ಉಡುಪಿ : ಪೇಜಾವರ ಮಠದ ಆಶ್ರಯದಲ್ಲಿ ನಡೆಯುತ್ತಿರುವ ಉಡುಪಿ ಕೊಡವೂರು ಮತ್ತು ನೀಲಾವರದ ಗೋಶಾಲೆಗಳಲ್ಲಿ ಸುಮಾರು ಒಂದು ಸಾವಿರಕ್ಕೂ ಮಿಕ್ಕಿ ಗೋವುಗಳ ಪೋಷಣೆ ನಡೆಯುತ್ತಿದ್ದು ಪ್ರತಿ ತಿಂಗಳು ಮೇವಿಗೆ 8-10 ಲ.ರೂ. ಖರ್ಚು ಮಾಡಲಾಗುತ್ತಿದೆ. ಮಳೆಗಾಲದಲ್ಲಿ ಎಲ್ಲೆಡೆ ಬೆಳೆದ ಹಸಿಹುಲ್ಲು ವ್ಯರ್ಥವಾಗಿ ಕೊಳೆತುಹೋಗುತದ್ದೆ. ಅದರ ಬದಲು ನಮ್ಮ ಗೋಶಾಲೆಗೆ ನೀಡಿದರೆ ಅದು ಗೋವುಗಳ ಮೇವಿಗೆ ಸದ್ವಿನಿಯೋಗವಾಗುತ್ತದೆ ಎಂದು ಉಡುಪಿ ಪೇಜಾವರ ಮಠದ ಗೋವರ್ಧನಗಿರಿ ಟ್ರಸ್ಟ್‌ ಹೇಳಿದೆ.
ಸಂಘಸಂಸ್ಥೆಗಳು ಸಹಕರಿಸಿ
ಸಂಘಸಂಸ್ಥೆ, ವಿವಿಧ ಮಂಡಳಿಗಳು, ಸಮಿತಿಗಳ ಸದಸ್ಯರು ತಮ್ಮ ಪ್ರದೇಶಗಳಲ್ಲಿರುವ ಹಸಿ ಹುಲ್ಲನ್ನು ವಾರದ ರಜಾದಿನಗಳಲ್ಲಿ ಶ್ರಮದಾನದ ಮೂಲಕ ಕಟಾವು ಮಾಡಿಸಿ ಕಳಿಸಿದರೆ ಗೋವುಗಳಿಗೆ ಹಸಿಹುಲ್ಲಿನ ಮೇವು ದೊರಕಿದಂತಾಗುತ್ತದೆ. ಈ ಮೂಲಕ ಹಸುವಿಗೆ ಹಸಿವಿಗೆ ಮೇವಿಗೆ ಆಧಾರವಾದಂತಹ ಪುಣ್ಯನಿಮಗೆ ಲಭಿಸುತ್ತದೆ. ಹಾಗೆಯೇ ತರಕಾರಿ ತ್ಯಾಜ್ಯ, ಅಕ್ಕಿ ಎಣ್ಣೆ ಮಿಲ್ಲಿನಲ್ಲಿನ ತ್ಯಾಜ್ಯವನ್ನು ಕೂಡ ಸಂಗ್ರಹಿಸಿ ಗೋಶಾಲೆಗೆ ಕಳಿಸಬಹುದು ಎಂದು ಹೇಳಿದೆ.
ಉದ್ಯಮಿಗಳು ಲಾಭದ ಒಂದಂಶ ನೀಡಿ
ಗೋಹಾಲಿನ ಮೇಲೆ ನಿಂತಿರುವ ಹೊಟೇಲ್‌ ಉದ್ಯಮ ತಮ್ಮ ಲಾಭಾಂಶದ ಒಂದಂಶವನ್ನು ಗೋಶಾಲೆಗಳಿಗೆ ನೀಡುವಂತಾಗಬೇಕು. ಗೋವುಗಳು ಮೇಯುತ್ತಿದ್ದ ಹೊಲ-ಗದ್ದೆ, ಕಾಡು-ಮೇಡುಗಳು ಬರಿದಾಗಿ ಕಟ್ಟಡ ಉದ್ಯಮವೇ ಎದ್ದು ನಿಂತಿದೆ. ಅಂತಹ ಉದ್ಯಮಿಗಳು ತಮ್ಮ ಲಾಭದ ಒಂದಂಶವನ್ನಾದರೂ ಗೋವುಗಳಿಗೆ ನೀಡಿ ಸಹಕರಿಸಬೇಕು ಎಂದು ಗೋವರ್ಧನಗಿರಿ ಟ್ರಸ್ಟ್‌ ಕಾರ್ಯದರ್ಶಿ ಜಲಂಚಾರು ರಘುಪತಿ ತಂತ್ರಿ ಪ್ರಕಟನೆಯಲ್ಲಿ ವಿನಂತಿಸಿಕೊಂಡಿದ್ದಾರೆ.
News13
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
