ಆರ್‌ಬಿಐ ಈ ವರ್ಷದ ಕೊನೆಯಲ್ಲಿ ಡಿಜಿಟಲ್ ರೂಪಾಯಿಯನ್ನು ಪ್ರಾರಂಭಿಸಲು ತನ್ನ ಯೋಜನೆಗಳನ್ನು ಸಿದ್ಧಪಡಿಸುತ್ತಿದೆ, ಆದರೆ ಸರ್ಕಾರ ಮತ್ತು ಬ್ಯಾಂಕಿಂಗ್ ನಿಯಂತ್ರಕರ ಗಮನ ಸೈಬರ್ ವಂಚನೆಗಳಿಂದ ಭಾರತೀಯ ಆರ್ಥಿಕತೆಯನ್ನು ರಕ್ಷಿಸುವುದು ಮತ್ತು ದೇಶದ ಆರ್ಥಿಕ ಹಿತಾಸಕ್ತಿಗಳನ್ನು ಭದ್ರಪಡಿಸುವುದರತ್ತ ನೆಟ್ಟಿದೆ. ಸೈಬರ್ ಜಗತ್ತಿನಲ್ಲಿ ಆರ್ಥಿಕ ಭದ್ರತೆಯನ್ನು ಹೆಚ್ಚಿಸುವುದು ಡಿಜಿಟಲ್ ಉಪಕರಣಗಳ ಮೂಲಕ ಕರೆನ್ಸಿ ಜಾಗವನ್ನು ಮತ್ತಷ್ಟು ವಿಸ್ತರಿಸುವುದಕ್ಕೆ ಅತ್ಯಂತ ಅವಶ್ಯಕವಾಗಿದೆ.
ಜಾಗತಿಕವಾಗಿ ವರದಿಯಾಗುತ್ತಿರುವ ಸಿನಿಮಾ ರೀತಿಯ ಸೈಬರ್ ದಾಳಿಗಳಲ್ಲಿನ ನಾವೀನ್ಯತೆಯನ್ನು ಗಮನಿಸಿದರೆ ಫೈರ್‌ವಾಲ್‌ಗಳನ್ನು ಹೆಚ್ಚಿಸುವುದು ಗ್ರಾಹಕರಿಗೆ ಆರ್ಥಿಕ ವಹಿವಾಟುಗಳನ್ನು ಕೈಗೊಳ್ಳಲು ನಿರಾಳತೆ ನೀಡುವ ಏಕೈಕ ಆಯ್ಕೆಯಾಗಿದೆ.
ಆದರೆ ಡಿಜಿಟಲ್ ಕರೆನ್ಸಿಯ ಪರಿಚಯವು ಮತ್ತಷ್ಟು ದುರ್ಬಲತೆಗಳಿಗೆ ದಾರಿ ಮಾಡಿಕೊಡಬಲ್ಲದು ಎಂಬುದನ್ನು ಮರೆಯುವಂತಿಲ್ಲ. ವಂಚಕರು ಮತ್ತು ಭದ್ರತಾ ಉಲ್ಲಂಘನೆಗಳು ಆರ್ಥಿಕತೆಯಲ್ಲಿ ಸಂಭವಿಸಿ ಅಸ್ಥಿರ ಪರಿಸ್ಥಿತಿ ಉಂಟಾಗುವ ಬೆದರಿಕೆ ಇದೆ.
‘ICO’ ಹೆಸರಿನ ಅಸ್ತಿತ್ವದಲ್ಲಿಲ್ಲದ ಕ್ರಿಪ್ಟೋ ಕರೆನ್ಸಿಯ ಆರಂಭಿಕ ಸಾರ್ವಜನಿಕ ಕೊಡುಗೆಯಲ್ಲಿ ಕನಿಷ್ಠ 900 ಭಾರತೀಯರು 1200 ಕೋಟಿ ರೂ.ಗೂ ಹೆಚ್ಚು ವಂಚನೆಗೊಳಗಾಗಿದ್ದಾರೆ ಎಂದು ವರದಿಗಳು ತಿಳಿಸಿವೆ. ಖಾಸಗಿ ಕ್ರಿಪ್ಟೋ ಕರೆನ್ಸಿಗಳನ್ನು ಪರಿಚಯಿಸುವ ಪ್ರಸ್ತಾಪವನ್ನು ಮುಂದಿಡುವ ಸಂದರ್ಭದಲ್ಲಿ ಆರ್‌ಬಿಐ ಗವರ್ನರ್ ಶಕ್ತಿ ಕಾಂತ ದಾಸ್ ಅವರು ಈ ಸಮಸ್ಯೆಗಳು ಮತ್ತು ಮುಂಬರುವ ಆರ್ಥಿಕ ಅಶಾಂತಿಯ ಬಗ್ಗೆ ಎಚ್ಚರಿಕೆಯನ್ನು ನೀಡಿದ್ದಾರೆ.
ಸೈಬರ್ ಜಗತ್ತಿನಲ್ಲಿ ಭಾರತದ ಆರ್ಥಿಕ ಮತ್ತು ಆರ್ಥಿಕ ಹಿತಾಸಕ್ತಿಗಳನ್ನು ಸುರಕ್ಷಿತಗೊಳಿಸುವ ನೀತಿಯನ್ನು ರೂಪಿಸುವಲ್ಲಿ ಹಣಕಾಸು ಸಚಿವ ನಿರ್ಮಲಾ ಸೀತಾರಾಮನ್ ಉತ್ತಮವಾಗಿ ಕಾರ್ಯನಿರ್ವಹಿಸುತ್ತಿದ್ದಾರೆ. ಫೆಬ್ರವರಿ 1 ರಂದು ಮಂಡಿಸಲಿರುವ ಕೇಂದ್ರ ಬಜೆಟ್ ಅಂತಹ ನೀತಿ ಚೌಕಟ್ಟನ್ನು ಪ್ರಾರಂಭಿಸಬೇಕಾದುದು ಅಗತ್ಯ.
ಹೆಚ್ಚು ಹೆಚ್ಚು ವಹಿವಾಟುಗಳು ಆನ್‌ಲೈನ್‌ನಲ್ಲಿ ನಡೆಯುತ್ತಿರುವುದರಿಂದ ಹಣಕಾಸಿನ ಪರಿಸರ ವ್ಯವಸ್ಥೆಯನ್ನು ಸುರಕ್ಷಿತಗೊಳಿಸುವುದು ಮಹತ್ವದ್ದಾಗಿದೆ. ನ್ಯಾಶನಲ್ ಪೇಮೆಂಟ್ಸ್ ಕಾರ್ಪೊರೇಷನ್ ಆಫ್ ಇಂಡಿಯಾ (NPCI) ಬಿಡುಗಡೆ ಮಾಡಿದ ಮಾಹಿತಿಯ ಪ್ರಕಾರ, ಡಿಸೆಂಬರ್ 2020 ರಲ್ಲಿ ರೂ. 8.27 ಲಕ್ಷ ಕೋಟಿ ಒಳಗೊಂಡಿರುವ 4.56 ಶತಕೋಟಿ ವ್ಯವಹಾರಗಳು ಯುನಿಟೆಡ್ ಪೇಮೆಂಟ್ಸ್ ಇಂಟರ್ಫೇಸ್ ಅಥವಾ UPI ಮೂಲಕ ಆನ್‌ಲೈನ್‌ನಲ್ಲಿ ನಡೆದಿವೆ.
ಪ್ರಧಾನ ಮಂತ್ರಿ ನರೇಂದ್ರ ಮೋದಿ ನೇತೃತ್ವದ ಕ್ರಿಪ್ಟೋ ಕರೆನ್ಸಿಗಳ ಸಮಾಲೋಚನೆಯ ಮಾದರಿಯಲ್ಲಿ, ಸೈಬರ್ ಜಾಗದಲ್ಲಿ ಭಾರತೀಯ ಆರ್ಥಿಕತೆಯನ್ನು ಭದ್ರಪಡಿಸುವ ಕುರಿತು ಬಹು ಪಾಲುದಾರರ ಸಭೆಯನ್ನು ತಕ್ಷಣವೇ ಪ್ರಾರಂಭಿಸಬೇಕು.
ಭಾರತೀಯ ಕಂಪ್ಯೂಟರ್ ಎಮರ್ಜೆನ್ಸಿ ರೆಸ್ಪಾನ್ಸ್ ಟೀಮ್ (CERT-In) ಪ್ರಕಾರ, ಭಾರತದಲ್ಲಿ ಸೈಬರ್ ಅಪರಾಧಗಳು ಹೆಚ್ಚುತ್ತಿವೆ. ಜೂನ್ 2021 ರವರೆಗೆ, ಭಾರತೀಯ ಹಣಕಾಸು ಮಾರುಕಟ್ಟೆಗಳಲ್ಲಿ ಸೈಬರ್ ಅಪರಾಧಗಳು 6.07 ಲಕ್ಷದಷ್ಟಿದ್ದವು. ಹಿಂದಿನ ವರ್ಷ, ಸುಮಾರು 11.58 ಲಕ್ಷ ಸೈಬರ್ ಅಪರಾಧಗಳು ನಡೆದಿವೆ. 2019 ರಲ್ಲಿ ವರದಿಯಾದ 3.94 ಲಕ್ಷದಿಂದ ಎರಡು ವರ್ಷಗಳಲ್ಲಿ ಪ್ರಕರಣಗಳು ದ್ವಿಗುಣಗೊಂಡಿರುವುದರಿಂದ ತಂತ್ರಜ್ಞಾನ ಸಂಬಂಧಿತ ವಂಚನೆಗಳಿಗೆ ಹಿಡಿದ ಕೈಗನ್ನಡಿಯಾಗಿದೆ.
CLSA ಪ್ರಕಾರ, ಆನ್‌ಲೈನ್ ವಹಿವಾಟುಗಳು 2025-26 ರ ವೇಳೆಗೆ $ 900 ಶತಕೋಟಿಯಿಂದ ಡಾಲರ್ ಒಂದು ಟ್ರಿಲಿಯನ್‌ಗೆ ತಲುಪುತ್ತದೆ ಎಂದು ಅಂದಾಜಿಸಲಾಗಿದೆ. ಆನ್‌ಲೈನ್ ವಹಿವಾಟುಗಳು ಸುಮಾರು $61 ಶತಕೋಟಿಯಷ್ಟಿದ್ದು, 2015-16ರಲ್ಲಿ ಬಳಕೆಯ GDP ಯ ಶೇಕಡಾ ಆರಕ್ಕಿಂತ ಕಡಿಮೆಯಿತ್ತು. ಇದು ಕಾರ್ಪೊರೇಟ್ ಡೀಲ್‌ಗಳ ಹೊರತಾಗಿ ಬ್ಯಾಂಕಿಂಗ್, ಬ್ಯಾಂಕಿಂಗ್ ಅಲ್ಲದ ಮತ್ತು ಈಕ್ವಿಟಿಗಳು, ಸರಕುಗಳು, ಬೆಳ್ಳಿ ಮತ್ತು ರಿಯಲ್ ಎಸ್ಟೇಟ್ ಸೇರಿದಂತೆ ಎಲ್ಲಾ ಹಣಕಾಸು ಮಾರುಕಟ್ಟೆಗಳ ವಹಿವಾಟುಗಳನ್ನು ಒಳಗೊಂಡಿದೆ.
PwC ಇಂಡಿಯಾ ಮತ್ತು ಡೇಟಾ ಸೆಕ್ಯುರಿಟಿ ಕೌನ್ಸಿಲ್ ಆಫ್ ಇಂಡಿಯಾದ 2021 ರ ವರದಿಯಲ್ಲಿ ಲಭ್ಯವಿರುವ ಮತ್ತೊಂದು ಅಂಕಿ ಅಂಶಗಳ ಪ್ರಕಾರ, ಭಾರತದಲ್ಲಿ ಡಿಜಿಟಲ್ ಪಾವತಿಗಳ ಮೌಲ್ಯವು 2019 ರಲ್ಲಿ US $ 64.8 ಶತಕೋಟಿಯಿಂದ 2023 ರಲ್ಲಿ US $ 135.2 ಶತಕೋಟಿಗೆ ವಾರ್ಷಿಕವಾಗಿ 20.2 ಪ್ರತಿಶತದಷ್ಟು ಬೆಳೆಯುತ್ತದೆ ಎಂದು ಅಂದಾಜಿಸಲಾಗಿದೆ.
ಈ ಬೃಹತ್ ಪಾಲನ್ನು ನೋಡಿದರೆ, ಆರ್ಥಿಕ ವಲಯಲ್ಲಿ ಸೈಬರ್ ಅಪರಾಧಗಳ ವಿರುದ್ಧ ಭಾರತವು ಸಮಗ್ರ ನೀತಿ ಚೌಕಟ್ಟನ್ನು ರಚಿಸಬೇಕಾಗಿದೆ. ಮೊದಲಿಗೆ, ಚೀನಾ ಮತ್ತು ಪಾಕಿಸ್ತಾನದಂತಹ ನಿಷ್ಠುರ, ವಿಸ್ತರಣಾವಾದಿ ಮತ್ತು ಅವಿವೇಕದ ನೆರೆಹೊರೆಯವರೊಂದಿಗೆ, ಉಗ್ರರೊಂದಿಗೆ, ಮೂಲಭೂತವಾದಿಗಳೊಂದಿಗೆ ವ್ಯವಹರಿಸಲು ಮೋದಿ ಸರ್ಕಾರ ಮಾಡಿದಂತೆ ಡಿಜಿಟಲ್ ಆರ್ಥಿಕತೆ ರಕ್ಷಣೆಗೆ ವಾರ್ ರೂಮ್ ಅನ್ನು ಸ್ಥಾಪಿಸಬೇಕಾಗಬಹುದಾದ ಅಗತ್ಯವಿದೆ.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
