ನವದೆಹಲಿ: ಒಂದು ಪ್ರಮುಖ ಬೆಳವಣಿಗೆಯಲ್ಲಿ, ಕೊರೋನಾವೈರಸ್ ಸಾಂಕ್ರಾಮಿಕ ರೋಗವನ್ನು ಎದುರಿಸಲು ವಿಶ್ವದ ವಿವಿಧ ದೇಶಗಳಿಗೆ ಸಹಾಯ ಮಾಡುವ ವೈದ್ಯಕೀಯ ನೆರವು ಪ್ರಯತ್ನಗಳನ್ನು ಹೆಚ್ಚಿಸಲು ಭಾರತ ನಿರ್ಧರಿಸಿದೆ.
ವರದಿಯ ಪ್ರಕಾರ, ಮುಂದಿನ ಕೆಲವು ವಾರಗಳಲ್ಲಿ 90 ಕ್ಕೂ ಹೆಚ್ಚು ದೇಶಗಳನ್ನು ಒಳಗೊಳ್ಳಲು ಭಾರತ ನಿರ್ಧರಿಸಿದೆ ಮತ್ತು ಈ ರಾಜತಾಂತ್ರಿಕ ಕುಶಲತೆಗೆ ನವದೆಹಲಿಗೆ 110-120 ಕೋಟಿ ರೂ. ವ್ಯಯವಾಗಲಿದೆ.
ವಾಣಿಜ್ಯ ದೃಷ್ಟಿಯಿಂದ ಭಾರತವು ವಿವಿಧ ದೇಶಗಳಿಗೆ ಪೂರೈಸುತ್ತಿರುವ ಔಷಧಗಳು ಮತ್ತು ಸಲಕರಣೆಗಳಿಗೆ ಹೆಚ್ಚುವರಿಯಾಗಿ ಈ ನೆರವು ಸಿಗಲಿದೆ.
ವಿದೇಶಾಂಗ ಸಚಿವಾಲಯವು ಪ್ರಸ್ತುತ 67 ದೇಶಗಳಿಗೆ 60 ಕೋಟಿ ರೂ.ಗಳ ಔಷಧಗಳು, ಪರೀಕ್ಷಾ ಕಿಟ್‌ಗಳು ಮತ್ತು ಇತರ ವೈದ್ಯಕೀಯ ಸಹಾಯವನ್ನು ಪೂರೈಸುತ್ತಿದೆ.
“ಆದರೆ ಪ್ರಧಾನಿ ಮೋದಿಯವರ ಸ್ಪಷ್ಟ ನಿರ್ದೇಶನಗಳನ್ನು ಗಮನದಲ್ಲಿಟ್ಟುಕೊಂಡು ವಿದೇಶಾಂಗ ಸಚಿವಾಲಯವು ತೆರವುಗೊಳಿಸಬಹುದಾದ ಇನ್ನೂ ಅನೇಕ ಮನವಿಗಳನ್ನು ನಾವು ಸ್ವೀಕರಿಸಿದ್ದೇವೆ” ಎಂದು ಸರ್ಕಾರಿ ಉನ್ನತ ಅಧಿಕಾರಿಯೊಬ್ಬರು ವರದಿಯಲ್ಲಿ ಉಲ್ಲೇಖಿಸಿದ್ದಾರೆ.
ಈ ಪ್ರಯತ್ನಗಳು ಸಾಧ್ಯವಾದಷ್ಟು ಹೆಚ್ಚು ದೇಶಗಳನ್ನು ತಲುಪಲು ವಿದೇಶಾಂಗ ಸಚಿವ ಎಸ್. ಜೈಶಂಕರ್ ಅವರಿಗೆ ಪ್ರಧಾನಿ ಮೋದಿ ನೀಡಿದ ಸಲಹೆಗೆ ಅನುಗುಣವಾಗಿದೆ.
ಮುಖ್ಯವಾಗಿ, ದಕ್ಷಿಣ ಏಷ್ಯಾ ಪ್ರದೇಶ, ಹಿಂದೂ ಮಹಾಸಾಗರ ಪ್ರದೇಶ, ಗಲ್ಫ್ (ಕುವೈಟ್), ಮಧ್ಯ ಏಷ್ಯಾ (ಖಜಕೀಸ್ಥಾನ, ಪಾಕಿಸ್ಥಾನ, ಅರ್ಮೇನಿಯಾ, ತಜಿಕೀಸ್ಥಾನ್, ಉಕ್ರೇನ್) ಮತ್ತು ದೂರದ ಡೊಮಿನಿಕನ್ ರಿಪಬ್ಲಿಕ್ ಮತ್ತು ಈಕ್ವೆಡಾರ್ ಮುಂತಾದ 29 ದೇಶಗಳಿಗೆ ಸರ್ಕಾರವು ಈಗಾಗಲೇ ಸರಕುಗಳನ್ನು ತಲುಪಿಸಿದೆ.
ಇನ್ನೂ ಆರು ಆಫ್ರಿಕನ್ ದೇಶಗಳು ಹೈಡ್ರಾಕ್ಸಿಕ್ಲೋರೋಕ್ವಿನ್ (ಎಚ್‌ಸಿಕ್ಯು) ಮತ್ತು ಪ್ಯಾರಾಸಿಟಮಾಲ್ ಅನ್ನು ಪಡೆದಿವೆ.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
