ಕಾಸರಗೋಡು : ಕೇರಳ ದಿನೇಶ್ ಬೀಡಿ ಬದಿಯಡ್ಕ ಸಂಘದ ಆಶ್ರಯದಲ್ಲಿ ಓಣಂ ಸಂತೆ ಬುಧವಾರ ಬದಿಯಡ್ಕ ಬಸ್ಸುನಿಲ್ದಾಣದ ಪರಿಸರದಲ್ಲಿ ಉದ್ಘಾಟನೆಗೊಂಡಿತು. ಬದಿಯಡ್ಕ ಪಂಚಾಯತು ಕ್ಷೇಮಕಾರ್ಯ ಸ್ಥಾಯಿ ಸಮಿತಿ ಅಧ್ಯಕ್ಷ ಮಾಹಿನ್ ಕೇಳೋಟ್ ಉದ್ಘಾಟಿಸಿದರು. ಅವರು ಮಾತನಾಡಿ ದಿನೇಶ್ ಬೀಡಿ ಸಂಘವು ಎಷ್ಟೋ ಜನರಿಗೆ ಉದ್ಯೋಗವನ್ನು ಸೃಷ್ಟಿಸಿದ ಸಂಘವಾಗಿದೆ.
ಓಣಂ ಸಂದರ್ಭದಲ್ಲಿ ಬದಿಯಡ್ಕ ಊರಿನ ಜನತೆಗೋಸ್ಕರ ಓಣಂ ಸಂತೆಯನ್ನು ತೆರೆದಿರುವುದು ಸಂತಸ ತಂದಿದೆ ಎಂದರು. 27 ನೇ ತಾರೀಕಿನ ವರೆಗೆ ಓಣಂ ಸಂತೆ ತೆರೆದಿರುತ್ತದೆ. ಇದರ ಸದುಪಯೋಗವನ್ನು ಪಡೆದುಕೊಳ್ಳಬೇಕೆಂದು ದಿನೇಶ್ ಬೀಡಿ ಸಹಕಾರಿ ಸಂಘದ ಮಾಜಿ ಅಧ್ಯಕ್ಷ ಪಿ.ಎನ್. ಆರ್. ಅಮ್ಮಣ್ಣಾಯ ನುಡಿದರು.
ಕಾಂಗ್ರೆಸ್ ನೇತಾರ ಪಿ.ಜಿ. ಚಂದ್ರಹಾಸ ರೈ, ಮುಸ್ಲಿಂಲೀಗಿನ ಬದ್ರುದ್ದೀನ್ ತಾಸಿಂ, ಸಿ.ಪಿ.ಐ.(ಎಂ)ನ ಜಗನ್ನಾಥ ಶೆಟ್ಟಿ, ಭಾರತೀಯ ಜನತಾಪಕ್ಷದ ಮಹೇಶ್ ವಳಕ್ಕುಂಜ, ಸಿ.ಪಿ.ಐ.ಯ ಎಂ. ಕೃಷ್ಣನ್, ಜೆಡಿ(ಯು)ನ ಎಂ.ಎಚ್. ಜನಾರ್ಧನ, ಜೆ.ಡಿ.(ಎಸ್.)ನ ಟಿಂಬರ್ ಮುಹಮ್ಮದ್ ಪಾಡ್ಲಡ್ಕ, ವ್ಯಾಪಾರೀ ವ್ಯವಸಾಯೀ ಏಕೋಪನ ಸಮಿತಿಯ ಬದಿಯಡ್ಕ ಘಟಕದ ಅಧ್ಯಕ್ಷ ಎಸ್.ಎನ್. ಮಯ್ಯ ಮುಂತಾದ ನೇತಾರರು ಶುಭಹಾರೈಸಿದರು. ಸಂಘದ ಕಾರ್ಯದರ್ಶಿ ಕಾತ್ಯಾಯಿನಿ ಸ್ವಾಗತಿಸಿ ಆಡಳಿತ ಸಮಿತಿ ಸದಸ್ಯೆ ಬೇಬಿ ಸೀತಂಗೋಳಿ ಧನ್ಯವಾದವನ್ನಿತ್ತರು.
News13
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
