ಪಾಲ್ತಾಡಿ : ಬೆಳ್ಳಾರೆ ಟೌನ್ ರೋಟರಿಕ್ಲಬ್,ಪೆರುವಾಜೆ ಡಾ.ಕೆ.ಶಿವರಾಮ ಕಾರಂತ ಪ್ರ.ಧ. ಕಾಲೇಜಿನ ರಾಷ್ಟ್ರೀಯ ಸೇವಾ ಯೋಜನೆ,ಸ್ನೇಹಿತರ ಕಲಾ ಸಂಘದ ವತಿಯಿಂದ ಕಾವಿನಮೂಲೆ ಐತ್ತಪ್ಪ ಗೌಡ ಹಾಗೂ ನರಸಿಂಹ ಜೋಶಿಯವರ ಗದ್ದೆಯಲ್ಲಿ ಭತ್ತದ ಕೃಷಿಯ ಪ್ರಾತ್ಯಕ್ಷಿಕೆ, ಮಾಹಿತಿ ಕಾರ್ಯಾಗಾರ ನಡೆಯಿತು.
ಕಾರ್ಯಕ್ರಮವನ್ನು ಉದ್ಘಾಟಿಸಿದ ರೋಟರಿ ಡಿಸ್ಟ್ರಿಕ್ ೩೧೮೦ನ ಅಸಿಸ್ಟೆಂಟ್ ಗವರ್ನರ್ ರಾಮಕೃಷ್ಣ ಮಲ್ಲಾರ ಮಾತನಾಡಿ, ನಶಿಸಿಹೋಗುತ್ತಿರುವ ಪಾರಂಪರಿಕ ಭತ್ತದ ಕೃಷಿಯ ಕುರಿತು ಯುವಜನತೆಗೆ ಮಾಹಿತಿ ನೀಡುವ ಕಾರ್ಯಕ್ರಮ ಇಂದಿನ ಅಗತ್ಯ.ಈ ನಿಟ್ಟಿನಲ್ಲಿ ಸಂಘಟಕರ ಕಾರ್ಯ ಶ್ಲಾಘನೀಯ, ಪ್ರಸ್ತುತ ಯುವಜನತೆ ಕೃಷಿ ಕಡೆ ಆಸಕ್ತಿ ವಹಿಸಬೇಕಾದ್ದು ಇಂದಿನ ಅಗತ್ಯ , ನಮ್ಮ ಜೀವನವು ಕೃಷಿ ಪರಂಪರೆಯೊಂದಿಗೆ ಸಮ್ಮಿಳಿತವಾಗಿದೆ. ಕೃಷಿಯಿದ್ದರೆ ನಮ್ಮ ಸಂಸ್ಕೃತಿ , ಜೀವನ ಉಳಿಯಲು ಸಾಧ್ಯ.ಕೃಷಿ ಕುರಿತು ಜಾಗೃತಿ ಉಂಟುಮಾಡುವ ಕಾರ್ಯ ನಿರಂತರತೆಯನ್ನು ಕಾಯ್ದುಕೊಳ್ಳಬೇಕು ಎಂದರು.
ರೋಟರಿ ವಾಣಿ ಬುಲೆಟಿನ್ ಬಿಡುಗಡೆ ಮಾಡಿ ಮಾತನಾಡಿದ ಪೆರುವಾಜೆ ಡಾ.ಕೆ.ಶಿವರಾಮ ಕಾರಂತ ಪ್ರ.ಧ. ಕಾಲೇಜಿನ ಪ್ರಾಂಶುಪಾಲ ರಾಜಶೇಖರ್ ಹೆಬ್ಬಾರ್ ,ಇಂದಿನ ಕಾಲಘಟ್ಟದಲ್ಲಿ ವಿದ್ಯಾರ್ಥಿಗಳನ್ನು ಕೃಷಿಯ ಕಡೆ ವಿಮುಖರಾಗುವಂತೆ ಹೆತ್ತವರೇ ಪ್ರೋತ್ಸಾಹಿಸುತ್ತಿರುವುದು ಕಂಡು ಬರುತ್ತಿದೆ ಇದು ವಿಷಾದನೀಯ,ಮುಂದೆ ಕೃಷಿ ಪರಂಪರೆ ಇದೇ ರೀತಿ ಅವನತಿಯತ್ತ ಸಾಗಿದರೆ ಜೀವನವೇ ಅಲ್ಲೋಲ ಕಲ್ಲೋಲವಾಗಲಿದೆ.ಇದಕ್ಕಾಗಿ ಅವರವರಿಗೆ ಅವಶ್ಯವಿರುವ ಭತ್ತದ ಉತ್ಪಾದನೆಯನ್ನು ಬೆಳೆದರೆ ಉತ್ತಮ.ಕೃಷಿ ಕಾರ್ಯದಿಂದ ಖುಷಿಯ ಜತೆಗೆ ಪುಣ್ಯ ಸಂಪಾದನೆಯಾಗುತ್ತದೆ ಎಂದರು.
ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿದ್ದ ರೋಟರಿಕ್ಲಬ್‌ನ ಅಧ್ಯಕ್ಷ ರವೀಂದ್ರ ಗೌಡ ಮರಕ್ಕಡ ಮಾತನಾಡಿ, ಹಿಂದಿನ ಕಾಲದಲ್ಲಿ ಕೃಷಿ ಕಾರ್ಯ ನಿತ್ಯದ ಕೆಲಸವಾಗಿತ್ತು. ಆದರೆ ಪ್ರಸ್ತುತ ಇಂತಹ ಕಾರ್ಯಕ್ರಮವನ್ನು ಪ್ರಾತ್ಯಕ್ಷಿಕೆ ಮೂಲಕ ತೋರಿಸಬೇಕಾಗಿರುವುದು ಬೇಸರದ ವಿಚಾರ. ಕೃಷಿ ಅಳಿದರೆ ನಮ್ಮ ಜೀವನವೇ ಅಳಿದಂತೆ ಇದನ್ನು ಇಂದಿನ ಯುವಜನತೆ ಅರಿತು ಕೊಳ್ಳಬೇಕಾದ ಅನಿವಾರ್ಯತೆ ಇದೆ ಎಂದರು.
ವೇದಿಕೆಯಲ್ಲಿ ಬೆಳ್ಳಾರೆ ಸ್ನೇಹಿತರ ಕಲಾ ಸಂಘದ ಉಪಾಧ್ಯಕ್ಷ ಆನಂದ ಗೌಡ ,ರಾಷ್ಟ್ರೀಯ ಸೇವಾ ಯೋಜನೆಯನಿರ್ದೇಶಕ ವೇಣುಗೋಪಾಲ್ ,ಕಾರ್ಯಕ್ರಮ ಆಯೋಜಕ ಐತ್ತಪ್ಪ ಗೌಡ ಕಾವಿನಮೂಲೆ,ಅಜಪಿಲ ಮಹಾಲಿಂಗೇಶ್ವರ ದೇವಳದ ವ್ಯವಸ್ಥಾಪನ ಸಮಿತಿ ಮಾಜಿ ಅಧ್ಯಕ್ಷ ಸುರೇಶ್ ಕುಮಾರ್ ರೈ ಪನ್ನೆ , ಬೆಳ್ಳಾರೆ ರೋಟರಿಕ್ಲಬ್‌ನ ಐ.ಪಿ.ಪಿ.ಪ್ರಮೋದ್ ಶೆಟ್ಟಿ ಉಪಸ್ಥಿತರಿದ್ದರು.
ಸುಳ್ಯ ರೈತ ಸಂಪರ್ಕ ಕೇಂದ್ರದ ಕೃಷಿ ಅಧಿಕಾರಿ ಮೋಹನ್ ನಂಗಾರು ಸಂಪನ್ಮೂಲ ವ್ಯಕ್ತಿಯಾಗಿ ಮಾಹಿತಿ ಕಾರ್ಯಗಾರ ಹಾಗೂ ಭತ್ತದ ಕೃಷಿ ಪ್ರಾತ್ಯಕ್ಷಿಕೆ ನಡೆಸಿಕೊಟ್ಟರು.ಈ ಸಂಧರ್ಭದಲ್ಲಿ ಬೆಳ್ಳಾರೆ ಗ್ರಾ.ಪಂ,ಸದಸ್ಯರಾಗಿ ಆಯ್ಕೆಯಾದ ನವೀನ್ ಕುಮಾರ್ ರೈ ತಂಬಿನಮಕ್ಕಿ ,ಸವಿತಾ ,ಕೊಡಿಯಾಲ ಗ್ರಾ.ಪಂ.ಅಧ್ಯಕ್ಷರಾಗಿ ಆಯ್ಕೆಯಾದ ಮೋಹನ್ ಸಾಲಿಯಾನ್ ರನ್ನು ಗೌರವಿಸಲಾಯಿತು.ಕಾರ್ಯಕ್ರಮ ಸಂಯೋಜಕ ಬಿ.ಸುಬ್ರಹಣ್ಯ ಜೋಶಿ ಸ್ವಾಗತಿಸಿ,ವಿದ್ಯಾರ್ಥಿ ದುರ್ಗಾಪರಮೇಶ್ವರಿ ವಂದಿಸಿದರು.ಹಿತೈಷಿ ಕಾರ್ಯಕ್ರಮ ನಿರೂಪಿಸಿದರು.
News13
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
