ಭಾರತದಲ್ಲಿ ಸ್ವಚ್ಛ ಭಾರತ ಆಂದೋಲನವನ್ನು ನಡೆಸಲಾಗುತ್ತಿದೆ. ಎಲ್ಲರೂ ಅವರದೇ ಆದ ರೀತಿಯಲ್ಲಿ ಭಾರತವನ್ನು ಸ್ವಚ್ಛಗೊಳಿಸಲು ಪ್ರಯತ್ನಿಸುತ್ತಿದ್ದಾರೆ. ಸ್ವಚ್ಛತೆಯ ಬಗೆಗಿನ ಜನತೆಯ ಮನಸ್ಥಿತಿಯನ್ನು ಬದಲಾಯಿಸಲು ದೇಶದಾದ್ಯಂತ ಪ್ರಯತ್ನಗಳು ನಡೆಯುತ್ತಿದೆ. ಆದರೆ ಮುಂಬಯಿಯ ಇಬ್ಬರು ಯುವಕರು ಸ್ವಚ್ಛ ಭಾರತಕ್ಕಾಗಿ ಮಾಡಿದ ಕಾರ್ಯ ಎಲ್ಲರ ಪ್ರಶಂಸೆಗೆ ಪಾತ್ರವಾಗಿದೆ.
ತಮ್ಮ ಸುತ್ತಮುತ್ತಲ ಪರಿಸರವನ್ನು ಸ್ವಚ್ಛವಾಗಿಡಲು ‘ಕಸದಬುಟ್ಟಿಯಲ್ಲಿ ಕಸ ಹಾಕಿ ಉಚಿತ ವೈಫೈ ಪಡೆಯಿರಿ’ ಎಂಬ ಘೋಷಣೆಯೊಂದಿಗೆ ‘ವೈಫೈ ಥ್ರ್ಯಾಷ್ ಬಿನ್’ ಎಂಬ ವಿನೂತನ ಯೋಜನೆ ಆರಂಭಿಸಿದ್ದಾರೆ ರಾಜ್ ದೇಸಾಯಿ ಮತ್ತು ಪ್ರತೀಕ್ ಅಗರ್‌ವಾಲ್ ಎಂಬ ಇಬ್ಬರು ಸ್ನೇಹಿತರು.
ಇವರು ವಿನೂತನವಾಗಿ ವಿನ್ಯಾಸಗೊಳಿಸಿರುವ ಕಸದಬುಟ್ಟಿಯಲ್ಲಿ ಕಸ ಹಾಕಿದರೆ, ಅದರ ಕೋಡ್ ಕಸದಬುಟ್ಟಿಯ ಮುಂಭಾಗದ ಎಲ್‌ಇಡಿ ಡಿಸ್‌ಪ್ಲೇನಲ್ಲಿ ಜನರೇಟ್ ಆಗುತ್ತದೆ. ಆ ಕೋಡನ್ನು ಉಪಯೋಗಿಸಿ ನಾವು ವೈಫೈ ನೆಟ್‌ವರ್ಕ್‌ನ್ನು ಪಡೆದುಕೊಳ್ಳಬಹುದು. ಉಚಿತ ವೈಫೈ ಪಡೆಯುವ ಆಸೆಗಾದರೂ ಜನ ಕಸವನ್ನು ನೆಲಕ್ಕೆ ಬಿಸಾಕದೆ ಈ ಕಸದಬುಟ್ಟಿಯಲ್ಲಿ ಹಾಕುತ್ತಾರೆ ಎಂಬ ಆಶಯ ಈ ಸ್ನೇಹಿತರದ್ದು.
25 ವರ್ಷದ ಈ ಸ್ನೇಹಿತರು ಬಿ.ಕಾಂ ಪದವೀಧರರು, ತಂತ್ರಜ್ಞಾನದ ಬಗೆಗೆ ಅಷ್ಟಾಗಿ ಜ್ಞಾನ ಇಲ್ಲದಿದ್ದರೂ ಸ್ವಂತವಾಗಿಯೇ ಕೆಲವೊಂದು ಪ್ರೊಗ್ರಾಮಿಂಗ್‌ಗಳನ್ನು ಕಲಿತು ಅದನ್ನು ಉತ್ತಮವಾದುದುಕ್ಕೆ ಬಳಸುತ್ತಿದ್ದಾರೆ.
ಇದೀಗ ಇವರು ಮಲ್ಟಿಪ್ಲೆಕ್ಸ್, ರಿಟೇಲ್ ಶಾಪ್, ಮ್ಯೂಸಿಕ್ ಫೆಸ್ಟಿವಲ್ ಮುಂತಾದ ಕಡೆ ವೈಫೈ ನೆಟ್‌ವರ್ಕ್‌ಗಳನ್ನು ಸ್ಥಾಪಿಸುತ್ತಿದ್ದಾರೆ. ಸ್ವಚ್ಛ ಭಾರತ ಆಂದೋಲನದಿಂದ ಪ್ರೇರಿತರಾಗಿ ‘ವೈಫೈ ಥ್ರ್ಯಾಷ್ ಬಿನ್’ನ್ನು ನಿರ್ಮಿಸಿದ್ದಾರೆ. ಈ ಯುವಕರ ಕಾರ್ಯ ಇದೀಗ ಭಾರೀ ಪ್ರಶಂಸೆ ಪಡೆಯುತ್ತಿದೆ.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
