನಗಳಲ್ಲಿ ಸಂಸ್ಥೆಗೆ ಪ್ರೋತ್ಸಾಹ ನೀಡಬೇಕು ಎಂದರು.ರಾಜ್ಯ ಸರಕಾರದ ಸಮಾಜಕಲ್ಯಾಣ ಮಂಡಳಿ ಅಧ್ಯಕ್ಷೆ ದಿವ್ಯಪ್ರಭಾ ಚಿಲ್ತಡ್ಕ, ಸಂಘದ ಕಾರ್ಯದರ್ಶಿ ಸೋಮೆಗೌಡ, ಉಪಾಧ್ಯಕ್ಷೆ ಜಯಶ್ರೀ ಗೌಡ, ಕೋಶಾಧಿಕಾರಿರಾಜೀವಗೌಡ, ವಾಣಿಕಾಲೇಜಿನ ಪ್ರಾಚಾರ್ಯಯದುಪತಿಗೌಡ, ವಾಣಿ ಪ್ರೌಢಶಾಲಾ ಮುಖ್ಯೋಪಾಧ್ಯಾಯ ಲಕ್ಷ್ಮೀ ನಾರಾಯಾಣ ಉಪಸ್ಥಿತರಿದ್ದರು.

ಗ್ರಾ.ಪಂ.ಸದಸ್ಯರ ಪರವಾಗಿ ನಾರಾಯಣಗೌಡ ಮುಂಡಾಜೆ, ಪುರಸ್ಕೃತ ವಿದ್ಯಾರ್ಥಿಗಳ ಪರವಾಗಿ ಹರಿಣಾಕ್ಷಿ ನಾವೂರು ಅನಿಸಿಕೆ ವ್ಯಕ್ತ ಪಡಿಸಿದರು. ಎಂಡೋ ಸಂತ್ರಸ್ಥರ ಹೋರಾಟಗಾರ ಶ್ರೀಧರ ಗೌಡಕೆಂಗುಡೇಲುಅವರನ್ನು ಸಮ್ಮಾನಿಸಲಾಯಿತು.ಸಂಘದ ಜತೆ ಕಾರ್ಯದರ್ಶಿ ಮೋಹನ ಗೌಡ ಸ್ವಾಗತಿಸಿದರು. ಉಪನ್ಯಾಸಕರಾದ ಮಹಾಬಲ ಗೌಡ ಹಾಗೂ ಕ್ಷ್ಮಣಗೌಡಕಾರ್ಯಕ್ರಮ ನಿರ್ವಹಿಸಿದರು.ಉಪನ್ಯಾಸಕಆನಂದಗೌಡ ವಂದಿಸಿದರು.