ವಾಷಿಂಗ್ಟನ್: ಕೋಟಿ ಕೋಟಿ ಸಂಪಾದಿಸಿ ದುಬಾರಿ ಜೀವನ ಸಾಗಿಸುವ, ತಮ್ಮ ಮುಂದಿನ ತಲೆಮಾರಿಗೂ ಎತ್ತಿಡುವ ಮನಸ್ಥಿತಿಯ ಶ್ರೀಮಂತರೇ ಇಂದು ತುಂಬಿ ತುಳುಕುತ್ತಿದ್ದಾರೆ. ನಮ್ಮ ಹಣವನ್ನು ಸಮಾಜಕ್ಕೆ ಯಾಕೆ ಬಳಸಬೇಕು ಎಂಬ ಧೋರಣೆ ಹಲವರದ್ದಾಗಿರುತ್ತದೆ. ಆದರೆ ಹಾಲಿವುಡ್ ನಟ ಲಿಯೋನಾರ್ಡೊ ಡಿಕಾರ್‌ಪ್ರಿಯೋ ಮಾಡಿದ ಕಾರ್ಯ ಮಾತ್ರ ಎಲ್ಲಾ ಶ್ರೀಮಂತರೂ ಒಂದೇ ತರ ಇರಲ್ಲ ಎಂಬುದನ್ನು ಸಾರಿ ಹೇಳುತ್ತದೆ.
ಲಿಯೋನಾರ್ಡೊ ಬರೋಬ್ಬರಿ 15 ಮಿಲಿಯನ್ ಡಾಲರ್ ಹಣವನ್ನು ಈ ಅತ್ಯಮೂಲ್ಯ ಭೂಮಿಯ ರಕ್ಷಣೆಗಾಗಿ ದಾನವಾಗಿ ನೀಡಿದ್ದಾರೆ. ವಿನಾಶದತ್ತ ಸಾಗಿರುವ ಭೂಮಿಯನ್ನು ಸಂರಕ್ಷಿಸಲು, ಅದರ ಬಗ್ಗೆ ಕಾಳಜಿ ವಹಿಸುವಂತೆ ಮಾಡಲು ಅವರು ಈ ಹಣವನ್ನು ನೀಡಿದ್ದಾರೆ.
ಜಗತ್ತಿನಾದ್ಯಂತ ಸುಮಾರು ಭೂಮಿಯ, ಪರಿಸರದ ಸಂರಕ್ಷಣೆಗಾಗಿ ದುಡಿಯುತ್ತಿರುವ ೨೭ ಸಂಸ್ಥೆಗಳಿಗೆ ಲಿಯೋನಾರ್ಡೊ ತಮ್ಮ ಫೌಂಡೇಶನ್ ಮುಖಾಂತರ ಹಣವನ್ನು ನೀಡಿದ್ದಾರೆ. ವೈಯಕ್ತಿಕವಾಗಿ ದುಡಿಯುತ್ತಿರುವವರಿಗೂ ಅವರ ಫೌಂಡೇಶನ್ ವತಿಯಿಂದ ಹಣವನ್ನು ನೀಡಲಾಗಿದೆ.
1998ರಲ್ಲಿ ಲಿಯೋನಾರ್ಡೊ ತಮ್ಮ ಫೌಂಡೇಶನನ್ನು ಸ್ಥಾಪಿಸಿದ್ದು, ಆರೋಗ್ಯ ಮತ್ತು ಭೂಮಿಯ ಜೀವರಾಶಿಗಳ ಸಂರಕ್ಷಣೆಯ ಕಾರ್ಯವನ್ನು ಮಾಡುತ್ತಿದೆ.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
