ನವದೆಹಲಿ: ವಿಶ್ವದ ಅತ್ಯಂತ ಜನಪ್ರಿಯ ಸರ್ಚ್ ಎಂಜಿನ್ ಗೂಗಲ್ ನಿರಂತರವಾಗಿ ಕರೋನಾ ಯೋಧರಿಗೆ ತನ್ನ ನವೀನ ಡೂಡಲ್ ಮೂಲಕ ಧನ್ಯವಾದಗಳನ್ನು ಸಮರ್ಪಣೆ ಮಾಡುತ್ತಿದೆ. ಈಗಾಗಲೇ ಅದು ವೈದ್ಯಕೀಯ ಲೋಕದ ಸಿಬ್ಬಂದಿಗಳಿಗೆ, ಆಹಾರ ಪೂರೈಕೆದಾರರಿಗೆ ವಿಶೇಷ ಡೂಡಲ್ ವಿನ್ಯಾಸ ಪಡಿಸಿ ಗೌರವವನ್ನು ಸಮರ್ಪಣೆ ಮಾಡಿದೆ.
ಇಂದು ಗೂಗಲ್ ಕರೋನವೈರಸ್ ಸಾಂಕ್ರಾಮಿಕ ರೋಗದ ಸಂದರ್ಭದಲ್ಲಿ ತಮ್ಮ ಕರ್ತವ್ಯವನ್ನು ನಿರ್ವಹಿಸುತ್ತಿರುವ ಶಿಕ್ಷಕರಿಗೆ ಮತ್ತು ಮಕ್ಕಳ ಕಾರ್ಯಕರ್ತರಿಗೆ ವಿಶೇಷ ವಿನ್ಯಾಸದ ಡೂಡಲ್ ರಚನೆ ಮಾಡಿ ಗೌರವಾರ್ಪಣೆ ಮಾಡಿದೆ.
ಮನೆಯಿಂದಲೇ ಕಾರ್ಯನಿರ್ವಹಿಸುವ ಶಿಕ್ಷಕರ ಚಿತ್ರವನ್ನು ಡೂಡಲ್ ಅತ್ಯಂತ ನವೀನವಾಗಿ ವಿನ್ಯಾಸಪಡಿಸಿದೆ. ಲ್ಯಾಪ್‌ಟಾಪ್ ಮೂಲಕ ಆನ್ಲೈನ್ ಶಿಕ್ಷಣ ನೀಡುತ್ತಿರುವ ಶಿಕ್ಷಕನ ಚಿತ್ರವನ್ನು ಅದ್ಭುತವಾಗಿ ಬಿಡಿಸಲಾಗಿದೆ, ಹಿಂಭಾಗದಲ್ಲಿ ವೈಟ್ ಬೋರ್ಡ್ ಮತ್ತು ಟೇಬಲ್ ಮೇಲೆ ತಿಂದ ಸ್ಯಾಂಡ್ವಿಚ್ ಹೇಗೆ ಶಿಕ್ಷಕರು ಬಹು ಕಾರ್ಯಗಳನ್ನು ನಿರ್ವಹಿಸುತ್ತಿದ್ದಾರೆ ಎಂಬುದನ್ನು ಪ್ರತಿಬಿಂಬಿಸುತ್ತದೆ. “ಧನ್ಯವಾದಗಳು: ಶಿಕ್ಷಕರು ಮತ್ತು ಮಕ್ಕಳ ಸೇವಾ ಕಾರ್ಯಕರ್ತರು” ಎಂದು ಡೂಡಲ್ ಸಂದೇಶ ನೀಡಿದೆ.
“ಥ್ಯಾಂಕ್ಯೂ ಕರೋನವೈರಸ್ ಹೆಲ್ಪರ್ಸ್” ಸರಣಿಯ ಭಾಗವಾಗಿ ಗೂಗಲ್ ಈ ಡೂಡಲ್ ಅನ್ನು ವಿನ್ಯಾಸಪಡಿಸಿದೆ.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
